Justizia herritarrengana hurbiltzen

Eusko Jaurlaritza

Justiziaren arloko hainbat aditu datuen babesari buruzko araudia Euskadin ezartzearen gaia aztertzen aritu dira Bilbon

EAEko Justizia Auzitegi Nagusian datuen babesari buruzko jardunaldi bat egin da ostegun honetan, uztailak 12: "Datuen babesari buruzko araudi berria eta justizia Euskal Autonomia Erkidegoan.Jardunbide egokiak zehazteko aukera".

María Jesús San José, Juan Luis Ibarra eta Carmen Adán, jardunaldiaren hasieran.

 

 

 

 

 

 

 

 

 

 

 

 

 

 

Bilbon izan da topaketa, eta parte hartu dute, besteak beste, María Jesús San José Eusko Jaurlaritzako Lan eta Justiziako sailburuak, Juan Luis Ibarra EAEko Justizia Auzitegi Nagusiaren presidenteak, Carmen Adán EAEko Fiskal Nagusiak eta Amparo López Bulego Judizial eta Fiskalaren Eraberritzeko zuzendariak.

Datuen babesari buruzko hainbat aditu araudi berria EAEn Justiziaren arloan ezartzearen gaia aztertzen aritu dira.

 

 

 

 

 

 

 

 

 

 

 

 

2018ko maiatzaren 25az geroztik, Europar Batasuneko kide diren herrialde guztietan nahitaez bete beharrekoa da Datuak Babesteko Erregelamendu Orokor berria, eta gai horri buruzko zenbait hitzaldi eman dituzte jardunaldian; besteak beste, Iñaki Vicuña Dokumentazio Judizialeko Zentroaren zuzendariak, Pedro Alberto González Datu Pertsonalen Fitxategien Erregistro eta Auditoriaren arduradunak eta Simón Mesanza Legarda Proiektuak, Plangintza eta Koordinazioaren arduradunak.

Topaketan izan dira, besteak beste, Iñaki Vicuña, Pedro Alberto González eta Simón Mesanza Legarda.

 

 

 

 

 

 

 

 

 

 

 

 

Hitzaldiez gain, mahai-inguru bat ere izan da jardunaldian, eta datuen babesari dagokionez kultura judiziala dinamizatzeko premia aztertu dute hainbat adituk;zehazki, Enrique Lucas Murillo Botere Judizialeko Kontseilu Nagusiko kide eta abokatuak, Begoña Basarrate EAEko Justizia Auzitegi Nagusiko gobernu-idazkariak, Inmaculada Criado fiskalak, eta María Isabel Langara Justizia Administrazioko letraduak.

Datuen babesari buruzko jardunaldia Bilbon izan da, EAEko Justizia Auzitegi Nagusiaren egoitzan.

 

 

 

 

 

 

 

 

 

 

 

 

 

 

2018ko uztailaren 12ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Euskadiko Familia Elkarguneek 842 familiari eman zieten arreta 2017an

Euskadiko Familia Elkarguneek 842 familiari eman zieten arreta 2017an

María Jesús San José Lan eta Justiziako sailburuak, epaileak agindutako kontsultaren ondoriozko familia-elkarguneei buruzko urteko ebaluazio-txostena aurkeztu du; 2017an, 842 familiari eman zieten arreta eta, guztira, 2.864 pertsonari: 1.145 adingaberi eta 1.719 helduri.

Familia-elkarguneak espazio neutralak dira, doakoak; segurtasun-berme guztiak eskaintzen ditu adostasunik gabeko familia-nukleoa hausten den egoeretan, gatazka, tratu txar eta beste hainbat egoeratan. Eta diziplina anitzeko ekipo psikosozialak eta adituak dituzte, eta horiek une oro zaintzen eta babesten dituzte adingabeak.

