Justizia herritarrengana hurbiltzen

Erregistro Zibila eta Bake Epaitegiak

Zer gertatuko litzateke ama bi dibortziatuko balira?

Zer gertatuko litzateke ama bi dibortziatuko balira?

Zer gertatuko litzateke,  bi emakumek in vitro ugalketa-teknika bidez seme-alabak izan ondoren, dibortziatzea erabakiko balute? Zer gertatuko litzateke seme-alabekin? Ama biek seme-alabekiko eskubide berdinak dituzte?

Ezkondutako emakume bikote batek, egoera-edukitzagatik, seme-alabatasunari buruz aurkeztutako auzi bati buruzko ebazpena eman berri du Auzitegi Gorenak.  Auzitegi Gorenak, banandutako ama biei amatasun partekatua onartu die.

Hauek dira Auzitegiak aipatutako gertaerak:  Emakume bikote batek in vitro ugalketa-teknika bidez alaba bat izan zuen. Ama ez-biologikoak, ondoren, haurra adoptatu zuen. Horren ostean, bigarrenez, laguntza bidezko ugalketa- teknikak erabili zituzten. Kasu horretan , aurretiaz guraso-adostasuna sinatu zuten. Emakumeetako batek bikiak izan zituen; baina haurrak jaio aurretik, ezkondu egin ziren. Haurren izenak ama ezkongabearen seme-alabatasunarekin bakarrik jaso ziren Erregistro Zibilean. Orduan, ama ez-biologikoak okerra zuzentzeko espedientea eskatu zuen.   Geroago, bikotea banandu egin zen, eta ama ez-biologikoak egoera-edukitzagatik seme- alabatasuna eskatu zuen. Auzitegiek arrazoia eman zioten eta ama biologikoak kasazio-errekurtsoa jarri zuen.

Orain, haurrak jaio zirenetik sei urte pasa direnean, Auzitegi Gorenak ama ez-biologikoari arrazoia eman dio eta amatasun partekatua onartu die emakume biei. 

2014ko urtarrilaren 3ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Twitter
  • Facebook

Irabazpidezko ondasunak ala ondasunen banantzea?

Irabazpidezko ondasunak ala ondasunen banantzea?

Bikote batek ezkontzea erabakitzen duenean, ezkontzako ondasun-eraentza zein izango den erabaki behar du.

Espainiako leku gehienetan irabazpidezko ondasun-eraentza lehenetsita dago, eta ondasunen banantze-eraentza hurrengo hiru erkidegoetan bakarrik ezarrita dago: Katalunian, Valentzian eta Balear Uharteetan.

Euskadin, Aragoan eta Nafarroan arau bereziak daude, eta azaletik eraentza biak parekatuta daudela esan daiteke.

Baina, zein dira eraentza bien arteko desberdintasunak?

  • Irabazpidezko ondasun-eraentzan bikotekide bakoitzak irabazten duen dirua eta ezkontzak dirauen artean erositako guztia bikotekide biena da, erdibana.
  • Ondasunen banantze-eraentzan, berriz, bikotekide bakoitza bere irabazien eta dituen ondasunen jabe bakarra da. Kasu horretan, bikotekideek erabaki behar dute ondasunen bat elkarren artean banatu nahi duten ala ez.

Dagokizun ondasun-eraentzarekin bat ez bazatoz, aldatu egin dezakezu. Izapide hau ezkontza ospatu aurretik zein ondoren egin daiteke, baina beti Notarioaren aurrean egin behar da. Ezkontza-hitzarmenari uko egin eta kontratu berria sinatzean datza. Kontratu berrian ezkontza-eraentza zehaztuko da. 

Kontratu berria egiteak 60 euro balio du, eta egin eta gero nahi beste aldiz alda daiteke, baina aldaketa Notarioaren aurrean egin behar da.

2013ko azaroaren 21ean argitaratua. Honi buruz gehiago irakurri:  Erregistro Zibila eta Bake Epaitegiak. 4 Iruzkinak.
  • Partekatu:
  • Twitter
  • Facebook