Justizia herritarrengana hurbiltzen

Kudeatzaileen, Izapidegileen eta Laguntza Judizialeen kidegoetarako zerbitzu-eginkizunak eskatzeko deialdia

Kudeatzaileen, Izapidegileen eta Laguntza Judizialeen kidegoetarako zerbitzu-eginkizunak eskatzeko deialdia

Lanpostuak aldi batean zerbitzu-eginkizunean eta behin-behineko atxikipenean betetzeko 2019ko ekainaren 11ko deialdia (karrerako funtzionarioentzat bakarrik).

Eskaerak aurkezteko epea: 2019ko ekainaren 13ik 19ra arte, biak barne.

 

 

2019ko ekainaren 13ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Konbikzio-piezen enkantea Donostiako Atotxako Justizia Jauregian uztailaren 19an

Konbikzio-piezen enkantea Donostiako Atotxako Justizia Jauregian uztailaren 19an

Datorren uztailaren 19an, Donostiako Atotxako Justizia Jauregiko 11.zkiko Salan, gordailuko efektu piezen enkante publikoa egingo da:

Jertse sorta baten enkantea (2019ko uztailak 19, 10:00etan): 145,95 eurotako lau jertsez osatutako sorta enkantean. Enkantea datorren uztailaren 19an, Donostiako Atotxako Justizia Jauregiko 11.zkiko Salan egingo da, 10:00etan.

  • Liburutegiko "Atzemandako ondasunak" atalean enkantean jarriko diren ondasunak, enkantean parte hartzeko baldintzak eta enkanteen ordutegiak ikus ditzakezu.
2019ko ekainaren 11ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Euskadiko Justizia Errestauratiboaren Zerbitzua Europako Kontseiluaren gomendioarekin guztiz bat dator

Euskadiko Justizia Errestauratiboaren Zerbitzua Europako Kontseiluaren gomendioarekin guztiz bat dator

María Jesús San José Lan eta Justiziako sailburuak Justizia Errestauratiboaren I. Sinposioa inauguratu du. Sinposioak Bilbon Europa osoko justizia errestauratiboaren inguruko bostehun bat bideratzaile eta aditu batuko ditu, “Zigor-arloko Bitartekaritzatik Justizia Errestauratibora. Politikak eta Praktikak Trantsizioan” izenburupean.

San José sailburuak honako hau nabarmendu du: nolako garrantzia duen Eusko Jaurlaritza Europan pasa den urriaren 3an EBko Ministroen Batzordeak onetsitako gomendioa aintzat hartzen duen lehen administrazio publikoa izatea. Gomendio horren bidez, estatu kide guztiak eta agintari judizial eta erakunde publiko guztiak animatzen ditu justizia errestauratiboa erabiltzera eta eredu leheneratzaile berritzaileak garatzera.

Justizia Errestauratiboaren Zerbitzu berria –esan du– guztiz bat dator Europako Kontseiluaren gomendioarekin eta operadore juridikoekin elkarlanean jarduteko asmoarekin, aldeen eskubide besterenezinak bermatzeko beharrezkoak direla aintzat hartuta. Beraiek zehaztuko dute zer esparrutan sartu behar den prozesu eta akordio leheneratzailea, delituaren larritasun-mailaren ikuspegitik duen garrantzia eta zer prozedura-fasetan aplikatuko den”.

Justizia Errestauratiboaren ezaugarrietako bat da biktima justizia-sistemaren ekintzaren erdigunean jartzen dela eta, horrela, lege-terminoetan eta termino moral eta emozionaletan onbideratzeko bide ematen dela. Gainera, San José sailburuaren hitzen arabera, Euskadiko Justizia Errestauratiboaren Zerbitzu berria abian jartzeak beste jarduketa batzuk abiaraztea ere eskatzen du, besteak beste: parte hartzen duten operadore guztien etengabeko prestakuntza, justiziarekiko beste lankidetza-zerbitzu batzuk kudeatzen dituzten pertsonena barne –esaterako, Biktimari Arreta emateko Zerbitzua eta Zehapenak Kudeatzeko Euskal Zerbitzua–. “Badakit nolako erronka dakarren Justizia Errestauratiboaren Zerbitzua martxan jartzeak, baina ziur nago aitzindariak izaten ari garela abentura erakargarrian, eta emaitza onak ekarriko dituela ere ziur nago”.

2019ko ekainaren 6ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Konbikzio-piezen enkantea, ekainaren 14an, Donostiako Atotxako Justizia Jauregian

Konbikzio-piezen enkantea, ekainaren 14an, Donostiako Atotxako Justizia Jauregian

Datorren ekainaren 14an, Donostiako Atotxako Justizia Jauregiko 11.zkiko Salan, gordailuko efektu piezen enkante publikoa egingo da:

Bitxi sorta enkantean (2019ko ekainak 14, 10:00etan): 4.120 euroko balio duen bitxi sorta. Enkantea datorren ekainaren 14an, Donostiako Atotxako Justizia Jauregiko 11.zkiko Salan izango da, 10:00etan.

Tresna elektrikoak sorta enkantean (2019ko ekainak 14, 10:15etan): 3.280 euroko balio duen tresna elektrikoak sorta. Enkantea datorren ekainaren 14an, Donostiako Atotxako Justizia Jauregiko 11.zkiko Salan izango da, 10:15etan.

  • Liburutegiko “Atzemandako ondasunak” atalean enkantean jarriko diren ondasunak, enkantean parte hartzeko baldintzak eta enkanteen ordutegiak ikus ditzakezu.

 

2019ko maiatzaren 23ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Eskubideak pausoz pauso V: Transexualitatea

Eskubideak pausoz pauso V: Transexualitatea

1978an Konstituzioa onartu zenetik gauzak nabarmen aldatu dira transexualitateari dagokionez. Atzera begiratuz gero, azken hamarkadetako albisteek argi erakusten dute euskal gizarteak homosexualitateari eta transexualitateari buruz duten jarrera hobetu egin dela: Toleranteagoak eta integratzaileagoak gara, eta azken ikerketen arabera, euskal gizartea irekienetako eta ulerkorrenetako bat da. Hala ere, pertsona transexualen elkarteen ustetan, oraindik badago kolektiboaren eskubideekin lotutako konpondu beharreko hainbat arazo.

Euskadiko pertsona transexualen errealitatea gertutik ezagutzeko asmoz, Errespetuz elkarteko –pertsona transexualen babeserako eta integraziorako elkartea- Ares Piñeiro eta Sarai Montes-ekin elkartu gara, baita Bea Sever Naizen, adingabe transexualen familien elkarteko kidearekin ere. Elkarte biek batzar-leku berdina erabiltzen duten arren, bakoitzaren ibilbidea oso ezberdina da:  Errespetuz 2007an sortu zen eta pertsona transexualez osatutako Euskadiko elkarte bakarra da. Harro daude egindako lanaz, Espainian mota horretako bost elkarte bakarrik baitaude: Madrilen, Bartzelonan, Sevillan, Kanarietan eta nola ez, Euskadin. Bestalde, Naizen 2015ean sortu zen, eta mota horretako Euskadiko elkarte bakarra da. Hala ere, estatu mailako egoera oso ezberdina da, mota horretako elkarte kopuruak nabarmen egin duelako gora azken urteetan, eta dagoeneko badaude hamarnaka batzuk. Errespetuzen poz handiz hartu dute egoera berria, “adingabe transexualen familiek indarberritu egin gaituzte”.

2019ko maiatzaren 23ean argitaratua. Honi buruz gehiago irakurri:  Erreportajeak. Iruzkin bat egin.
  • Partekatu:
  • Email
  • Twitter
  • Facebook