Justizia herritarrengana hurbiltzen

Ba al dakizu?

Ba al dakizu? Jaiotza ziurtagirian dagoen akatsa zuzendu dezakezu

Ba al dakizu? Jaiotza ziurtagirian dagoen akatsa zuzendu dezakezu

Abizena gaizki idatzita dago, izen konposatua daukazu baina ez da agertzen edo dataren bat gaizki dago... jaiotza edo ezkontza ziurtagirian zein familia liburuan hutsen bat egonez gero, dagokizun Erregistro Zibil edo Bake epaitegian zuzentzeko aukera daukazu. Horretarako, okerra zuzentzeko espedientea hasi behar duzu.

Adibidez, akatsa jaiotza ziurtagirian badago, bizilekuagatik dagokizun Erregistro zibil edo Bake epaitegira joan, okerra zuzentzeko espedientea hasi eta akatsa dagoela egiaztatzen duten dokumentuak aurkeztu behar dituzu. Ondoren, bizilekuagatik dagokizun Erregistro Zibila edo Bake Epaitegia jaiotza ziurtagiria duen Erregistroarekin harremanetan jarriko da, okerra zuzentzeko.

Izapide mota hauek astebete inguruko iraupena dute. Hortaz, epe laburrean ziurtagiria zuzenduta jasotzeko aukera izango duzu. 

Gogoratu: Datuak zuzendu ostean, jaiotza-ziurtagiria JustiziaEus-en bitartez online eska dezakezu.

2019ko ekainaren 14ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Email
  • Twitter
  • Facebook

Ba al dakizu zeintzuk diren Justizia Administrazioaren aurrean dituzun betebeharrak?

Ba al dakizu zeintzuk diren Justizia Administrazioaren aurrean dituzun betebeharrak?

2001eko maiatzaren 28an sinatu zen Justizia Erreformatzeko Estatu Ituna. Itunaren lehentasunetako bat Herritarrek Justiziaren aurrean dituzten Eskubideen Gutuna prestatzea izan zen, 2002ko apirilaren 16an Diputatuen Kongresuan onartu zena.

Herritarrek Justiziaren aurrean dituzten Eskubideen Gutunak Justizia Administrazioaren zerbitzura lan egiten duten guztiei eragiten die, baina, zein dira herritarrek Justizia Administrazioaren aurrean dituzten betebeharrak?

Herritarrek Justizia Administrazioaren aurrean dituzten betebeharrak

  1. Epaimahaiko kide gisa parte hartu beharra

    Eskatzen zaionean, norbanakoak epaiketa batean epaimahaiko kide gisa parte hartu beharra du, baldin eta legean aurrikusitako bateraezintasun, debeku edo  aitzakiaren bat ez badago.
     
  2. Lekuko gisa parte hartu beharra

    Norbanakoek, lekuko gisa deitutakoan, Justiziari lagundu beharra diote egiazko lekukotza emanda.
     
  3. Delitu baten berri eman beharra

    Baldin eta ikusi badu, Agintaritza Judizialari edo Fiskaltzari delitu baten berri eman beharra du, familia-arrazoiak direla-eta salbuetsita dagoenak izan ezik.

Ezagutu itzazu Justizia Administrazioaren aurrean dituzun eskubide eta betebeharrak.
 

2019ko apirilaren 30ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Email
  • Twitter
  • Facebook