Justizia herritarrengana hurbiltzen

Notarioak ezkon al gaitzake?

Notarioak ezkon al gaitzake?

Oraingoz, ez. Neurria otsailaren hasieran Alberto Ruiz Gallardón Justizia ministroak iragarri bazuen ere, notarioek oraindik ezin dute bikoterik ezkondu, ezta dibortziatu ere.

Gainera, gizatalde asko formula berri horren aurka azaldu dira, herritarrei segurtasun juridiko eza eragingo diela, eta Justizia ez duela eraginkorragoa eta bizkorragoa egingo argudiatuz.

Mónica Ruiz abokatuak, ABA Abogadas-eko  bazkideak,  pausu bat haratago eman du eta Diario Jurídico egunkarian, neurri berria komenientziazko ezkontzei ate bat irekitzeko modua izan daitekeela adierazi du.  Egun,  iruzur mota honekin amaitzeko, Erregistro Zibiletako funtzionarioek ezkongaiei gertaera objektiboei buruzko azterketak egiten  dizkiete. Mónica Ruiz abokatuak, notarioek horrelako kontrol zorrotza egingo dutenik zalantzan jartzen du. 

Adostasunezko dibortzioen gaia are korapilatsuagoa da; batez ere, kasu askotan bikotearen adingabeko seme-alabak tartean daudela kontuan hartuta. Mónica Ruiz abokatuaren ustez, kontuan hartu behar da epailearen lana ez dela soilik hitzarmen bat homologatzea. Bere lana  ezkontideen artean lortutako akordioak etorkizunean beteko direla egiaztatzea ere bada. Eta baita, betearazpena epaitegi baten aurrean bermatu ahal izango dela egiaztatzea ere.  Gainera, esperientziak erakutsitakoaren arabera, adostasunezko dibortzioak -adingabeak tartean egonda zein ez- ez dira Auzitegiak gelditzen dituzten kasuak; izan ere, horrelakoetan ez denez epaiketarik egiten, epaileen lana legezkoa den hitzarmena sinatzea besterik ez da izaten. 

Eta zuk, zer diozu? Notarioak epailea ordezkatu dezakeela eta bikoteak ezkondu, zein adostasunezko dibortzioak egin ditzakeela uste duzu? Neurri honek Auzitegien lana arinduko duela uste duzu?

2012ko martxoaren 2ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat.
  • Partekatu:
  • Email
  • Twitter
  • Facebook

Iruzkin bat

paco2013/03/19
estoi de acuerdo en que los notarios puedan casar alas personas y cueste mas baratos y mas rapido

Artikulua iruzkindu

*
*
Ez da argitaratuko
*
*