Justizia herritarrengana hurbiltzen

Araudien azken berriak

Justiziak instrukzioa prestatu du adingabe transexualek Erregistro Zibiletan izena aldatzeko aukera izan dezaten

Justiziak instrukzioa prestatu du adingabe transexualek Erregistro Zibiletan izena aldatzeko aukera izan dezaten

Justiziak instrukzioa prestatu du Espainia osoko Erregistro Zibiletan adingabe transexualek  izena aldatzeko aukera izan dezaten. Familiei konponbidea emateko behin behineko neurria da, Parlamentuak 2/2007 Legearen erreforma izapidetzen duen bitartean. Legearen erreformaren bitartez, adingabeen izenaz gain sexua ere aldatzeko aukera egongo da erregistroetan.  

EAEn 2016tik izena aldatu nahi zuten adingabeek horretarako aukera zuten Euskadiko dokumentu administratiboei zegokienez (udaletxe, aldundietan, Osakidetzan, e.a.), transexualen dokumentazio administratiboari buruzko abenduaren 22ko 234/2015 Dekretuari esker. Hala ere, Estatuko dokumentu ofizialak administrazio zentralaren esku daude, zehazki Erregistro Zibilen esku (jaiotza-egiaztagiria, NAN, pasaportea). Eta Erregistro Zibilek, askotan ez zituzten izen aldaketak onartzen.

Bea Sever, Chrysallis Euskal Herria elkarteko kidearen hitzetan, “hori dela eta, egunerokoan, lagunen artean, familian…eta zenbait leku ofizialetan nahi duten izena daukate, eta beste leku ofizial batzuetan, ez. Adibidez, DBHko titulua jasotzen duen nerabe batek, titulu ofiziala jasotzen duenean, NANan ageri den izenarekin agertuko da”. Legearen erreformari dagokionez, Bearen hitzetan “adingabe transexualen izen eta sexu aldaketa askatasunez egiteko aukera egon behar da, eta inolako esijentziarik gabe gauzatu behar da, hau da, Legeak norbanakoak duen autodeterminaziorako eskubidea bermatu behar du”.

2018ko urriaren 19ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook
  • Google +

Datuen babeserako Europako lege berria derrigorrean bete behar da gaurtik aurrera

Datuen babeserako Europako lege berria derrigorrean bete behar da gaurtik aurrera

Gaurtik aurrera Europar Batasuneko estatu guztiek derrigorrean bete behar dute Datuen Babeserako Araudi Nagusi berria (DBAN). Araudi berriak, herritarrek euren informazio pertsonalari buruz dituzten eskubideak areagotzen ditu, eta Datuen Babeserako Lege Organikoa ordeztuko du.

Europako araudi berriaren helburu nagusietako bat, enpresek eremu digitalean erabiltzaileen datuekin egiten duten erabilera arautzea, eta batez ere, interneten egiten den datuen erabilera okerretatik norbanakoak babestea da.

Datuen Babeserako Espainiako Agentziaren arabera, araudi berriak eskubide berriak gehitu ditu, herritarrek norbere datu pertsonalen gainean duten kontrola eta erabakitzeko gaitasuna areagotzeko helburuarekin. 

ARCO (gaztelaniatik) eskubideekin gertatzen zen bezala -Sarbide, Zuzenketa, Kantzelazio eta Aurkaratzeko eskubideak-, Europako araudian jasotako eskubideak gauzatzea erabat doanekoa da herritarrentzat.

Maiatzaren 25etik aurrera, Datuen Babeserako Araudi Nagusi berria derrigorrean bete beharko da. DBANk herritarrei aitortzen dizkien eskubideak hurrengoak dira:

Sarbide eskubidea. Zure datuak zertarako erabiltzen diren, noiz arte erabiliko diren, nazioartera transferitu diren ala ez eta profil automatizatuak sortu diren ala ez jakiteko eskubidea duzu.

Zuzentzeko eskubidea.  Datuak okerrak badira edo osatu gabe badaude, zuzentzeko eskubidea daukazu.

Ezabatzeko eskubidea. Eskubide hau “ahaztua izateko eskubide” bezala ere ezaguna da. Zure datu pertsonalak ezabatzeko eskubidea duzu, adibidez, bilduak izan ziren egitatearen xedea iraungi bada.

Trataera mugatzeko eskubidea. Dagokion arduradunari zure datuen tratamendua eteteko edo datuak gordetzeko –kasuan kasu- eskatzeko eskubidea daukazu.

Eramangarritasun eskubidea. Zure datuak beste zerbitzu-hornitzaile batera eramateko eska dezakezu.

Erabilera ukatzeko eskubidea. Zure datuen tratamendua ukatzeko eskubidea duzu, arrazoi pertsonalak direla eta, edo adibidez, zuzeneko marketin-erako erabiltzen dituztelako.

2018ko maiatzaren 25ean argitaratua. Honi buruz gehiago irakurri:  Justizia Europan. Iruzkin bat egin.
  • Partekatu:
  • Email
  • Twitter
  • Facebook
  • Google +