Justizia herritarrengana hurbiltzen

Araudien azken berriak

Abizen sefardiak

Abizen sefardiak

Gallardonek sefardiak direla egiaztatzen duten herritarrek espainiar nazionalitatea eskuratzeko Kode Zibila aldatuko zuela iragarri zuenetik,  informazio bila bertara jo  duen jende andana -dela eta, Espainiako kontsulatuak lanez gainezka daude. Sare sozialetan ere, zure abizena 5.200 abizen sefardien zerrendan badago, automatikoki Espainiako nazionalitatea eskuratuko duzula zabaldu omen da.

Hasteko, lege aurreproiektu bat dela kontutan hartu behar da (Sefardiei Espainiako nazionalitatea emateko Lege Aurreproiektua); proiektua oraindik onartu gabe dago. Beraz, ezin da oraindik baldintzak zeintzuk diren, ez eta espainiako nazionalitatea eskatzeko prozedura zein izango den ere jakin.

Zehaztuta dagoen bakarra, hurrengoa da: Espainiako nazionalitatea eskuratu nahi dutenek sefardi izaera egiaztatu beharko dute, bere etxeko hizkuntza, edo kultur elkartearen parte direla egiaztatzen duten bestelako frogak erakutsiz. Horrez gain, Espainiarekin duten lotura berezia ere egiaztatu beharko dute.

2014ko otsailaren 17an argitaratu zen Gobernuaren Lege Aurreproiektuan zehaztuta daude eskaera egiteko epea eta lekuak; hala ere, oraindik ez dira hainbat gauza argitu, hala nola: eskaerak egiteko epearen hasiera, interesdunek aurkeztu behar duten dokumentazioa, eta espedientea irekitzeko eredua.

Hortaz, sare sozialetan aipatutako abizenen zerrenda horietako batean zure abizena ageri bada, ez pentsa hori Espainiako nazionalitatea jasotzeko nahikoa izango denik.  Beste baldintza batzuk bete beharko dituzu; adibidez, judu-sefardi erkidegoaren kide zarela frogatu beharko duzu. Eta batez ere,ez ahaztu oraindik Lege Aurreproiektuak parlamentuan hainbat izapide bete behar dituela.

2014ko apirilaren 8ean argitaratua. Honi buruz gehiago irakurri:  Araudien azken berriak. 2 Iruzkinak.
  • Partekatu:
  • Email
  • Twitter
  • Facebook

Doako Justizia jasotzeko aukerak handitu dira

Doako Justizia jasotzeko aukerak handitu dira

Aurreko astean Gobernuak Doako Laguntza Juridikoaren Lege Proiektua onartu zuen. Testuak 1996az geroztik indarrean dagoen legea ordezkatuko du,  eta  diru sarrerak kontutan hartu gabe Doako Justiziaren onuradun diren elkarte berriak jasotzen ditu bere baitan. 

Ildo horretatik, Doako Justizia eskuratu ahal izango dute genero indarkeriaren biktimek, terrorismoaren biktimek, pertsonen salerosketaren biktimek, adingabeek baita ezindu psikikoek ere (abusua edo tratu txarrak jasan badituzte).

Era horretara, Konstituzioaren 119. artikuluan jasotako babes juridiko eraginkorraren eskubidea bermatuko da, eta baliabiderik ez duten herritar guztiei auzitan jarduteko aukera ziurtatuko zaie.

Diru-muga berriak

Lege Proiektuak Doako Laguntza Juridikoa jasotzeko diru-mugak aldatuko ditu. Bide honetatik, 2,5 aldiz handitu da Ondorio Askotariko Errenta Adierazle Publikoa (OAEAP) eta 15.975 eurora igo da. Orain arte, diru-muga, Lanbide Arteko Gutxieneko Soldata bikoiztuz kalkulatzen zen (14.910,28 euro urtero). Lau kideko familientzat hiru aldiz handituko da OAEAP, eta eskatzaileak familia-unitaterik ez badu, berriz, bi aldiz handituko da.

Iruzurraren aurkako neurriak

Azken urte hauetan Profesionalen elkargoetan eztabaida sutsuak piztu dira; izan ere,  zigor-arloko jurisdikzioan eskatzaile bati Doako Justizia ukatzen zitzaionean, abokatuek egindako lana kobratzeko arazoak zituzten. Arazo hori konpontzeko, testu berriaren arabera, zerbitzua eman eta bost egunera Administrazioak ordaindu egin beharko du.

Gainera, eskubidea jasotzeko eskaera elektronikoki izapidetuko da, eta derrigorrezkoa izango da Administrazioen eta Elkargo profesionalen arteko harremanak telematikoki gauzatzea.

2014ko otsailaren 27ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook