Justizia herritarrengana hurbiltzen

Nire etxea emango dizut zorra kitatzeko

Nire etxea emango dizut zorra kitatzeko

Krisi ekonomikoa dela eta, familia asko egoera larrian daude; izan ere, lan gabe gelditzeaz gain, etxea galdu dute eta oraindik bankuarekin zorretan daude.

Nola iritsi dira egoera honetara? Duela gutxi ekonomiaren egoera oso ona zen. Garai hartan  oso erraza zen - dirua eduki zein ez eduki-  etxea erostea. Etxeen prezioak erabat puztuta zeuden, baina bankuek, erosi ahal izateko, era guztietako erraztasunak ematen zituzten. Trukean, amaierarik gabeko hipotekak ematen zituzten.

Horren ondorioz, krisialdian, milaka langile geratu dira langabezian eta gaur egun familia asko eta asko daude hipotekei aurre egin ezinik. Ondorioz, etxea galdu dute, baina bankuarekin milaka eurotako zorra izaten jarraitzen dute, beraien etxebizitzen prezioak ikaragarri jaitsi direlako.

Egoera tamalgarri honi amaiera emateko, Gobernuak hainbat erreforma jarri nahi ditu abian, eta finantza erakundeek, hala nahi izanez gero, bere egin dezaketen Jokabide Egokien Araudia ezarri nahi du. Momentuz, Araudia hainbat bankuk eta kutxek onartu dute (Banco Santander, Bankinter, Banco Sabadell eta Catalunya Caixa izan dira lehenak). Hori bai, abantaila fiskalen truke egin dute.

Jokabide Egokien Araudiaren ezaugarri garrantzitsuenetako baten arabera, familiek etxea eman dezakete zorra kitatzeko. Aukera honi ordainean ematea deritzo. Horrez gain, kaltetuek etxebizitzatik kaleratzeko agindua bi urtez atzeratu ahal izango dute alokairu sozial bat ordaintzen badute.

Gobernuak, aukera honetaz baliatzeko ondorengo baldintza hauek bete behar direla adierazi du:

  • Hipotekaren kuota familia unitateak dituen diru sarreren %60 baino gehiago izan behar du.
  • Familiako kide guztiek langabezian egon behar dute.
  • Etxebizitza, familiak duen lehena eta bakarra izan behar du.
  • Etxebizitzaren balioak ezin du gainditu:
    1. 200.000 euro, milioi batetik gorako hirietan.
    2. 180.000 euro, 500.000 biztanletik gorako hirietan.
    3. 150.000 euro, 100.000 biztanletik gorako hirietan.
    4. 120.000 euro, populazio gutxiagoko herrietan.

Irizpide hauen arabera, EAEn aukera hau izango duten familiak gehienez ere 150.000 euroko etxeak dituztenak dira. Izan ere, EAEn ez dago ez milioi bat biztanle baino gehiago duen hiririk, ezta milioi erdiko biztanle kopurua duen hiririk ere. Eta horrez gain, 100.000 biztanletik gorako lau hiri bakarrik daude: hiru hiriburuak eta Barakaldo. Ondorioz, EAEn oso gutxi izango dira etxea ordainean emateko aukera izango duten familiak.

EAEko Stop Desahucios plataformako bozeramalea den Marta Uriarteren arabera, Jokabide Egokien Araudiak kaltetuen %1ari eragingo dio bakarrik, izan ere, EAEko etxebizitzen prezioa 300.000 euro ingurukoa da. Marta Uriarteren ustez, ratioak herrialde bakoitzeko errealitatera egokitu beharko litzateke, adreiluak ez baitu berdin balio Galizian, Extremaduran edo hemen.

2012ko martxoaren 26ean argitaratua. Honi buruz gehiago irakurri:  Araudien azken berriak. 2 Iruzkinak.
  • Partekatu:
  • Email
  • Twitter
  • Facebook

2 Iruzkinak

Webmaster de justizia.net2012/07/05
Hola Oscar, gracias por leer nuestro blog. Tu pregunta es un poco específica y no sabría contestarte con seguridad, así que te remito a la web de Stop deshaucios de Euskadi (http://www.stopdesahucios.es/pah-euskadi/), una comunidad de personas afectadas por esta situación, donde seguro que alguien te contesta con precisión.
oscar mesanza jaldo2012/07/04
Muchas gracias por la información. Solo una pregunta, en el caso de que tengas la casa alquilada por menos del valor de la hipoteca, los requisitos anteriores también se cumplirían.

Artikulua iruzkindu

*
*
Ez da argitaratuko
*
*