Justizia herritarrengana hurbiltzen

Euskal Autonomia Erkidegoko Justizia Administrazioaren zerbitzura dauden aldi baterako langile-beharrak estaltzeko lan-poltsak eguneratzea

Lan-poltsen birbaremazioa

Auzitegiko Medikuen, Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko kidegoetako aldi baterako langile-beharrak estaltzeko lan-poltsak eguneratu dira.

Lan-poltsak eguneratzeko, lan-poltsak osatzen dituzten pertsonen merezimenduak berriro barematuko dira.

Alegazioak eta/edo agiriak aurkezteko epea otsailaren 22tik martxoaren 5era izango da, biak barne.

2021ko otsailaren 19ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Twitter
  • Facebook

Urtarrilak 21, Bitartekaritzaren Europako eguna

Urtarrilak 21, Bitartekaritzaren Europako eguna

Gaur, urtarrilak 21 bitartekaritzaren Europako lehen lege-testuaren onarpena ospatzen du Europak, alegia, Europako Kontseiluak 1998ko urtarrilaren 21ean Familia barruko Bitartekaritzari buruzko R (98) Gomendioa onartu izana.

Hori dela eta, Eusko Jaurlaritzako Berdintasun, Justizia eta Gizarte politiketako sailburu Beatriz Artolazabal Familia Bitartekaritzako Zerbitzuaren egoitzan izan da, Cristina Merino arduradunarekin batera. Bertan, pandemiak eta konfinamenduak markatutako 2020. urteko Zerbitzuaren balantzea egin dute.

Urtarrilaren 21ean, Espainiako Abokatuen Kontseilu Nagusiak eta Abokatuen Elkargoek Bitartekaritzaren Europako Egunaren ospakizunekin bat egiten dute eta hainbat jarduera eta ekitaldi antolatzen dituzte gatazkak konpontzeko ordezko metodo hori sustatu eta ezagutarazteko.

Baina, zer da bitartekaritza? Bitartekaritza Justizia Errestauratiboaren adierazle garrantzitsuena da, ohiko justiziaren ordezko era da eta biktimari protagonismo handiagoa ematen dio; ildo horretatik, aldeen arteko zuzeneko komunikazioaren bitartez, biktimak jasandako kaltea konpontzea du xede.

2021ko urtarrilaren 21ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Twitter
  • Facebook

Lan-poltsako kideei berariaz zuzendutako Zibil eta Zigor arloko Jurisdikzioari buruzko eta Antolaketa Judizialari buruzko online ikastaroetarako automatrikula zabalik

Online ikastaroak

Justizia Administrazioko Zuzendaritzak Antolamendu Judizialari buruzko ikastaroa eta Zibil eta Zigor arloko Jurisdikzioari buruzko ikastaroak eskaintzen ditu, on-line modalitatean, lan-poltsetan daudenentzat, beren-beregi.

Automatrikula egiteko, posta elektroniko bat bidali behar da helbide honetara: justiziagela@justizia.eus. Ikastaroan matrikulatzeko eskatu behar da, eskatzailearen datu guztiak jarri behar dira (izena, abizenak eta NANa) eta posta elektronikoko helbide bat adierazi behar da.

Baldintzak:

2021ko urtarrilaren 20ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Twitter
  • Facebook

Zure Erregistro Zibilarekin hitzordua ezeztatu nahi duzu? Aurretiko Hitzorduaren Zerbitzutik eskatutako hitzorduak nola ezeztatu azalduko dizugu

Zure Erregistro Zibilarekin hitzordua baliogabetu behar duzu?

Covid-19 pandemiak eragindako salbuespenezko une hauetan, ezinbestekoa da aurrez hitzordua izatea Euskadiko Erregistro Zibil batean izapide bat aurrez aurre egiteko.

Hitzorduak JustiziaEuseko Aurretiko Hitzorduaren Zerbitzuaren bidez eskatu behar dira. Eta zerbitzu horretatik bertatik zure hitzordua baliogabetu edo alda dezakezu.

Hitzordu bat eskatu ondoren, zure helbide elektronikora eta telefono mugikorrera (SMS bat) baieztapen-mezua iritsiko zaizu. Baieztapen horretan hitzordu-zenbaki bat agertuko da (lokalitzaile bat). Hitzordua aldatu edo ezeztatu nahi baduzu, hitzordu-zenbaki hori erabili beharko duzu.

Zure hitzordua ezeztatzeko edo aldatzeko, JustiziaEuseko Erregistro Zibilarekin izapideak egiteko Aurretiko Hitzordu Zerbitzura jo behar duzu berriro, eta Kontsultatu edo ezeztatu hitzordua atala hautatu behar duzu. Zure hitzordu-zenbakia sartu ondoren (posta elektronikoz eta SMS bidez iritsi zaizuna), hitzordua kudeatu ahal izango duzu, eta bertan behera utzi edo zure izapiderako beste data bat aukeratu erabaki.

Zure hitzordua ezeztatzeko edo aldatzeko, JustiziaEuseko Erregistro Zibilarekin izapideak egiteko Aurretiko Hitzordu Zerbitzura jo behar duzu berriro, eta Kontsultatu edo ezeztatu hitzordua atala hautatu behar duzu.

 

 

 

 

 

 

 

 

 

Gogoratu hainbat Aurretiko Hitzordu Zerbitzu daudela, bat Euskadiko egoitza judizial batean egin behar duzun izapide bakoitzeko. Beraz, zita baliogabetzeko edo aldatzeko, dagokion Aurretiko Hitzordu Zerbitzura jo beharko duzu. Kasu honetan, hitzordua Erregistro Zibil batekin bada, Euskadiko Justizia Administrazioko Erregistro Zibilen Aurretiko Hitzordu Zerbitzura sartu beharko duzu.

2021ko urtarrilaren 14ean argitaratua. Honi buruz gehiago irakurri:  JustiziaEus-eko zerbitzuak . 17 Iruzkinak.
  • Partekatu:
  • Twitter
  • Facebook

Eskubideak pausoz pauso XIV: Memoria eskubidea

Memoria eskubidea

Memoriarako eskubidea eskubide konplexua da, eta norbanakoei zein gizarte osoari eragiten die; izan ere, alde batetik, pertsonek gauzak askatasunez gogoratzeko edo ahazteko duten askatasun indibiduala dago, eta, bestetik, zerbaitengatik gogoratua izateko edo ez izateko eskubide indibiduala edo kolektiboa dago. Lehenengoa gizakiaren oinarrizko eskubidea den bitartean, bigarrena memoria historikoaz arduratzen da, biktimak eta biktimagileak barne hartzen dituena, herritar guztiei eragiten diena eta legeak arautzen duena.

Memoria Historikoak, beraz, giza taldeek beren iragana aurkitzeko egiten duten ahalegin kontzientea adierazten du, iragana baloratuz eta errespetu bereziz tratatuz.

2021ko urtarrilaren 4ean argitaratua. Honi buruz gehiago irakurri:  Erreportajeak. Iruzkin bat egin.
  • Partekatu:
  • Twitter
  • Facebook