Justizia herritarrengana hurbiltzen

Ba al dakizu?

Epaiketa batean demandari amore eman diezaiokezu

Epaiketa batean demandari amore eman diezaiokezu

Zer da demandari amore ematea? Bada, demandatua demanda jartzaileak eskatzen duenarekin bat etortzeari deritzo (gaztelaniaz “allanamiento a la demanda”).

Epaiketa batean demandari amore ematen badiozu, demanda jartzaileak eskatutakoa onartzen duzu; hortaz, epaileak epaia ebatziko du eta hark eskatutakoa aseko du. Kontutan hartu behar da, halako kasuetan, demandatzaileak eskatutakoa bakarrik aseko duela epaileak (“eskatutako justiziaren printzipioa”). Gauzak horrela, judizioko kostuak demandatuak ordaintzeko eskaera egin ez badu, demandatzaileak berak ordaindu beharko ditu.

2014ko urriaren 14ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Email
  • Twitter
  • Facebook

Ba al dakizu? Exequatur atzerriko ebazpenak Espainian aintzatesteko erabiltzen da

Ba al dakizu? Exequatur  atzerriko ebazpenak Espainian aintzatesteko erabiltzen da

Exequatur prozedura zibil berezia da eta atzerrian emandako ebazpenak Espainian aintzatesteko eta betearazteko erabiltzen da. Prozedura horren bidez atzerriko Auzitegi batek emandako epaiaren baliozkotasuna egiaztatzen da, epaia jatorrizkoa ez den beste estatu batean betearazi dadin.

Ez da prozedura berri bat, beraz, ez da atzerrian emandako epaia berrikusteko prozedura ;  epaia egiaztatu eta Espainian aintzatesteko eta betearazteko baldintzak betetzen dituela  egiaztatzeko balio du soilik. 

Adibidez, exequatur prozedura erabiltzea atzerrian ezkondutakoen eta dibortziatutakoen auzietan erabili ohi da.

  • Gogoan izan! Euskadin ezkondu eta atzerrian dibortziatu bazara, EAEko Erregistro Zibiletako batean ezkongabea zarela jasota gera dadin, atzerrian egindako dibortzio epaiaren exequatur-a aurkeztu behar duzu.
2014ko irailaren 1ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Email
  • Twitter
  • Facebook