Justizia herritarrengana hurbiltzen

Botere Judiziala

Krisia epaitegietara iritsi da

Krisia epaitegietara iritsi da

Espainiako epaitegiak krisiak gizartean duen eraginaren adibide bat gehiago dira. 2012. urtean bakarrik 10.290 konkurtso egon ziren, 2011. urtean baino % 28 gehiago. Konkurtsoak merkataritza-arloko epaitegien eskuetan dauden prozedurak dira, eta horien bitartez zordunari bere betebeharrak betetzea eskatzen zaio.

Azken finean, azken urte hauetan konkurtsoetan izandako gorakada Espainiako krisiaren bilakaeraren ispilu gisa har daiteke.

Botere Judizialaren Kontseilu Nagusiaren (BJKN) Estatistika Judizialeko Zerbitzuak krisiak 2012. urtean zehar organo judizialetan izan duen eraginari buruzko datuak ezagutzera eman ditu. Horien arabera, iaz 1.809 ERE aurkeztu ziren, 198.116 hipoteka betearazpen izapidetu ziren, eta kaleratzeagatiko 147.404 demanda aurkeztu ziren.

Botere Judizialaren Kontseilu Nagusiaren Estatistika Judizialaren Zerbitzuak emandako datuen arabera, 2012 eta 2011 arteko datuen artean honako aldea dago:

  • Konkurtsoak: %28 igo ziren.
  • Hipoteka betearazpenak: %17,7 igo ziren.
  • Prozedura monitorioak: %2,4 igo ziren.
  • Etxe-kaleratzeak: %13,1 igo ziren.
  • Kaleratzeagatiko demandak: %25,3 igo ziren.
2013ko apirilaren 22ean argitaratua. Honi buruz gehiago irakurri:  Botere Judiziala. Iruzkin bat egin.
  • Partekatu:
  • Email
  • Twitter
  • Facebook

Zu ere epaile izan zaitezke

Zu ere epaile izan zaitezke

18 eta 65 urte artean dituzu, zure lanbidea ez da Zuzenbidearen ingurukoa eta ez duzu lana egitea eragozten dizun ezintasun fisiko, psikiko edo sentsorialik? Orduan, inoiz  zinpeko epaimahaikide izateko aukeratua izan zaitezkeela jakin behar duzu.

Zinpeko epaimahaiarekin egindako lehen epaiketa 1996. urtean egin zen Espainian. Erakunde hau urtebete lehenago Zinpeko Epaimahaiaren Legeak arautu zuen. Jarraian, zinpeko epaimahaia nola osatzen den eta zer erabakitzen duen azalduko dizugu. 

  • Nola aukeratzen da? Probintzia auzitegiek zozketa publikoa egiten dute. Zozketak urte bikoitietako iraileko azken bi asteetan egiten dira, probintziako erroldan dauden pertsonen artean.  Hau da, 2012. urtean aurten eta datorren urtean zinpeko epaimahaietako kide izango diren herritarrak aukeratu ziren. Probintzia auzitegi bakoitzean, hurrengo bi urteetan zinpeko epaimahaiarekin aurreikusten den epaiketa bakoitzeko, 50 pertsona aukeratzen dira. 
  • Zein baldintza bete behar dira? Espainiarra eta adinez nagusia izan behar da, irakurtzen eta idazten jakin behar da, auzia epaitzen den probintzian bertan izan behar da bizilekua ,eta  ezin da zigor-aurrekaririk izan.   Abokatuak, epaileak, Estatuko goi mailako karguak eta Segurtasun Indarretako kideek ezin dute zinpeko epaimahaietan parte hartu.
  • Zenbat pertsonek osatzen dute? Bederatzi partaide dira, eta bi ordezko. Ordezkoek  epaiketaren saio guztietara joan behar dute eta aldeei entzun behar diete, baina epaia titularretako batek  bakarrik emango dute.  
  • Uko egin diezaioket?  Baldintzak betetzen badituzu, ez. Hala ere salbuespenak daude.  65 urtetik gorakoa bazara, aurreko lau urteetan zinpeko epaimahai batean parte hartu baduzu, familia-kargak direla eta eragozpen larriak badituzu, nabarmen interes orokorrekoa den lanbidea badaukazu, lanean diharduen militarra bazara edo epaimahaikide izatea zailtzen dizun edozelako beste arrazoiren bat ematen baduzu.
  • Nortzuk ezin dute epaimahaikide izan? Errehabilitaziorik jaso ez duten doluzko delituagatik zigortuek eta ahozko judizioaren fasean dagoen prozedura judizial batean inputatuta daudenek.  Atxilotuek, behin-behineko kartzela zigorra dutenek edo kartzela zigorra ezarria dutenak, eta zigor-arloko prozedura baten ondorioz lan gabe edo kargu publiko gabe zigortuta daudenek.
  • Zein delitu mota epaitzen du? Delituen ondorioz abian jarritako zigor-arloko prozedurak bakarrik epaitzen ditu, inoiz ez du faltarik epaitzen. Hamabi delitu mota epaitu ditzake: giza hilketak, mehatxuak, sorospen-eginbeharra ez betetzea, bizilekua bortxatzea, baso-suteak, desleialtasuna agirien edo presoen zaintzan, funtzionario-eroskeria, eragimen-trafikoa, ondasun publikoak bidegabe eralgitzea, iruzurrak eta legearen aurkako ordainarazpenak eta funtzionario publikoei debekatutako negoziazioak.
  • Zer erabakitzen du? Auziperatuek egozten zaizkien gertaeretan parte hartu duten ala ez, errugabetasuna edo erruduntasuna eta legezko baldintzak betetzen baditu zigorraren barkamen baldintzatua, baita indultua eskatu ala ez.
  • Ordaindu egiten da? Bai. Titularrek eguneko 67 euro jasotzen dituzte dietengatik eta ordezkoek 33,5 euro. Guztiei kilometrajea edo garraio publikoa ordaintzen zaie.

Dirua ordaintzen bada ere, zinpeko epaimahaikide izateko aukeratutako pertsonek oso ardura handia dute. Zilegi da zuzenbidean ezagupenik ez duen batek, delitu bategatik auziperatu duten beste baten errugabetasuna edo erruduntasuna erabakitzea?

2013ko martxoaren 21ean argitaratua. Honi buruz gehiago irakurri:  Botere Judiziala. Iruzkin bat.
  • Partekatu:
  • Email
  • Twitter
  • Facebook