Justizia herritarrengana hurbiltzen

Ba al dakizu gaztelaniaz "con la venia" esateak zer esan nahi duen?

Con la venia

Gaztelaniaz eremu judizialean errespetua adierazteko esamoldea da, eta baimena eskatzeko erabiltzen da.

Adibidez, epaiketa batean abokatuak gaztelaniaz hitz egiten hasterakoan “con la venia de su señoria” esan ohi dute, alegia, “epailearen baimenarekin”.

Beste ohiko erabilera bat, auzi bat abokatu batetik beste batengana lekualdatzerakoan erabiltzea da. Batzuetan bezeroak berak “profesionalaren baimenarekin” edo “con la venia” esamoldearen bidez eskatzen du bere auzia beste profesional batengana eramateko baimena. Abokatuek ere beraien artean auziak aldatzeko “baimena” eman behar izaten dute dute.

2020ko ekainaren 18ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Twitter
  • Facebook

Dagoeneko zigor aurrekarien ziurtagiria Justiziako Lurralde Kudeatzailetzan eskatu dezakezu

Dagoeneko zigor aurrekarien ziurtagiria Justiziako Lurralde Kudeatzailetzan eskatu dezakezu

Une honetan, Justiziako Lurralde Kudeatzailetzan (Bilbon) zure zigor aurrekarien ziurtagiria aurrez aurre eskatu dezakezu. Horretarako, Covid-19ak eragindako ezohiko egoerak irauten duen bitartean, hitzordua eskatu beharko duzu Justizia Ministerioaren Lurralde Kudeatzailetzen web atariaren Aurretiko Hitzordu Zerbitzuan.

Gogoratu eskaera telematikoki egin daitekeela Justizia Ministerioaren web atariaren bitartez. Era horretara zure eskaera izapidetu dezakezu, aurrez dagokion tasa ordainduta. Zigor aurrekarien ziurtagiria unean bertan jasoko duzu (salbuespenak ezik).

Eskaera postaz ere egin dezakezu. Postaz egiteko, lehenik eta behin dagokizun tasa ordaindu behar duzu, eta ondoren, ziurtagiria posta arruntaz etxera bidaliko dizute. 

2020ko ekainaren 17ean argitaratua. Honi buruz gehiago irakurri:  Covid-19. 2 Iruzkinak.
  • Partekatu:
  • Twitter
  • Facebook

Lekualdatze-lehiaketaren behin-behineko Ebazpena (2019)

Lekualdatze-lehiaketaren behin-behineko Ebazpena (2019)

Ebazpena, 2020ko ekainaren 9koa, Justizia Administrazioko Zuzendariarena, zeinaz behin-behinean ebazten baita hizkuntzagatik edo eginkizunengatik bereziturik dauden lanpostuak betetzeko berariazko lehiaketa, prozesu- eta administrazio kudeaketako, Prozesu- eta administrazio-izapidetzako eta laguntza judizialeko kidegoetarako, Lan eta Justiziako Sailburuaren 2019ko abenduaren 5eko Ebazpenez deitua.

2020ko ekainaren 10ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Twitter
  • Facebook

Familia Elkarguneak irekita daude erabiltzaileentzat

Familia Elkarguneak

Irekita daude jada alarma egoeraren ondorioz itxita egon diren epaitegietatik eratorritako auziak bideratzen dituzten Familia Elkarguneak. Erabiltzaileak bertara joan daitezke bisitak egitera edo seme-alabak jasotzera edo uztera.

Ezarritako neurriak aldatzen ez diren bitartean, Familia Elkarguneetako egoitzetan egin behar diren bisitak asteko ordu batera murriztuta daude, epaian jasotako maiztasuna beste bat izanda ere, adierazi dute Familia Bitartekaritzako zerbitzutik. Urruntze-neurriak arintzen diren einean, epaian ezarritako bisita kopuru osoa egiteko aukera ezarriko da.

Zentzu horretan, zaintza ez duen gurasoek adingabeak jasotzeko eta uzteko hitzorduak beti bezala egiten ari dira.

Bisitak egiteko, pandemiaren hedapena eteteko ezarritako osasun-neurriei buruzko araudia betetzea ezinbestekoa da, Familia Elkarguneek adierazitakoaren arabera.

Bestalde, eta osasun-neurriak aldatu bitartean, Euskadiko Familia Bitartekaritza Zerbitzuak telefono bidez eta posta elektronikoz bakarrik jasoko ditu kontsultak. Informazio gehiago behar baduzu, Euskadiko Familia Bitartekaritza Zerbitzuarekin harremanetan jar zaitez.

2020ko ekainaren 5ean argitaratua. Honi buruz gehiago irakurri:  Covid-19. Iruzkin bat egin.
  • Partekatu:
  • Twitter
  • Facebook

Prozesu-epeak berrezarri dira gaur osteguna ekainak 4tik aurrera

Prozesu-epeak berrezarri dira.

Gaur, ekainak 4, prozesu-epeak eta eskubideen eta akzioen iraungitze datak eta preskripzio-epeak berrezarri dira. Epe horiek koronabirusak eragindako osasun arloko krisiari aurre egiteko 463/2020 Errege Dekretuak, martxoaren 14koak, eten zituen.

Arrazoi horregatik, ezarritako arauak malgutu dira eta epea edo epemuga duten idazkiak 14:00etatik 15:00etara aurkeztu daitezke, hitzordua eskatu gabe.

Datozen egunetan Organo Judizialetan, Fiskaltzetan eta Zerbitzuetan hitzordua eskatzeko zerbitzu berria jarriko da martxan.

2020ko ekainaren 4ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Twitter
  • Facebook