Justizia herritarrengana hurbiltzen

Justizia digitala

Euskadin egiten diren jakinarazpen judizialen erdia baino gehiago modu telematikoan egiten dira

Euskadin egiten diren jakinarazpen judizialen erdia baino gehiago modu telematikoan egiten dira

Eusko Jaurlaritzak informatika-aplikazio propio bat sortu du, Euskadiko justizia-arloko profesionalen arteko komunikazioa kudeatzeko: «JustiziaSip». Tresna hori guztiz integratua dago Eusko Jaurlaritzak espediente judizialak kudeatzeko diseinatutako kudeaketa prozesalaren sisteman («JustiziaBat»). Ingurune informatiko itxi horrek segurtasun-berme guztiak ditu eta jarduera judizial eta fiskal guztiak biltzen ditu.

«JusticiaSip» % 100ean ezarri da, eta guztiz erabilgarri dago hiru lurralde historikoetako abokatuen eta prokuradoreen sei elkargoetan eta Euskadiko hiriburuetako barruti judizialetako jurisdikzio guztietan (zibila, penala administrazioarekiko auziena eta lan-arlokoa). 

Urtarrilaren 1etik, 182.018 jakinarazpen judizial egin dira Euskadin, eta modu telematikoan egin dira horietako 100.909, hau da, % 55,4. Gehienak Bizkaian eta jurisdikzio zibilean izan dira.

Aurten, gainera, Eusko Jaurlaritzak programa pilotu bat martxan jarri du jakinarazpen judizialen digitalizazioa izapide-idazki batzuetara ere zabaltzeko (ahalmenak, probak, deklarazio-eskaerak, etab). Araban abokatutzan lanean ari diren pertsona guztiak eta hiru lurralde historikoetako 54 prokuradore ari dira programa horretan parte hartzen. Komunikazioen digitalizazioa konkurtsoko administratzaileetara, lan-harremanetako gradudunetara eta euskal erakundeetako zerbitzu juridiko guztietara zabaltzea izango da hurrengo urratsa.

Eusko Jaurlaritzak 139,9 milioi euroko inbertsioa egingo du aurten Euskadiko justizia-administrazioan, iaz baino % 4 gehiago. Horietatik, 17,9 milioi euro informatika-sistema judizialean inbertituko dira oso-osorik. Lan horiekin lortu nahi den azken helburua Euskadiko justizia-administrazioan paperik ez erabiltzea da.

2016ko otsailaren 29ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Google eta ahaztua izateko eskubidea

Google eta ahaztua izateko eskubidea

Audientzia Nazionalak ahaztua izateko eskubidearen inguruko 72 epai eman ditu honez gero. Ahaztua izateko eskubidea, eragiten dieten gertaeretatik bereiziz norbanakoen izen ona zaintzeko edo lasaitasuna bermatzeko eskubidea da.

Datuen Babeserako Espainiako Agentziak (DBEA) 7. Urteroko Batzar Irekia egin du, eta bertan, Europar Batasuneko Auzitegiak ahaztua izateko eskubidearen inguruan emandako epaia aztertu du; doktrina horrek Audientzia Nazionalaren hainbat epai eragin ditu. Auzitegi horretan, Google-ek gai horren inguruan aurkeztutako errekurtsoa guztiak daude. 

Gaur arte Audientzia Nazionalak 72 epai eman ditu, horietako %75ean bilatzailearen emaitzetan loturak ezabatzeko agindua eman du.

Batzarrean, Datuen Babeserako Espainiako Agentziaren zuzendari Jose Luis Rodriguez Alvarezek azaldu du, EBANren epaia ezartzeak ez duela jatorrizko informazioa ezabatzeko agindua bere baitan biltzen, hortaz, informazio horrek argitaratu duen web atarian jarraitzen du eta kaltetuaren izena ez den beste edozein terminoren bitartez bilatu daiteke.

2015ko apirilaren 27ean argitaratua. Honi buruz gehiago irakurri:  Justizia digitala. 2 Iruzkinak.
  • Partekatu:
  • Email
  • Twitter
  • Facebook