Justizia herritarrengana hurbiltzen

Erregistro Zibila eta Bake Epaitegiak

Espainiako nazionalitatea eskuratzeko baldintza berriak

Espainiako nazionalitatea eskuratzeko baldintza berriak

Espainiako nazionalitatea eskuratzeko irizpideak bateratu dira. Bide horretatik, ez du epaile batek erabakiko -gaztelania edo espainiako kulturaren ezagupen mailaren arabera- espainiako pasaportea nork eskuratuko duen.

Hemendik aurrera Cervantes Institutuak egingo ditu hizkuntza eta kultura orokorreko probak. Gai zerrenda Justizia Ministerioaren web atarian ikus daiteke; azterketa telematikoa izango da, eta horretarako bereziki sortutako web atari baten bidez egingo da. Ondoren, Cervantes Institutuak Erregistroen eta Notarioen Zuzendaritza Nagusira bidaliko ditu proben emaitzak.

Gaztelania hizkuntza ofiziala den herrialdeetako eskatzaileek ez dute hizkuntzaren proba egin behar izango,  ez eta Espainian eskolara doazen adingabeek ere. Horrez gain, azterketa alfabetatu gabeentzat eta ezintasunak dituzten norbanakoentzat egokituko da.

2014ko maiatzaren 5ean argitaratua. Honi buruz gehiago irakurri:  Erregistro Zibila eta Bake Epaitegiak. 5 Iruzkinak.
  • Partekatu:
  • Email
  • Twitter
  • Facebook

Abizen sefardiak

Abizen sefardiak

Gallardonek sefardiak direla egiaztatzen duten herritarrek espainiar nazionalitatea eskuratzeko Kode Zibila aldatuko zuela iragarri zuenetik,  informazio bila bertara jo  duen jende andana -dela eta, Espainiako kontsulatuak lanez gainezka daude. Sare sozialetan ere, zure abizena 5.200 abizen sefardien zerrendan badago, automatikoki Espainiako nazionalitatea eskuratuko duzula zabaldu omen da.

Hasteko, lege aurreproiektu bat dela kontutan hartu behar da (Sefardiei Espainiako nazionalitatea emateko Lege Aurreproiektua); proiektua oraindik onartu gabe dago. Beraz, ezin da oraindik baldintzak zeintzuk diren, ez eta espainiako nazionalitatea eskatzeko prozedura zein izango den ere jakin.

Zehaztuta dagoen bakarra, hurrengoa da: Espainiako nazionalitatea eskuratu nahi dutenek sefardi izaera egiaztatu beharko dute, bere etxeko hizkuntza, edo kultur elkartearen parte direla egiaztatzen duten bestelako frogak erakutsiz. Horrez gain, Espainiarekin duten lotura berezia ere egiaztatu beharko dute.

2014ko otsailaren 17an argitaratu zen Gobernuaren Lege Aurreproiektuan zehaztuta daude eskaera egiteko epea eta lekuak; hala ere, oraindik ez dira hainbat gauza argitu, hala nola: eskaerak egiteko epearen hasiera, interesdunek aurkeztu behar duten dokumentazioa, eta espedientea irekitzeko eredua.

Hortaz, sare sozialetan aipatutako abizenen zerrenda horietako batean zure abizena ageri bada, ez pentsa hori Espainiako nazionalitatea jasotzeko nahikoa izango denik.  Beste baldintza batzuk bete beharko dituzu; adibidez, judu-sefardi erkidegoaren kide zarela frogatu beharko duzu. Eta batez ere,ez ahaztu oraindik Lege Aurreproiektuak parlamentuan hainbat izapide bete behar dituela.

2014ko apirilaren 8ean argitaratua. Honi buruz gehiago irakurri:  Araudien azken berriak. 2 Iruzkinak.
  • Partekatu:
  • Email
  • Twitter
  • Facebook