Justizia herritarrengana hurbiltzen

Koordainketa Justizian. Bai ala ez?

Duela aste batzuk Justizian Koordainketa ezartzeari buruzko eztabaida hasi zen. Jorge Carbé, Valentziako Justizia eta Gizarte Ongizate Sailburuak proposamena egin zuen: Justiziara jotzen duten enpresa edo norbanakoek  tasa gehigarri bat ordaintzeko . Carbéren ustetan, kaltetuek begi onez hartuko lukete ekimen hori, hain zuzen ere horri esker prozesua arinduko litzatekeelako. 

Hala eta guztiz ere, azken aste hauetan asko izan dira proposamen horren aurka entzun diren ahotsak.

Zer ekarriko luke Koordainketak?

Koordainketa Judiziala, Justiziaren erabiltzaileek –enpresak edo norbanakoak– Justiziaren erabileragatik tasa bat ordaintzea da. Neurri honen helburuen artean lehenengoa auziak arintzea eta zerbitzuaren erabilera okerra egiten dutenei horretan jarraitzeko gogoa kentzea da; bigarrena berriz, dirua aurreztea.

Baina, nork irabazten du neurri horrekin? Kaltetuena herritar xumea da, Justizia eskura izateari utz dieziokeelak; aitzitik, diru kopuru handiak eta abokatu taldeak dituzten enpresek ez lukete tasa hori ordaintzeko inolako arazorik izango.

Zuk zer uste duzu? Justizia guztion artean ordaintzea beharrezkoa dela ala Justizia erabiltzen dutenek tasa berezi hori ordaindu behar dutela?

2011ko irailaren 7ean argitaratua. Honi buruz gehiago irakurri:  Justizia Ministerioa. Iruzkin bat.
  • Partekatu:
  • Email
  • Twitter
  • Facebook

Familia liburua, desagertzear dagoen altxorra

Familia liburua, desagertzear dagoen altxorra

Ezkontza, seme-alabak, dibortzioa, heriotzak… zure bizitza guztia familia liburuan jasota dago.

Ezkontzen zarenean edo lehen seme-alaba jaiotzen denean ematen dizute. Galduz gero, Erregistro Zibilean edo Bake Epaitegian bikoiztua ematen dizute. Berriz ezkondu eta bikote berriarekin seme-alabarik izanez gero, berria ematen dizute.

Urtez- urte liburua zaintzen, premiazkoa denean, gordetako tiraderatik desagertzen den liburu hori… oraingoan bai, betiko desagertuko da.  Errejistro Zibilaren Erreformak Familia Liburua desagertzea aurrikusten du eta erregistro berria norbanakoarena izango da, hau da, bakoitzak bere fitxa izango du eta bertan pertsona horren historia zibila agertuko da.

Kode honek gauzak erraztuko dizkigu, erabiltzaileak Erregistro Zibilean egin behar dituen izapide guztietarako balio izango baitu. Baina nolabaiteko pena ere ematen du, ezkonberriak, edo guraso berriak, liburuaren bila edo seme-alabaren izena  gehitzera errejistrora doazeneko irudia galduko baita.

2011ko abuztuaren 30ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat.
  • Partekatu:
  • Email
  • Twitter
  • Facebook

Nola eskatu ziurtagiria jaioteguna edo tokia jakin gabe

Bizitzan zehar izapide askotarako behar izaten ditugu ziurtagiriak (ezkontzeko, erroldan sartzeko, seme-alaben jaiotza inskripzioak egiteko, espainiar herritartasuna eskatzeko, hainbat laguntza eskatzeko...).

Jaiotza ziurtagiria eskatzea lan erraza da jaioteguna eta tokia jakinez gero. Horrelakoetan nahikoa izaten da jaiotza inskripzioa egindako Erregistro Zibil edo Bake Epaitegian eskaera egitea, segituan emango baitizute ziurtagiria. Horrez gain, Justizia.net erabiliz on line egin daiteke eskaera eta ziurtagiria zeure etxera bidaltzeko eskatu.

Baina zure ahaidea non eta noiz jaio zen zehazki ez baldin badakizu, zer egin daiteke? Hala baldin bada, Elizbarrutiko Artxiboetara jo dezakezu bataio agiria lortzeko eta, horrela, jaiotza non eta noiz gertatu zen jakiteko.

Gainera, Erregistro Zibilaren Legea 1870ekoa denez, Elizbarrutiko Artxiboetan lor ditzakezun bataio agiriak baliozkoak dira urte hori baino lehenagoko jaiotzak ere egiaztatzeko.

2011ko abuztuaren 23ean argitaratua. Honi buruz gehiago irakurri:  Erregistro Zibila eta Bake Epaitegiak. 23 Iruzkinak.
  • Partekatu:
  • Email
  • Twitter
  • Facebook

Itsasoan ezkontzea: benetako kontua ala fikzioa?

Ezkongaiak

Bikote askok izan ohi du beste inor baino modu originalagoan ezkontzeko gogoa. Horrelakoetan, jatetxerik ikusgarriena bilatzen da, lorerik deigarrienak, jantzirik bereziena eta pelikuletako toki bat, zeremonia egiteko.

Ezkontzako ospakizuna itsaso zabalean egitea amets erromantikoa da ezkongai batzuentzat, baina hori egiazko aukera bat baino gehiago pelikuletako eszena bat da, ez besterik. Izan ere, itsasontziko kapitainak itsaso zabalean ezkontza zibil bat egingo badu, baldintza bat bete behar da, eta baldintza hori da bikoteko kide bat hilzorian egotea behar duela. Ulertuko duzuen bezala, egoerarik erromantikoena izanda ere, ez dut uste ezkongaiak horrelako egoera idiliko baten bila ibiltzen direnik.

2011ko abuztuaren 2ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook

Aitaren abizena ala amarena ipiniko diot lehenengo?

Orain dela gutxi arte, inor gutxiri etortzen zitzaion burura horrelako galdera bat. Hasteko, gizartea ez zegoelako prestatua ume baten lehenengo abizena amarena izan zedin; eta, bigarrenik, Legeak ez zuelako uzten.

2000ko otsailetik aurrera, ordea, Erregistro Zibileko Legeak aukera ematen die gurasoei, euren umearen lehenengo abizena zein izango den eurek erabaki dezaten. Eta horixe bihurtu da, hain juxtu, eztabaida askoren sortzaile etorkizunean guraso izango direnen artean eta, batez ere, haien eta familiaren artean. Eztabaida hau, gainera, zehatzago esanda, aitaren aitarekin egiten da nabarmenago, hau da, umearen aitona izango denarekin, hark ikusten baitu umeak ez duela familiako abizena eramango.
Alderdi emozional horiek bazterrean utzita, umearen lehenengo abizena amarena izateak ez dakar inolako arazorik Legearen aurrean. Jaioberriaren gurasoen erabaki pertsonala da, besterik ez, eta erabaki hori hartzeko hainbat arrazoi izan ohi dira kontuan: adibidez, amaren abizena ez galtzea, hark ahizpak baino ez baditu; umeak amaren familiaren abizena izatea, abizen hori aitarena baino bereziagoa bada, eta abar.

2011ko abuztuaren 1ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook