Justizia herritarrengana hurbiltzen

Botere Judiziala

Zinpeko izan nahi ez badut?

Zinpeko izan nahi ez badut?

Bi urtetik behin zinpeko izateko hautagaien zerrenda egiten da. Zerrenda zozketa publiko bidez egiten da eta azken hautesle-erroldako norbanako guztiak sartzen dira bertan.  Zozketa bidez aukeratutako pertsonek jakinarazpena jasoko dute, bertan euren betebeharra zein izango den azaltzen da. 

Baina, derrigorrezkoa al da zinpeko izatea? Bai. Ez diozu zinpeko izateari uko egin.  Hala ere, bateraezintasunagatik edo gaitasun ezagatik kanpoan gera zaitezke.

Legearen arabera herritar batzuk ezin dira zinpeko izan beren lan-jardunaren ondorioz.  Hauek dira Legeak zehazten dituen bateraezintasunak:

  • Errege-familia.
  • Kargu hautetsiak, eta Gobernu zentraleko zein erkidegoetako gobernuetako kideak.
  • Justizia Administrazioko hainbat organismotako pertsonak. Espetxeetako funtzionarioak. Espetxeetako funtzionarioak.
  • Jardunean dauden letradun eta prokuradoreak. Unibertsitateetan arlo juridikoak edo auzitegi-medikuntza irakasten duten katedradunak edo irakasle titularrak. 
  • Jardunean dauden segurtasun indarretako eta kidegoetako kideak.
  • Nazioarteko erakundeetako diplomatiko eta ordezkari iraunkorrak.

Zinpeko izatea debekatuta daukaten bestelako norbanakoak:

  • Judizioko alderdietako batekin ahaidetasun-harremana dutenek.
  • Lekuko, aditu, fidatzaile edo interprete gisa parte hartu dutenek.
  • Auzian nolabaiteko interesa dutenek.

Bestalde, hurrengo norbanakoek ezin dute zinpeko izan:

  • Doluzko delituagatik kondenatu eta errehabilitazioa lortu ez dutenek.
  • Ahozko judizioa egiteko edo epea zehazteko zain dauden prozesatu edo akusatuak, edo atxilotuak, behin-behineko espetxeratuak edo delituagatik zigorra betetzen ari direnak.
  • Prozedura penalaren ondorioz enplegu edo kargu publikorik gabe utzitakoak, eteteak irauten duen bitartean.

Hala ere, badaude zinpeko izan ezin daitezkeen beste norbanako batzuk: 

  • 65 urtetik gorakoak.
  • Zinpeko izendatu aurreko lau urteetan zinpeko lanak egin dutenak.
  • Familiako ardurak direla eta arazo larriak dituztenak.
  • Interes orokorreko lanak egiten dituztenak, baldin eta ordezteak kalte larriak sortuko baditu.
  • Atzerrian bizi direnak.
  • Jardunean dauden militar profesionalak, lan egin behar badute. 
  • Zinpeko izatea modu larrian eragozten dien beste edozein arrazoi behar bezala  egiaztatzen duten norbanakoak.

Justizianet-en Zinpeko Epaimahaiko kide izateari buruzko informazio gehiago daukazu.

 
 

2014ko urriaren 21ean argitaratua. Honi buruz gehiago irakurri:  Botere Judiziala. Iruzkin bat egin.
  • Partekatu:
  • Email
  • Twitter
  • Facebook

Itsu bat epaile izan daiteke?

Itsu bat epaile izan daiteke?

“Nire izena Gabriel da eta itsua naiz. Itsua izatea ez da eragozpena  izan Zuzenbide ikasketak  amaitzeko, bai ordea,  karreran aurrera egiteko:   epaile izan nahi dut, baina inork ez dit aukera hori dudan ala ez esan nahi.  Erantzuna lortzen lagunduko al didazu? Nire eskaera sinatuz lagun nazakezu”. Horrela aurkeztu zuen bere burua Gabriel Pérez Castellanos gazte erabat itsuak, eskaerak online egiteko Change.org plataforman. Eskaeraren helburua, epaile izateko aukera duen ala ez jakitea zen. Eta lortu ere, lortu du: Botere Judizialaren Kontseilu Nagusiak baiezkoa eman dio.

Epaile izateko, beste edonork bezala, oposaketak gainditu besterik ez du egin behar. Ondoren, epaile izateko aukera izango du bateragarria den edo bere gaitasunekin bat datorren lanpostu batean.

Botere Judizialaren Kontseilu Nagusiaren Batzorde Iraunkorrak aho batez hartu du erabakia. Izan ere, Konstituzioaren 49. artikuluak gabeziak dituzten norbanakoak gizarteratzeko lanak egitera, eta euren eskubideak babestera behartzen ditu botere publikoak. Gainera, Botere Judizialaren 301.8 Lege Organikoaren arabera (BJLO), karrera judizialera sartzeko deialdietan, lanpostuen %5, gutxienez, %33ko edo goragoko gabezia maila duten norbanakoentzat gorde behar da.

Erabakia hartzeko, Batzorde Iraunkorreko kideek Juan Manuel Fernandez kidearen txostenaz baliatu dira. Fernandezek txostenean adierazitakoaren arabera, frogak aztertzeko orduan, kasu gehienetan, ez beharrezkoa ikusteko gaitasuna izatea. Horrez gain, gaur egun itsuentzat edozein dokumentu eskuragarri jartzeko teknologia dagoela azpimarratu du txostenean

2014ko maiatzaren 22ean argitaratua. Honi buruz gehiago irakurri:  Botere Judiziala. Iruzkin bat egin.
  • Partekatu:
  • Email
  • Twitter
  • Facebook