Justizia herritarrengana hurbiltzen

Justizia Ministerioa

Abokatu izateko 2015eko Sarrera-proban izena emateko epea zabaldu da

Abokatu izateko 2015eko Sarrera-proban izena emateko epea zabaldu da

Datorren martxoaren 20ra arte izena eman dezakezu Abokatu izateko 2015eko sarrera-proban (Euskadin egun bat beranduago amaitzen da epea, martxoaren 19a jai eguna delako). Azterketa doan da eta maiatzaren amaieran egingo da Andaluzia, Galizia, EAE, Katalunia, Asturias eta Madrilen (azterketa egiteko lekua, Praktika Juridikoa –masterra edo ikasturtea- egin duzun Eskolaren araberakoa da).

Abokatu izateko sarrera-proban izena eman nahi baduzu, eskaera egiteko inprimaki ofiziala Justizia Ministerioaren web atarian eskuratu behar duzu.

Inprimakia, Justizia Ministerioaren erregistro nagusian edo azaroaren 26ko 30/1992 Legearen 38.4 artikuluan zehazten diren lekuetan aurkez dezakezu. Posta ziurtatu bidez ere bidali dezakezu Justizia Ministerioaren erregistro nagusira: Bolsa kalea, 8. 28.012 Madril.

DNI elektronikoa edo bestelako ziurtagiri digitalik baduzu, eskaera telematikoki izapidetu dezakezu Justizia Ministerioaren egoitza elektronikoan.

2015ko otsailaren 16ean argitaratua. Honi buruz gehiago irakurri:  Justizia Ministerioa. Iruzkin bat egin.
  • Partekatu:
  • Email
  • Twitter
  • Facebook

150 milioi euroko irabaziak

150 milioi euroko irabaziak

Gordailuak zainpean uzteko kontua Justizia Ministerioak aukeratutako bankuko kontu bat da; azken urtean kontu horrek 150 milioi euroko irabaziak izan ditu.

Zertarako erabiltzen da kontu hori? Gaur egun Santander Bankuan irekitako kontu hori ordaintze-manamenduak ordaindu, transferentziak egin eta gordailuak zainpean uzteko erabiltzen da.

Adibidez, enkante judizial batean parte hartzeko, dirua gordailuan utzi izanaren egiaztagiria aurkeztu behar da. Diru hori, Justizia Ministerioak aukeratutako kontu horretan sartu behar da.

Beste kasu bat hurrengoa izan daiteke: alokairuan bizi den lagun batek, arazoak ditu pisuaren jabearekin, azken horrek etxetik bota nahi duelako. Horrelakoetan, jabeak ez du alokairuaren ordainketarik onartuko eta ordainketa eza aitzakiatzat jarriko du alokairuan duen bizilaguna kalera botatzeko . Egoera horren aurrean, gordailua zainpean uzteko kontuan sar dezake dirua. Era horretara, hilero ordainketa egiteko prest dagoela ziurtatuko du, eta jabedunari aitzakia hori erabiltzeko aukera kenduko dio.

Azkenengo urtean Justizia Ministerioak 7.000 milioi euro bildu ditu kontu horretan, Botere Judizialaren Kontseilu Nagusiak argitaratutako “Justizia datuz datu” txostenaren arabera.   Urtean zehar batez beste 3.420 milioi euro egon dira kontuan. 2012. urtean berriz, batez beste 2.907 milioi euro egon ziren.  Zein da guzti horren esanahia? Datu horien arabera, 150 milioi euroko irabaziak izan ditu altxor publikoak.

2014ko ekainaren 10ean argitaratua. Honi buruz gehiago irakurri:  Justizia Ministerioa. Iruzkin bat egin.
  • Partekatu:
  • Email
  • Twitter
  • Facebook