Justizia herritarrengana hurbiltzen

Erregistro Zibila eta Bake Epaitegiak

Seme-alaba ospitaletik inskribatu dezakezu

Seme-alaba ospitaletik inskribatu dezakezu

Urriaren 15etik aurrera gurasoek ospitaletik inskribatu ahal izango dituzte seme-alabak, izapidea egitera Erregistro Zibilera joan gabe.

Eskaera egiteko, haurra jaio eta 72 orduko epean hurrengo dokumentazioa aurkeztu beharko dute:

 

  • Ospitaleak emandako sendagilearen jaiotza-ziurtagiria.
  • Guraso bien NAN, NIE edo pasaportea eta eskatzailearena, azken hau gurasoa ez bada.
  • Gurasoetako baten sinadura falta bada, familia liburua edo ezkontza ziurtagiria aurkeztu beharko da.

Jaiotza-inskripzioa eskatu ostean, ospitaleko langileak Erregistro Zibilera bidaliko du. Erregistro Zibilak dokumenturen bat falta dela uste badu, seme-alabaren inskripzioa egiteko gurasoei Erregistro Zibilera joateko eska diezaieke.

Halere, aukera hori ospitale gutxi batzuetan egongo da (autonomia erkidego bakoitzeko ospitale batean, gutxienez). Gauzak horrela, Arabako Unibertsitate Ospitalea da Euskadin jaiotzak telematikoki inskribatzeko aukera ezarri duen lehena. Zerbitzua, gainontzeko ospitaleetan datozen hilabeteetan egongo da eskuragarri. Zehazki, azaroan Arrasate, Zumarraga eta Mendaroko ospitaleetan ezarriko da eta abenduan Gurutzetako , Donostiako eta Basurtuko Unibertsitate  Ospitaleetan ezarriko da.

2015ko urriaren 16ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook

Espainola izateko testa gaindituko al zenuke?

Espainola izateko testa gaindituko al zenuke?

Datorren urriaren 29an Espainiako Konstituzio, Gizarte eta Kulturaren Ezagutzari buruzko lehenengo proba (EGKE) egingo dute, espainiako nazionalitatea eskuratu nahi duten  hautagaiek.  Atzerritar egoiliarrek eta Espainiarekin lotura duten sefardiek Cervantes Institutuak kudeatutako proba hau gainditu beharko dute.

EGKE proba erantzun bakarreko 25 galderaz osatuta egongo da. Galderak, Konstituzioari buruzkoak (Gobernua, legeria eta herritarren parte-hartzea Espainian) eta espainiako kulturari, historiari eta gizarteari buruzkoak izango dira.  Hautagai bakoitzak 45 minutu izango ditu azterketa egiteko, eta gutxienez 15 galdera zuzen erantzun beharko dira proba gainditzeko.

Jarraian, EGKEn egiten diren hainbat galdera ikus ditzakezu:

  1. Estatuburua…
    a) Gobernuko presidentea da.
    b) Erregea da.
    c) Atzerriko ministroa da.
     
  2. Botere legegilea…
    a) Presidenteari eta ministroei dagokie.
    b) Epaile eta magistratuei dagokie.
    c) Diputatu eta senatariei dagokie.
     
  3. Nork osatzen du autonomia erkidegoetako organo betearazlea?
    a) Presidenteak eta ministroek.
    b) Alkateak eta zinegotziek.
    c) Presidenteak eta sailburuek.
     
  4. Espainolek botoa emateko gutxienez hurrengo adina izan behar dute:
    a) 16 urte.
    b) 18 urte.
    c) 21 urte.
     
  5. Oinarrizko hezkuntza (lehen eta bigarren hezkuntza, 6 urtetik 16 urtera). Derrigorrezkoa eta doan da.
    a) Egia.
    b) Gezurra.
     
  6. Ze autonomia erkidego osatzen dute Alacant, Castello eta Valentziak?
    a) Asturiasko Printzerria
    b) Andaluzia.
    c) Valentziako Erkidegoa.
     
  7. Museo hauetatik, zein dago Bilbon?
    a) Centro de Arte Reina Sofia Museo Nazionala.
    b) Thyssen Bornemisza museoa.
    c) Guggenheim museoa.
     
  8. Zein da Penelope Cruz-en lanbidea?
    a) Abeslaria.
    b) Gitarra-jolea.
    c) Aktorea.
     
  9. Espainian, zenbat kide behar dira familia ugaria izateko?
    a) Bikotea eta seme-alaba bat.
    b) Bikotea eta bi seme-alaba.
    c) Bikotea eta hiru seme-alaba.
     
  10. 750ml-ko ur botila erosiz gero, hurrengo kantitatea erosi dugu:
    a) 3/4 litro.
    b) Litro erdi.
    c) Litro bat.

Zenbat erantzun asmatu dituzu? Inskripzioak 85 euro balio ditu eta hautagai bakoitzak azterketa gainditzeko bi aukera dauzka. Cervantes Institutuak online plataforma bat jarri du abian: http://ccse.cervantes.es. Bertan, EGKE probari buruzko informazio guztia dago (deialdien datak, gidaliburuak, azterketa motak, e.a.)

Eta zuk, espainola izateko testa gaindituko al zenuke?

  • Konstituzioari eta Espainiako Kultura eta Gizartearen Ezagutza probari buruzko informazio gehiago behar baduzu, Cervantes Institutuaren http://ccse.cervantes.es plataformara jo.
  • Erantzunak:  1-b / 2-c / 3-c / 4-b / 5-a / 6-c / 7-c / 8-c / 9-c / 10-a.

 

2015ko urriaren 14ean argitaratua. Honi buruz gehiago irakurri:  Erregistro Zibila eta Bake Epaitegiak. 2 Iruzkinak.
  • Partekatu:
  • Email
  • Twitter
  • Facebook