Justizia herritarrengana hurbiltzen

Justizia Ministerioa

Nor indulta daiteke?

Nor indulta daiteke?

Duela gutxi  kalera atera da kartzelan denbora  gehien  egon den Espainiako presoa . Miguel Montes Neiro 1976an sartu zuten kartzelan lehendabiziko aldiz , zerbitzu militarra egiteari uko egin ziolako. Harrezkero, zigorrak pilatuz joan da, eta guztira 36 urte egin ditu giltzapean. Orain kartzelatik atera da, bi indulturi esker.

Baina, zer da indultu bat? Eta, nor indulta daiteke?

Indultua mesede neurri bat da eta Espainiako erregeak ematen du Justizia ministroak egindako proposamenaren arabera; epai irmoz kondenatutako preso bati, zigorraren zati bat edo zigor osoa kentzean datza.

Neurri hau edozein presok eska dezake; ez da lege-hauste mota kontuan hartzen. Eta bete beharreko zigorra kentzen du; honek zera esan nahi du,  presoak aurrekariak izaten jarraituko duela.

Presoari indultua emateko bi baldintza bete behar dira: Batetik, presoa aske geratzeak ez du beste pertsonengan inolako kalterik eragin behar, eta ez ditu beste pertsonen eskubideak urratu behar. Bestetik, kaltetutako pertsona horrek hitz egiteko aukera izan behar du.

Indultua presoak berak, edo bere izenean bere senideek edo beste edozein pertsonak eska dezake. Horretarako, presoaren gizarteratzea egiaztatzen duen dokumentazio guztia bidali behar zaio Justizia ministroari; edo, egoeraren arabera, presoaren desintoxikazio prozesuari buruzko informazio guztia bidali behar da.

Justizia Ministerioaren web atarian indultua eskatzeko eredua eta neurri horri buruzko informazio gehiago dago.

2012ko otsailaren 28ean argitaratua. Honi buruz gehiago irakurri:  Botere Judiziala. Iruzkin bat egin.
  • Partekatu:
  • Email
  • Twitter
  • Facebook

Koordainketa Justizian. Bai ala ez?

Duela aste batzuk Justizian Koordainketa ezartzeari buruzko eztabaida hasi zen. Jorge Carbé, Valentziako Justizia eta Gizarte Ongizate Sailburuak proposamena egin zuen: Justiziara jotzen duten enpresa edo norbanakoek  tasa gehigarri bat ordaintzeko . Carbéren ustetan, kaltetuek begi onez hartuko lukete ekimen hori, hain zuzen ere horri esker prozesua arinduko litzatekeelako. 

Hala eta guztiz ere, azken aste hauetan asko izan dira proposamen horren aurka entzun diren ahotsak.

Zer ekarriko luke Koordainketak?

Koordainketa Judiziala, Justiziaren erabiltzaileek –enpresak edo norbanakoak– Justiziaren erabileragatik tasa bat ordaintzea da. Neurri honen helburuen artean lehenengoa auziak arintzea eta zerbitzuaren erabilera okerra egiten dutenei horretan jarraitzeko gogoa kentzea da; bigarrena berriz, dirua aurreztea.

Baina, nork irabazten du neurri horrekin? Kaltetuena herritar xumea da, Justizia eskura izateari utz dieziokeelak; aitzitik, diru kopuru handiak eta abokatu taldeak dituzten enpresek ez lukete tasa hori ordaintzeko inolako arazorik izango.

Zuk zer uste duzu? Justizia guztion artean ordaintzea beharrezkoa dela ala Justizia erabiltzen dutenek tasa berezi hori ordaindu behar dutela?

2011ko irailaren 7ean argitaratua. Honi buruz gehiago irakurri:  Justizia Ministerioa. Iruzkin bat.
  • Partekatu:
  • Email
  • Twitter
  • Facebook