Justizia herritarrengana hurbiltzen

Erreportajeak

Justizia Leheneratzaileari buruzko adituak hiru egunez aritu dira Donostian

 

 

 

 

 

 

 

 

 

 

 

“Justizia Leheneratzaile eta Terapeutikoa, justizia eredu berritzaileetarantz” Europako lehenengo Kongresua ekainaren 16, 17 eta 18an egin da Donostiako Kursaal Jauregian. Kongresuan arlo horretako 300etik gora aditu bildu dira, besteak beste abokatu eta epaileak, bitartekariak eta erakunde judizialetako estatuko ordezkariak. Hiru egunez Justizia Leheneratzaile eta Terapeutikoari buruz aritu dira, biktimari egindako kaltea konpontzea helburu duen Justizia eredu ordezkoari buruz, alegia. 

Kongresuan Justizia Leheneratzailean aditu diren nazioarteko 300etik gora kidek parte hartu du.

 

 

 

 

 

 

 

 

 

 

Kongresuan buru izan dira Gipuzkoako Probintzia Auzitegiko presidente Iñaki Subijana eta Euskadiko Kriminologia Institutuko zuzendari Jose Luis Lacuesta. Zuzendari, berriz, Izaskun Porres  abokatu eta orientatzaile judiziala izan da. 

Parte-hartzaileei dagokienez, Justizia Leheneratzaile eta Terapeutikoan mundu mailako adituek  parte hartu dute, bai eta arlo judizialen esanguratsu diren beste hainbeste kidek ere, hala nola, Auzitegi Goreneko magistratu Lourdes Arastey, Auzitegi Gorenaren eta Botere Judizialaren Kontseilu Nagusiaren presidente Carlos Lesmes, BJKNren kide Maria Victoria Cinto, IVACen ikertzaile Gemma Maria Varona, EAEko Auzitegi Nagusiaren presidente Juan Luis Ibarra eta EAEko Fiskal Nagusi Juan Calparsoro

Eusko Jaurlaritzako ordezkariek ere Kongresuan parte hartu dute, hala nola Iñigo Urkullu lehendakariak, Eusko Jaurlaritzaren bozeramale eta Herri Administrazio eta Justizia sailburu Josu Erkorekak, Bakea eta Elkarbizitzarako idazkari nagusi Jonan Fernandez, Justizia sailburuorde Ana Agirrek eta Justiziako Zuzendari Manuel Valinek.

Eusko Jaurlaritzaren konpromisoa

Eusko Jaurlaritzaren bozeramale eta Herri Administrazio eta Justiziako sailburu Josu Erkorekak Kongresuko hainbat saiotan parte hartu du Josu Erkorekak Eusko Jaurlaritzaren konpromisoa berretsi du, Euskadin eredu judizial leheneratzailea ezartzekoa, kaltegilea jazarri, zigortu eta gizartetik bakartzea beste helbururik ez duen zigor-eredu tradizionala baino modernoagoa, eraginkorragoa eta gizalegezkoagoa denez. Gainera, “Justizia leheneratzailearen” metodo berriek auzitegietako lan karga arindu, justizia azkartu eta baliabide publikoen erabilera arrazionalizatzeko baliagarriak izango dira, azpimarratu du Erkorekak.

Kongresuan Josu Erkorekak Eusko Jaurlaritzak justizia eredu leheneratzaile baten alde egindako konpromisoa berretsi du.

 

 

 

 

 

 

 

 

 

Bakegintza eta Bizikidetzarako idazkari nagusi Jonan Fernandezek, Justizia Leheneratzaileari buruz Donostian egindako Kongresuan aurkeztu du birgizarteratzean eta leheneratzean oinarritutako dekretu-proiektua. Araua giza eskubideen nazioarteko zuzenbidearen eta justizia leheneratzaileari loturiko Europako korrontearen arloan dago. Bi alderdi nagusi ditu: gizarteratzea eta birgizarteratzea

Jonan Fernandez, gizarteratzeari eta birgizarteratzeari buruzko Eusko Jaurlaritzaren dekretu-proiektua aurkezten.

 

 

 

 

 

 

 

 

 

 

 

Laguntza gizarteratze-ibilbidean eta espetxealdi osteko birgizarteratzean. Jonan Fernandezek zehaztutakoaren arabera, gizarteratze-prozesua presoa espetxean dagoela hasiko da, eta, zehazki, terrorismo-delituen ondoriozko zigor pekoei zuzenduta dago. Izan ere, araudiak berak betekizun desberdinak ezartzen ditu kasu horietan. Bestalde, birgizarteratzeko emandako laguntza preso guztiei zuzenduta dago, edozein dela ere zigorra eragin duen delitua, eta, nagusiki, espetxealdi osteko fasean zertzen da.