María Jesus San José sailburuak gogorarazi du familia elkarguneak direla Eusko Jaurlaritzak ama, aita edo umearen tutoretza dutenen esku jartzen dituen espazio egokiak, hura bisitatu edo epaileak ezarritako trukeak egin ahal izateko. “Euskadin –esan du sailburuak–, guztira, 6 familia-elkargune ditugu; Bilbon, Donostian, Gasteizen, Barakaldon, Portugaleten eta Durangon inauguratu berri duguna. Durangokoa aurtengo maiatzean hasiko da Durangaldeko eta Lea Artibaiko eskualdeetan bizi diren familiei zerbitzu ematen, kontuan hartuta orain arte Bilbora arte joan behar zutela truke eta tutoretzapeko bisitetarako. Une hauetan, Tolosako eta Gernikako familia-elkarguneen diseinuan eta abiaraztean ari gara lanean eta, horretarako, lankidetza-hitzarmenak adostuko ditugu horietako udalekin, duela aste bi baino ez, apirilaren 20an, Durangoko alkatearekin sinatu nuenaren antzera”.

Trukeak eta tutoretzapeko edo ikuskaritzarik gabeko bisitak dira familia-elkarguneetan egiten diren jarduketa nagusiak, eta 2017an guztira 17.497 izan ziren (9.759 truke, 7.125 tutoretzapeko bisita eta ikuskaritzarik gabeko 613 bisita). Aurreko ekitaldiaren aldean, murrizketa antzeman da, bai egindako trukeei dagokienez (-% 11,4), bai programatutakoetan (-12,65). María Jesús San José sailburuak zehaztutakoaren arabera, “2017an, programatutako jarduketen kopuruak, guztira, % 7 egin zuen behera, eta eginikoen kopuruaren beherakada % 6 baino pixka bat gehiagokoa izan zen (6,2); izan ere, truke gutxiago egon zen, tutoretzapeko bisitetan gorakada txikia izan zen eta ikuskaritzarik behar ez duten bisiten kopuruak % 9 baino pixka bat gehiago egin zuen gora, eta ikuskaritzarik gabeko 613 bisita izan ziren”.

Familia-elkarguneetan arreta jaso zuten familien % 70ek seme edo alaba bakarra zeukan, eta ume gehienek (% 60) 3 eta 11 urte bitartean zituzten. Familia-elkarguneetan umeen zaintza esleituta duten pertsona edo erakundeei erreparatuz gero ikusten da amak duela zaintza kasuen % 85ean, eta aitak % 11n, gutxi gorabehera, eta zaintza partekatua ez dela % 2ra iristen.

Iaz izan ziren espediente judizial guztien jatorrizko epaitegiak aztertuz gero ikusten da % 42 emakumeenganako indarkeriaren epaitegietakoak direla eta % 33 familia-epaitegietakoak. “Gainerakoak –azaldu du San Josék– 1. instantziako edo instrukzioko epaitegiek bideratutako prozedurak izan ziren, familia-epaitegirik edo zigor-arloko epaitegirik ez duten barruti judizialetan. Urruntzeko eta babesteko aginduak direla eta, guztira 271 izan ziren, Urruntzeko agindu gehienak, % 94, gizonei egokitu zitzaizkien. Guztira urruntzeko 255 agindu izan ziren, aurreko urtean baino zazpi gutxiago. Halaber, adingabeen gaineko babes-aginduek ere behera egin zuten, lehen zazpi ziren eta orain lau izan dira eta, ordea, emakumeen gaineko babes-aginduek gora egin zuten, bostetik bederatzira”.

María Jesús San José Lan eta Justiziako sailburuak, amaitzeko, familia-elkarguneen helburu berezietako batzuk, besteak beste, honako hauek direla gogorarazi du: umeek beren familiartekoekin harremana izaten jarraitzeko duten eskubidea bermatzea, umeen segurtasuna eta ongizatea babestea bisiten erregimenean, eta adingabeei askatasunez eta beldurrik gabe beren sentimenduak eta beharrizanak adierazten laguntzea. “Euskadiko familia-elkarguneetan –esan du– harremanak hobetzeko orientazioa ematen dugu eta ama eta aitei beren seme-alabekin zerbitzua ematen duten profesionalen laguntzarik eta ikuskaritzarik gabe harremanak edukitzeko gaitasuna izateko behar diren trebetasunak ematen dizkiegu. Aita eta amei beren seme-alabak errespetuan, berdintasunean eta bizikidetzan oinarrituta hezteko prestakuntza ematen diegu”.

2018ko maiatzaren 4ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook