Justizia herritarrengana hurbiltzen

Covid-19

Semea edo alaba Erregistro Zibilean erregistratu al dezaket alarma egoerak dirauen bitartean?

Semea edo alaba Erregistro Zibilean erregistratu al dezaket alarma egoerak dirauen bitartean?

Covid-19ak eragindako salbuespen egoerak irauten duen bitartean, Erregistro Zibilek Lan eta Justizia Sailburuaren 2020ko martxoaren 15eko Agindua, Euskadiko Justizia Administrazioaren funtsezko zerbitzuei buruzkoa, jarraitu behar dute. Agindu horretan ezarrita dator Erregistro Zibiletan jaiotza-inskripzioak presako epean egiteko agindua.

Jaio berrien inskripzioak Legeak ezarritako 30 eguneko epean egiten ari dira; hori bai, denbora hori ahalik eta gehien estutzen da alarma egoerak irauten duen bitartean Erregistro Zibiletara joateko beharra murrizteko. Orokorrean, jaio berriak inskribatzeko hitzordua, Legeak ezarritako 30 eguneko epea amaitu baino astebete lehenago ematen da.

Familia-liburuari dagokionez, seme-alaba ospitaletik inskribatzen duten gurasoek ez dute zertan Erregistro Zibilera joan behar inskripzioa amaitzera. Hortaz, itxialdia amaitzen denean dagokien Erregistro Zibilera joan beharko dute Familia-liburua jasotzera edo eguneratzera. Seme-alabak Erregistro Zibilean aurrez aurre inskribatu behar dituzten bikoteek halabeharrez hitzordua eskatu behar dute, eta gertaera inskribatu ondoren, kasu gehienetan Familia-liburua unean bertan jasoko dute.

2020ko maiatzaren 12ean argitaratua. Honi buruz gehiago irakurri:  Covid-19. Iruzkin bat egin.
  • Partekatu:
  • Email
  • Twitter
  • Facebook

Jaiotza-, ezkontza- edo heriotza-ziurtagiriak eskatu daitezke alarma egoerak irauten duen bitartean?

Ziurtagiriak online eskatzeko aukera

Covid-19ak eragindako alarma egoerak irauten duen bitartean, jaiotza-,ezkontza- edo heriotza-ziurtagiriak JustiziaEus bitartez telematikoki eskatu daitezke, baina Erregistro Zibilean edo Bake epaitegietan aurrez aurre eskatzeko aukera bertan behera gelditu da.

Lan eta Justizia Sailburuaren 2020ko martxoaren 15eko Agindua, Euskadiko Justizia Administrazioaren funtsezko zerbitzuei buruzkoaren arabera, ziurtagiriak ematea ez da Erregistro Zibilek eman beharreko funtsezko zerbitzua.

Hortaz, ziurtagiriak online eskatzeko aukera badago ere, ez da segurua ziurtagiriak ohiko epearen barruan iritsiko direnik, batetik, lan hori ez dagoelako Erregistro Zibilek egin behar dituzten funtsezko lanen artean, eta bestetik, posta zerbitzu arrunta ez delako normaltasunez lanean ari.

2020ko maiatzaren 12ean argitaratua. Honi buruz gehiago irakurri:  Covid-19. Iruzkin bat egin.
  • Partekatu:
  • Email
  • Twitter
  • Facebook