Justizia Leheneratzailea delitu batek eragindako kaltea konpontzean datza, eta aldeei konponbide batera iristeko aukera errazten die, beti ere delituaren larritasunaren arabera. Ez da Justizia Ordaintzailearen (zigortzailearen) ordezkoa, baizik eta Justizia gizatiarrago baten aldeko apustua da: zigor sistemaren baitan elkarrizketa gehitzen du, delituak biktimari eragin dizkion kalteak eta parte-hartze instituzionalak delitugileari ezarritako indarkeria-ondorioak leuntzeko.

“Laborategi esperimentalak”

Kongresuan 20tik gora workshop praktiko ere egon dira. Lantegi horiek arratsaldez egin dira eta kongresuko parte-hartzaileen arteko interakzioa sustatzeko “laborategi esperimentalak”sortzea zuten helburu.

Workshop-etan hainbat gai jorratu dira Justizia Leheneratzaile eta Terapeutikoaren inguruko ikuspegi guztiak landu asmoz.  Hortaz, genero inadarkeriari, terrorismoari, sexu-gehiegikeriei eta adingabeei buruzko lantegiak egon dira, besteak beste. 

Arratsaldetan helburu praktikoa zuten workshop-ak egon dira.

 

 

 

 

 

 

 

 

 

 

 

Eusko Jaurlaritzaren Bitartekaritza Zerbitzuak

Justizia Leheneratzailea erdiesteko tresna egokiena bitartekaritza da.  Eusko Jaurlaritza aitzindari izan zen  Estatuan bitartekaritza zerbitzuak ezartzen. Gaur-gaurkoz, doako bitartekaritza-zerbitzuak eskaintzen dizkie herritarrei hainbat arlotan. Hauek dira azpimarragarrienak: 

  • Familia: Familia Bitartekaritzarako 1/2008 Legeak, otsailaren 8koak, araututakoa. Aditu inpartzialek laguntza ematen diete aldeei, familia-gatazketan adiskidetasunezko konponbideak elkarrekin erdietsi ditzaten.
  • Kontsumoa: Eusko Jaurlaritzako Kontsumobide erakunde autonomoak egiten ditu bitartekari-lanak kontsumitzaileen eta erabiltzaileen eta horiek eskuratu dituzten zerbitzuen eta produktuen hornitzaileen artean.
  • Hipoteka: Zehazki, Eusko Jaurlaritzako Hipoteka Bitartekaritzako Zerbitzua, Ekonomisten Euskal Elkargoko eta Euskadiko Zinpeko Kontu Azterlarien Institutuaren Euskadiko taldeko profesionalen bitartez eskaintzen dena.  Helburua hipoteka gauzatze-kasuak saihestea da. Horretarako, eskatzaileen eta finantza-erakundeen artean bitartekari aritzen dira, zorra berriz negoziatzeko.
  • Gazte Justizia: legea hautsi dutelako atxilotutako adingabeen kasuan abiarazten den zerbitzu bat da. Helburua da adingabeak berak eragin dituen kalteak aitortzea eta biktimarekin konpondu ahal izatea.  Halako bitartekaritzari esker, adingabeak kontzientzia hartzen du eta hura berriz gizarteratzea sustatzen da; halaber, hark arauak berriz haustea eta zigor askatasun-kentzaileak saihesten dira.  
  • Helduen justizia: Bitartekaritza Zerbitzu Judiziala, 2007an sortu zenetik izan duen hazkundea dela medio, Euskadin Estatuan beste inon baino garatuago dago: Estatuan bitartekaritzaren formularen bidez konpondutako 10 kasutik 6 Euskadikoak dira. Zigor-arloko jurisdikzioan eta zibil-familiarrean (banantzeak, dibortzioak, zaintza, gatazkak ardurapeko seme-alabekin, etab.) eskaintzen da zerbitzu hori.

Informazio gehiagorako: “Justizia Leheneratzaile eta terapeutikoa: justizia eredu berritzaileetarantz” Europako Batzarraren egitaraua kontsulta dezakezu.

"Justizia Leheneratzaile eta terapeutikoa” Kongresuaren web ofiziala

2016ko ekainaren 22ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook

Milioi erdi bisitatik gora

Kanada, Islandia, Zeelanda berria, Taiwan, Nigeria, Kamerun, Indonesia, Japonia, Australia, Txina… JustiziaNet-ek mundu osoko bisitariak ditu

Hamar erabiltzailetik hiru eskuko gailuetatik sartzen da JustiziaNet-en (tabletak edo smartphoneak).

 

 

 

 

 

 

 

 

 

 

Justizia eta Herri Administrazio Sailaren web atariak (www.justizia.net ) 567.333 bisita izan ditu 2015. urtean, 2012. urtean baino % 31 gehiago (mota horretako datuak jaso ziren lehen urtea). Iaz, JustiziaNet-ek 380.000 bisitari izan zituen, guztira, bi milioi ikustaldi izan ziren.

