Justizia herritarrengana hurbiltzen

Erregistro Zibila eta Bake Epaitegiak

Nazionalitatea eskatzeko aurkeztu beharreko dokumentazioa bateratu dute

Nazionalitatea eskatzeko aurkeztu beharreko dokumentazioa bateratu dute

Orain arte erregistro zibil eta autonomia erkidego bakoitzak Espainiako nazionalitatea eskatzeko aurkeztu beharreko dokumentazioaren inguruan bere arauak zituen. Hori albo batera utzi eta herritarrei izapideak errazteko, Justizia Ministerioak irizpideak bateratzea erabaki du. Ondorioz, BOEn instrukzioa argitaratuko du eskatzaileek aurkeztu beharreko dokumentazioa zein den zehazteko.

Instrukzioaren 1go atalean erabaki horren zergatia zehaztuta dator: “… dokumentazio hori mugatua da eta erregistro zibilek ezingo diete herritarrei bestelako dokumentazioa edo dokumentazio osagarria eskatu. Dokumentazio hori, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 35. artikuluan eta Erregistro Zibilaren Legearen hirurogeita hirugarren artikuluan ezarritakoaren arabera, Herri Administrazioei ofizioz eskatuko zaie”.

2013ko apirilaren 12ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook

Ezkontzek doan izateari utziko diote

Ezkontzek doan izateari utziko diote

Mariano Raxoiren Gobernuak egindako Erregistro Zibilaren erreformaren arabera, epaileek ezkontzak egiteari utziko diote eta hemendik aurrera notarioek egingo dituzte. Ondorioz, ezkondu nahi dutenek tasa bat ordaindu beharko dute.

Joaquín José Rodríguez Erregistroen eta Notaritzen zuzendari nagusiak adierazitakoaren arabera, bikoteek 100 euro baino gutxiago ordaindu beharko dute, baina momentuz ez da ezkontzeko ordaindu beharko den  diru-kopurua zehaztu.

Hala ere derrigorrezko egintzek doan izaten jarraituko dute, hala nola jaiotza eta heriotza inskripzioak. Horiek dira Erregistro Zibiletan lan gehien eragiten duten izapideak.

2013ko martxoaren 25ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook