Justizia herritarrengana hurbiltzen

Covid-19: komunikazio-sareen saturazioa

Covid-19: komunikazio-sareen saturazioa

Baliteke egun hauetan Justiziako sistema eta aplikazioetara sartzerakoan arazoren bat edo beste gertatzea. Gure kanal digitaletara sartzen den erabiltzaile kopurua bat-batean igo denez, batzuetan sareek gainezka egin dezakete, eta ondorioz, sistemak behar bezala ez erantzutea gerta liteke.

Egoera honek irauten duen bitartean, beharrezkoak ez diren arriskuak ekiditeko eta etxetik lan egiteko duzun aukera bermatzeko lanean ari gara. Ahal duzun neurrian, ez zaitez eraikin judizialetara joan. Zuzenean organo judizial zehatz batekin harremanetan jartzeko beharra baduzu, deitu telefonoz edo bidali posta elektronikoa. Helbide guztiak JustiziaEus-en (herritarrentzako arretan) aurkituko dituzu.

2020ko martxoaren 17ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

BJKNk jardun judiziala bertan behera uztea erabaki du

BJKNk jardun judiziala bertan behera uztea erabaki du

Botere Judizialaren Kontseilu Nagusiko (BJKN) Batzorde Iraunkorrak ezohiko bilkuran erabaki du bertan behera uztea nazio osoan aurrez antolatutako jardun judizialak eta prozesuko epeak, COVID-19 koronabirus pandemia dela-eta, Ministroen Kontseiluak onartutako Errege Dekretuko neurriak kontuan izanda, harik eta alarma-egoerak irauten duen arte.

Hala ere, Justizia Administrazioaren oinarrizko zerbitzuak bermatu egingo dira, besteak beste: egin ezean, konpondu ezinezko kaltea eragin dezaketen jardun judizialak; premiazko barneratzeak; emakumeen aurkako indarkerien epaitegietako guardiako zerbitzuak; espetxe-zaintzako premiazko jardunak...

Erregistro Zibilak etengabeko arreta eskainiko du entzunaldi-ordutegian. Bereziki, zerbitzu hauek bermatu beharko dituzte: lurperatze-lizentzien ziurtagiriak egitea, jaiotza-inskripzioak egitea azken epea baino lehen, eta KZko 52. artikuluko ezkontzak ospatzea (Hiltzeko arriskuan dauden pertsonak).

2020ko martxoaren 17ean argitaratua. Honi buruz gehiago irakurri:  Botere Judiziala. Iruzkin bat egin.
  • Partekatu:
  • Email
  • Twitter
  • Facebook

Konbikzio-piezen enkantea Donostiako Atotxako Justizia Jauregian 2020ko maiatzaren 8an

Konbikzio-piezen enkantea

Datorren maiatzaren 8an, Donostiako Atotxako Justizia Jauregiko 13.zkiko Salan, gordailuko efektu piezen enkante publikoa egingo da.

Mobilak sorta enkantean (2020ko maiatzaren 8, 10:00etan): 100 euroko balio duen mobilak sorta. Enkantea datorren maiatzaren 8an, Donostiako Atotxako Justizia Jauregiko 13.zk.ko Salan  egingo da, 10:00etan.

2020ko martxoaren 12ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Martxoaren 14rako aurreikusitako Izapidetzako oposizio-azterketa atzeratu da

Martxoaren 14rako aurreikusitako Izapidetzako oposizio-azterketa atzeratu da

Justizia Administrazioaren Izapidetze Prozesal eta Administratiboko Kidegoan sartzeko txanda libre bidezko hautaketa-proben Kalifikazio Epaimahai Bakarrak, prozesuaren hirugarren ariketa bertan behera uztea erabaki du, koronabirusaren hedatzea eteteko prebentzio neurri bezala. Martxoaren 14ko deialdirako 9.000 hautagai zeuden deituta.

Era horretara osasun Ministerioak COVID-19 epidemiak irauten duen bitartean ekitaldi jendetsuak ez egiteko emandako aholkua beteko da. Deialdian eragina izan dute baita ere hainbat lurraldetan ikastetxeetako jarduna behin-behinekoz eteteko hartutako erabakiak, azterketak bertan egitekoak zirelako.

Deialdi berria osasun agintariek gaixotasunaren transmisioa eta horrek dakarren arriskua kontrolpean dagoenean eta instalazio egokiak daudenean egingo da. Aurretiaz eta garaiz iragarriko da Justizia Ministerioaren web atarian.

2020ko martxoaren 11ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Abokatu izateko 2020ko sarrera- proba atzeratu egin da

Abokatu izateko 2020ko sarrera- proba atzeratu egin da

Justizia Ministerioak datorren martxoaren 28rako deitutako abokatu izateko sarrera-proba atzeratzea erabaki du. Erabakia herritarren artean koronabirusaren kutsatzeak duen eraginaren ondorioz hartu da, izan ere, sarrera-proban parte hartzeko Espainiara etorri beharko bailirateke COVID-19aren hedapena mozteko neurri bereziak hartu dituzten herrialde zehatzeko bizilagunak.

Justizia Ministerioak jakinarazi duenez, osasun agintariek baimena eman bezain pronto proba egiteko data berria ezarriko da, eta hitzordua Justizia Ministerioaren web atarian argitaratuko da, gutxienez hiru aste lehenago.

2020ko martxoaren 10ean argitaratua. Honi buruz gehiago irakurri:  Justizia Ministerioa. Iruzkin bat egin.
  • Partekatu:
  • Email
  • Twitter
  • Facebook