Azken lau urteotan erabiltzaileek portalera sartzeko duten modua nabarmen aldatu da. Horrela, 2012. urtean JustiziaNet bisitatu zuten gehienek mahai gaineko edo ordenagailu eramangarrietatik egin zuten; hala ere, gaur egun hamar erabiltzailetik hiru eskuko gailuetatik sartzen da (tabletak edo smartphoneak).

Hurrengo irudian 2012az geroztik JustiziaNet-era gailu ezberdinetatik sartutakoen datuen alderaketa ikus daiteke:

2012 eta 2015 urteen artean JustiziaNet-era eskuko gailuetatik eta mahaiko ordenagailuetatik sartutakoen datuak.

 

 

 

 

 

 

 

 

 

 

JustiziaNet-en sartu eta bertako zerbitzu eta izapideak erabiltzen dituzten gehienak Espainiako hainbat lekutatik sartzen dira, batez ere Euskal Autonomia Erkidegotik, Madrildik eta Bartzelonatik. Bisiten gainontzeko % 10 europako herrialde ezberdinekoak eta Latinoamerikako herrialdekoak -Mexiko, Kolonbia, Argentina, Txile- dira. 

JustiziaNet

Baina, gainera, 2015ean munduko zabaleko hainbat bisitari izan ditu, hala nola, Kanada, Islandia, Zeelanda berria, Taiwan, Nigeria, Kamerun, Indonesia, Japon, Australia edo Txinako bisitariak.

Online ziurtagiriak

JustiziaNet-etik gehien erabiltzen den zerbitzua jaiotza-, ezkontza- eta heriotza-ziurtagiriak online eskatzeko aplikazioa da. Berez, 2015. urtean 74.726 ziurtagiri eskatu ziren JustiziaNet bidez, 2014. urtean baino 2.142 gehiago.

Aplikazioa 2001ko abenduan jarri zen abian, eta munduko edozein bazterretik Euskadiko Erregistro Zibil eta  Bake Epaitegiei ziurtagiriak online eskatzeko aukera ematen du. Duela 15 urte aplikazioa indarrean  jarri zenetik 597.529 ziurtagiri eskaera jaso dira online.

Zerbitzuak eta izapideak atalean JustiziaNet-eko erabiltzaileek gehien bisitatutako edukiak daude.

 

 

 

 

 

 

 

 

 

 

Postontzia

JustiziaNet-eko erabiltzaileek, zalantzak badituzte edo behar duten informazioa aurkitzen ez badute, erabiltzaileen arretarako zerbitzura bidali ditzakete euren galderak. Iaz, postontzian 1.278 mezu jaso ziren. 

Webmasterraren postontzian jasotako mezuen erdia baino gehiago Erregistro Zibil eta Bake Epaitegietan egiten diren izapideekin erlazionatuta dago, hala nola, jaiotza-inskripzioekin, ezkontzekin, izen eta abizen aldaketekin eta batez ere ziurtagiriak online eskatzearekin. Ohiko galderak hurrengoak dira: ziurtagiriak jasotzeko epea, ziurtagiriak atzerrira bidaltzeko aukera eta eskaerak izapidetuta dauden ala ez.

Bisita gehien izan dituzten edukiak

2015ean zehar, atariaz gain, hauek izan dira bisita gehien izan dituzten JustiziaNet-eko atalak:  jaiotza-ziurtagiriak eskatzeko aplikazioa, enkante judizialen atala eta espainiako nazionalitatea eskatzeko jarraibideak dituzten atalak. Bestalde, “Justizia ezagutu” jakin-min handiena piztu duen atala da. Bertan, epaitegien antolamenduari, organo judizial motei edo epaimahaiei buruzko informazioa dago, besteak beste.

Bestalde, 2015ean gehien ikusitako albisteak enplegu eskaintza publikoarekin erlazionatutakoak dira. Adibidez, Euskal Administrazioa osatzeko bederatzi lan poltsetarako aukeraketa-prozesuaren irekiera iragartzen zuena.

Oso harrera ona izan du, baita ere, Justiziarekin erlazionatutako kontzeptuak adibideen bitartez azaltzen dituen JustiziaNet-eko atal berriak. “ba al dakizu...?” atala da. 2015eko arrakastatsuenak hurrengoak izan dira: “Ez da gauza bera zibiletik ezkontzea edo izatezko bikote egitea”, “ba al dakizu idazkari judizialak desagertuko direla?” edo “maltzurkeriaz eta ankerkeriaz”. Interesgarriak iruditzen bazaizkizu, “ba al dakizu...?” atalean irakur ditzakezu.

2016ko urtarrilaren 19ean argitaratua. Honi buruz gehiago irakurri:  JustiziaEus-eko zerbitzuak . Iruzkin bat egin.
  • Partekatu:
  • Email
  • Twitter
  • Facebook