Justizia herritarrengana hurbiltzen

Justiziarekin elkarlana

"Haurren zaintza familiako prozesu gatazkatsuetan" ikastarorako matrikula irekita dago

Eusko Jaurlaritzako Lan eta Justizia Sailaren Lantalde Psikosozialaren Koordinatzaile Fernando Álvarez Ramos eta Justizia Zuzendari Loly de Juanek “Haurren zaintza familiako prozesu gatazkatsuetan” udako ikastaroa antolatu dute, UPV/EHUk udaro antolatzen duen udako programazioaren baitan.

Ikastaroa 2019ko uztailaren 1etik 3ra egingo da Donostiako Miramar Jauregian. Matrikula murriztua egiteko aukera maiatzaren 31ra arte egongo da zabalik.

Ikastaroak Eusko Jaurlaritzako Lan eta Justizia Sailaren laguntza du, eta besteak beste, hurrengo helburuak ditu: haurren zainketa ebaluatzeko prozesuak hobetuko dituzten legezko estandarren bateratzean aurrera egitea, estatuko eta nazioarteko araudiak  ezagutzea, eraginkortasun handiena izan duten tratamendu aukera ezberdinak ezagutzea, haustura ondorengo gurasotasun plan malguak egiten irakastea eta nazioarteko errealitateak, esperientziak eta jardunbide egokiak aztertzea.

2019ko maiatzaren 7ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Europa osoko bideratzaile eta bitartekariak Bilbon elkartuko dira Zigor-arloko Justizia Errestauratiboari buruz hitz egiteko

Europa osoko bideratzaile eta bitartekariak Bilbon elkartuko dira Zigor-arloko Justizia Errestauratiboari buruz hitz egiteko

Justizia Errestauratiboaren Europako Funtsak (European Forum for Restorative Justice, EFRJ) Eusko Jaurlaritzaren Lan eta Justizia Sailarekin eta Deustuko Unibertsitatearekin lankidetzan,  “From Penal Mediation to Restorative Justice” (Zigor-arloko Bitartekaritzatik Justizia Errestauratibora) sinposioa antolatu du ekainaren 5ean eta 6an Bilbon. 

Sinposioan Euskadiko Justizia Errestauratibo Zerbitzu (JEZ) berria aurkeztuko da, Europako Kontseiluak Estatu Kideei Zigor-arloko Justizia Errestauratiboaren arloan egindako CM/Rec (2018) 8 gomendioa, 2018ko urriaren 3koa jarraituz

Jardunaldiak batik bat praktikoak eta parte-hartzaileak izango dira, ingelesez eta aldibereko itzulpenarekin. Bertan parte hartuko dute Europa guztiko Justizia Errestauratiboko bideratzaileek eta adituek, praktika eta esperientziak partekatzeko asmoz.   

“Bestearen begirada”

Era berean, ekainaren 5ean 20:30ean “Bestearen begirada” lana antzeztuko du 43-2 Proyecto konpainiak Azkuna Zentroan.  Antzezlana ETAko presoen eta ETAko biktimen artean Langraizen (Araban) egin ziren topaketa errestauratiboetan  oinarrituta dago.  Antzerki taldeak Justizia Errestauratiboan prestakuntza jaso du eta arlo horretan prestakuntza ematen du, eta Europako Foroak egiten duen lanari ikuspegi artistikoa ematen dio.

Lana aurkeztu ostean mahai-ingurua egongo da. Bertan hitz egingo dute topaketa horietan bideratzaile eta bideratzaile taldearen arduradun izan zen Esther Pascualek, Maria San Miguel aktoreak eta Biktimologia eta Justizia Errestauratiboan aditu Gemma Varonak. Hiruek aztertu dituzte arteak eta Justizia Errestauratiboak eskaintzen dituzten aukerak.

2019ko martxoaren 21ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook