Justizia herritarrengana hurbiltzen

Elkarrizketak

Ana García Bilboko Lehen Auzialdiko Magistratua

Ana García Bilboko Lehen Auzialdiko Magistratua

Urteetako ibilbidea du, denetik ikusi du, baina oraindik ere badaude gauez loa eragozten dioten zenbait kasu. Ana García Orruño Bilboko Lehen Auzialdiko Magistratua da eta epai batzuekin gaizki pasatzen duela onartzen du, “bidegabeak” direlako. Hipoteka betearazpenei buruz ari da, kontuan hartu behar delako “ez dela jendea kalera botatzea bakarrik, betearazpenak bizitza guztirako dira”.

Egunero ordenagailuarekin lan egiten duen arren, bere mahaia paperez gainezka dago. Espediente batzuk hain dira handiak ezen epaitegietako langileek batetik bestera supermerkatuko orgarekin eraman behar izaten dituztela. “Justizian dena papera, papera eta papera”, dio Magistratuak.

2013ko maiatzaren 7ean argitaratua. Honi buruz gehiago irakurri:  ELKARRIZKETAK. Iruzkin bat egin.
  • Partekatu:
  • Email
  • Twitter
  • Facebook

Carlos Cubero, Auzitegi Medikuntzako Euskal Institutuko zuzendaria

Carlos Cubero, Auzitegi Medikuntzako Euskal Institutuko zuzendaria

Auzitegi Medikuntzako Euskal Institutua (AMEI) Justizia Administrazioaren zerbitzura dagoen organoa da. Epaileek, magistratuek, fiskalek eta Justiziako gainontzeko profesionalek bertara jotzen dute, besteak beste autopsiak, hilotzak altxatzea, eta erasoen balorazioak eskatzera.

Carlos Cubero AMEIren burua da, eta zuzendari izateaz gain, auzitegi mediku eta patologo lanak ere egiten ditu. Hori dela eta, ohikoa du lana etxera eraman behar izatea.

Eguneroko lanean egoera oso gogorrei aurre egin behar izaten die, eta unerik latzenak bortxaketekin bizi ditu. “Ustez bortxatua izan den emakume bat ikustean… profesional gisa lanean jarraitzeko ahalegin handia egin behar izaten dut, nire alde gizatiarra gailendu egiten baita” dio Carlos Cuberok.

Orokorrean bere lanaz oso harro dago, eta “Auzitegi Medikuntzako Euskal Institutua Estatuko gainontzekoekin alderatuz gero, erreferente bilakatu dela” baieztatu du. “Beste erakunde batzuetako zuzendariek ere horrela adierazi dute”.

2013ko apirilaren 17ean argitaratua. Honi buruz gehiago irakurri:  ELKARRIZKETAK. Iruzkin bat egin.
  • Partekatu:
  • Email
  • Twitter
  • Facebook