Justizia herritarrengana hurbiltzen

Eusko Jaurlaritza

40.000 euro doako justiziako abokatutzako profesionalen prestakuntzarako

40.000 euro doako justiziako abokatutzako profesionalen prestakuntzarako

Gobernu Kontseiluak adostu du 40.000 euroko dirulaguntza ematea Arabako, Bizkaiko eta Gipuzkoako abokatuen elkargoei, doako laguntza juridikorako zerbitzuak ematen dituzten letratuen prestakuntza eta espezializazioa finantzatzeko.

Finantzaketa Abokatutzaren Euskal Kontseiluak aurkeztutako 2019ko Prestakuntzako Urteko Planaren arabera banatuko da. Hark dirulaguntzaren honako banaketa hau ezartzen du:   Arabari, 8.200 euro; Bizkaiari, 19.200 euro, eta, Gipuzkoari, 12.600 euro.

Aurreikusitako helburuen betetze-mailaren eta 2018an antolatutako jardueren amaierako azalpen-memoriaren arabera, Euskadiko hiru abokatuen elkargoek guztira doako justiziaren inguruko 30 prestakuntza-ikastaro egin zituzten, eta, haietara, 5.060 letratu bertaratu ziren (994 Araban, 3.221 Bizkaian eta 845 Gipuzkoan).

Doako Justiziarako eskubidearen bermeak prestakuntza beharrezkotzat ezartzen du -nahiatez bete beharrekoa- doako laguntza juridikorako zerbitzua emateko; horretarako, gutxieneko eskakizun orokor batzuk eta ofiziozko eta guardiako txandei arreta ematen dieten abokatutzako profesionalen prestakuntzarekin eta espezializazioarekin urtero jarraitzeko eskatzen da, eta, bereziki, adingabeen, atzerritartasunaren eta genero-indarkeriaren arloan espezializatutako txanden profesionalen kasuan.

Doako Laguntza Juridikoaren Zerbitzua emateko, Euskadiko abokatuen elkargoek ofiziozko txandari atxikita dauden 2.381 profesional dituzte (1.257 gizon eta 1.124 emakume) eta guardiako txandari atxikitako 1.958 profesional (1.012 gizon eta 630 emakume); haiek herritarrei eguneko 24 orduetan eta urteko 365 egunetan ematen diete arreta, eta doako laguntza juridikoaren onuradunen jurisdikzio-ordenetan (zibila, zigor-arlokoa, administrazioarekiko auzietakoa eta lan-arlokoa) eskubide eta interesen defentsa beren gain hartzen dute, auzitan jarduteko baliabide ekonomiko nahikoa ez dutela egiaztatzen duten pertsonen kasuan.

2018an, guztira 24.000 eskabidek izan zuten Doako Laguntza Juridikoko batzordeen aldeko txostena, eta, aurtengo lehen seihilekoan, 14.290 izan dira.

2019an, Eusko Jaurlaritzako Justizia eta Lan Sailak 15 milioi euro baino gehiago bideratuko ditu Doako Laguntza Juridikoaren zerbitzua ematera.

2019ko abuztuaren 13ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

San Josék haurren zaintzari buruzko uda-ikastaroa inauguratu du

San Josék haurren zaintzari buruzko uda-ikastaroa inauguratu du

María Jesús San José Lan eta Justiziako sailburuak UPV/EHUko uda-ikastaro bat inauguratu du, “Haurren zaintza familia-prozesu liskartsuetan”, asteazken arte Donostiako Miramar Jauregian egitekoa.

Inaugurazio-hitzaldian, San José sailburuak Lan eta Justizia Saileko askotariko zerbitzuak osatzen dituzten pertsonek egiten duten lana nabarmendu du; zerbitzu horiek eragile juridikoei, familiei eta gizarte osoari eskaintzen zaizkie, familia-haustura liskartsu eta judizializatuaren ondorioak albait gehien gutxitzeko: Epaitegiko Lantalde Psikosoziala, Epaileak Agindutako Familia Elkarguneak eta Auzitegi Medikuntzako Euskal Institutuko Osoko Balorazio Forentseko Unitateak.

Ekitaldian, pertsona hauek parte hartu dute: Juan Luis Ibarra Euskal Autonomia Erkidegoko Auzitegi Nagusiko presidentea, Carmen Adán Euskal Autonomia Erkidegoko fiskal nagusia, Itziar Alkorta UPV/EHUko Uda Ikastaroen zuzendaria, eta Fernando Álvarez Eusko Jaurlaritzako Epaitegiko Lantalde Psikosozialeko kidea.

2019ko uztailaren 2ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook