Justizia herritarrengana hurbiltzen

Helburua, utzarazpenak ekiditea Euskadin

Helburua, utzarazpenak ekiditea Euskadin

Milaka familia etxea galtzen ari da. Ezin diote hipotekaren ordainketari aurre egin eta bankuak haien etxeen jabe egiten ari dira.

Justizia eta Herri Administrazio Sailak eman dituen datuen arabera, utzarazpen kopurua bikoiztu egin da azken lau urteotan. Krisiak eragindako gaitz honekin amaitzeko Eusko Jaurlaritzak gainzorpetutako familiei laguntzeko zerbitzua abian jarri du. Idoia Mendia sailburuaren hitzetan, “utzarazpena pairatzeko arriskua duten pertsonentzako heldulekua” da.

Aholkularitza, bitartekaritza eta utzarazpenak

Hiru dira Eusko Jaurlaritzak abian jarritako planak dituen oinarriak:

Hipoteka bat kontratatzerako aholkularitza. Kontsumobideren bitartez, herritarrek hipoteka kontratatzeko orduan zein eskubide dituzten eta  arretaz jokatzeko aldez aurreko zein neurri baliatu behar dituzten jakinaraziko zaie.

Aholkularitza bi pausotan oinarrituko da: Lehenenengo, hipoteka-mailegua kontratatzera doan pertsonaren egoera ebaluatuko da, eta gero, ziurrenik bere bizitzako inbertsiorik handiena izango denaren gaineko kontrola gal ez dezan jarraibide batzuk proposatuko zaizkio. Azken finean, beren egoeran  hipotekarik egokiena kontratatzen laguntzean datza.

Hipoteka kontratatu aurretik laguntza eskatu nahi baduzu, Kontsumobide-Kontsumoko Euskal Institutuarekin harremanetan jar zaitez: www.kontsumobide.net.

Gainzorpetutako familien eta bankuaren arteko bitartekaritza. Justizia Sailaren doako zerbitzua da, eta ohiko etxebizitza erostearen ondorioz gainzorpetu diren partikularrei eskaintzen zaie, betiere hipoteka-maileguak ez baditu 350.000 euro gainditzen. Helburua, bezeroak zorra ahalik eta baldintzarik onenetan kitatzea da. Horretarako aditu talde batek zure gaitasun ekonomikoa aztertuko du, finantza erakundearekin hitz egingo du eta gizarte-arreta eskainiko dizu.  

Zerbitzua erabiltzeko ezinbestekoa da hitzordua eskatzea, telefonoz:  Araba, 945 25 02 09 / Gipuzkoa, 943 01 14 96 / Bizkaia, 946 61 32 10 (abuztuan, telefono bidezko arreta zerbitzuko zenbakia  945 01 14 96 izango da).

Utzarazpenaren ondorioz baztertuta gelditzeko arrisku larrian dauden pertsonei eta familiei babestutako alokairuko etxebizitza bat eskainiko zaie. Eta noiz dago pertsona bat “baztertuta gelditzeko arriskuan”? Gizarte Zerbitzuek egindako txostenetan horrela egiaztatzen denean. Etxebizitza familia bizi zen inguruan egongo da eta beren errentaren arabera ordainduko dute. Gainera, Eusko Jaurlaritzak babes ofizialeko etxeak erosiko ditu eta zorra ordaintzetik askatuko du etxebizitzaren jabea.  Era honetara finantza erakundeek etxebizitza babestuak erosteko maileguak ematen jarrai dezaten lortu nahi da, Eusko Jaurlaritzak bare gain hartuko baitu zuzen-zuzenean hipoteka-merkatuko berankortasunaren arriskua.

 

2012ko maiatzaren 10ean argitaratua. Honi buruz gehiago irakurri:  Justiziarekin elkarlana. Iruzkin bat.
  • Partekatu:
  • Email
  • Twitter
  • Facebook

Iruzkin bat

juan jose izquierdo2012/06/03
Muy pocos comentarios o ninguno veo sobre la situación en la que quedamos después del desahucio. Me refiero a las plusvalías que se generan por el embargo o dación de inmueble en pago de deuda. En mi caso llegue a un acuerdo con el Bco. para saldar mi deuda, dando mi vivienda en pago. Además de quedarme en la calle sin nada, me encuentro al año siguiente que Hacienda me reclama 12.000 ¿ por la trasmisión de inmuebles. El Ayuntamiento 1.200 ¿ por plusvalías. No tengo derecho a ayudas porque en la declaración de la renta figuran unas rentas por venta de inmueble de 70.000 ¿ etc. etc. Osea que no siendo tan grave como al que le desahucian y todavía le debe dinero al Bco., la situación es muy grave. No entiendo como no se tienen en cuenta los impuestos al llegar a acuerdos con el Bco. A mi me paso esto en el 2009 y esos impuestos no prescriben por lo que no puedo tener ctas. a mi nombre porque me embargan y me veo muy limitado para tener una nómina por la misma razón. A si es que el Bco. te arruina en el momento del embargo y para el resto de tu vida.

Artikulua iruzkindu

*
*
Ez da argitaratuko
*
*