Justizia herritarrengana hurbiltzen

Euskadiko Justizia Administrazioan prozedurak hasteko idazkiak aurkezteko Aurretiko Hitzordu Zerbitzu berria

Aurretiko Hitzordu Zerbitzua

Eusko Jaurlaritzako Lan eta Justizia Sailak Euskadiko Justizia Administrazioan prozedura judizialak hasteko idazkiak aurkezteko Aurretiko Hitzordu telematiko Zerbitzu berria jarri du abian. Tresna horren bitartez profesionalek eta herritarrek Euskadiko epaitegietan hitzordu presentzialak eskatzeko aukera dute, eta eguna, ordua eta dokumentazioa aurkeztuko den Euskadiko epaitegia aukeratzeko aukera dago.

Era horretara Justizia Sailak denbora-tarte zehatzetan justizia jauregietan gerta daitezkeen pilaketak ekidin, eta ahal den neurrien epaitegien lana suspertu nahi du.

Tresna horrek ez du presako eta atzeraezineko auziekin erlazionatutako idazkiak aurkezteko aukera aldatuko. Auzi mota hauek hitzordurik gabe aurkeztu ahal izango dira, eta orain arte bezala banaketako zerbitzuetan jasoko dira.

Zerbitzu honen bitartez EZIN DA izapidetzeko idazkirik aurkeztu, eta  orain arte bezala telematikoki aurkeztu behar dira: Euskadiko Justizia Administrazioaren profesionalentzako JustiziaSip estranetaren bitartez.

Erabiltzeko gomedioak

Aldi baterako, eta Osasun Agintaritzak emandako lagunartetik urruntzeko aholkuak jarraituz, abokatu, prokuradore eta lan-harremanetako gradudunei arren eskatze zaie idazkien aurkezpenak neurrira ekartzea. Banaketa bideragarriagoa egiteko helburuarekin, asteko hitzordu bakarra eta hitzorduko gehienez 4 idazki onartuko dira. Aste batean hitzordu bat izanik beste bat eskatu duten profesionalei idazkien aurkezpena blokeatzeko aukera egongo da.

Hitzordu bakoitzeko, gehienez, pertsona bat egongo da eta eraikinean hitzordua baino bost minutu lehenago sartzeko aukera izango du, eta eraikinean sartzeko ezinbestekoa izango da hitzorduaren egiaztagiria erakustea (sms-a edo posta elektronikoaren kopia).

Gogoratu: hitzordua behar ez baduzu ezeztatu ezazu, gainerako balizko erabiltzaileek baliatzeko aukera izan dezaten.

Euskadiko Justizia Administrazioaren Aurretiko Hitzordu Zerbitzuan sartzeko arazoren bat izanez gero, bidaliguzu posta elektroniko bat harremanetarako eremutik.

2020ko apirilaren 27ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Zaintza partekatua: semea edo alaba nire bikotearen etxetik jasotzeko kalera atera al naiteke?

Zaintza partekatua

Itxialdiari dagozkion neurriak dauden arren, zaintza ez duen gurasoarekin bisitak egiten jarraitu daitezke, martxoaren 14ko 463/2020 Errege Dekretuaren 7-1-e) artikuluan ezarritakoren arabera. Horren arabera, zirkulazioa onartuta dago adingabeak sorosteko eta zaintzeko. 

Zaintza partekatua eta bisitak eragotzi ditzakeen salbuespena litzateke haurren osasuna benetako arriskuan egotea. Kasu horretan, haurraren interes gorena ezarriko litzateke.

2020ko apirilaren 22ean argitaratua. Honi buruz gehiago irakurri:  Covid-19. Iruzkin bat egin.
  • Partekatu:
  • Email
  • Twitter
  • Facebook

Lan-poltsako kideei berariaz zuzendutako Zibil arloko Jurizdikzioari buruzko eta Antolaketa Judizialari buruzko online ikastaroetarako automatrikula zabalik

Ikastaroak online

Justizia Administrazioko Zuzendaritzak Antolamendu Judizialari buruzko ikastaroa eta Zibil arloko Jurizdikzioari buruzko ikastaroa eskaintzen ditu, on-line modalitatean, lan-poltsetan daudenentzat, beren-beregi.

Automatrikula egiteko, posta elektroniko bat bidali behar da helbide honetara: justiziagela@justizia.eus. Ikastaroan matrikulatzeko eskatu behar da, eskatzailearen datu guztiak jarri behar dira (izena, abizenak eta NANa) eta posta elektronikoko helbide bat adierazi behar da.

Baldintzak:

2020ko apirilaren 22ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Zer gertatu da nire nazionalitatea sinatzeko hitzorduarekin? INFORMAZIO EGUNERATUA

Zer gertatu da nire nazionalitatea sinatzeko hitzorduarekin?

Covid-19ak eragindako alarma egoerak irauten duen bitartean, nazionalitatea zin egiteko herritarrek Erregistro Zibiletan zituzten hitzordu guztiak bertan behera gelditu dira.

Erregistro Zibilek nolabaiteko normaltasuna berreskuratu dutenez, hitzordua galdu zuten pertsona guztiekin telefono bidez harremanetan jartzen hasi dira, nazionalitatea zin egiteko beste hitzordu bat emateko. Deiak hurrenkeraz egingo dira, hortaz, lehendabizi hitzordua martxoan zutenei deituko zaie.

Zalantzarik baduzu, dagokizun Erregistro Zibilarekin telefonoz harremanetan jar zaitezke, eta posta elektronikoa erabiliko bazenu, are hobeago. JustiziaEus-en Euskadiko Erregistro Zibil guztiekin harremanetan jartzeko datuak dituzu.

2020ko apirilaren 20ean argitaratua. Honi buruz gehiago irakurri:  Covid-19. Iruzkin bat egin.
  • Partekatu:
  • Email
  • Twitter
  • Facebook

Erregistro Zibilera joan al naiteke gure Familia-liburua jasotzera?

Familia-liburua

Familia-liburuak ematea ez dago Covid-19ak eragindako alarma egoeran Erregistro Zibilei ezarritako funtsezko zerbitzuetako bat, Lan eta Justizia Sailburuaren 2020ko martxoaren 15eko Agindua, Euskadiko Justizia Administrazioaren funtsezko zerbitzuei buruzkoaren arabera.

Itxialdi egoeran seme edo alaba bat erdituz gero, jaio berria ospitalean inskribatzeko aukera daukazu. Kasu horretan ez duzu zertan Erregistro Zibilera joan behar inskripzioa amaitzeko. Aurrerago, egoera aldatzen denean, dagokizun Erregistro Zibilera joan beharko duzu Familia-liburua jasotzera edo eguneratzera.

Zure semea edo alaba ospitalean inskribatzeko aukerarik ez baduzu eta Erregistro Zibileko bulegoetan aurrez aurre egin behar baduzu, halabeharrez hitzordua eskatu beharko duzu, eta  eta gertaera inskribatu ondoren, kasu gehienetan Familia-liburua unean bertan jasoko duzu.

2020ko apirilaren 17ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook