Justizia herritarrengana hurbiltzen

Erreportajeak

Milioi erdi bisitatik gora

Kanada, Islandia, Zeelanda berria, Taiwan, Nigeria, Kamerun, Indonesia, Japonia, Australia, Txina… JustiziaNet-ek mundu osoko bisitariak ditu

Hamar erabiltzailetik hiru eskuko gailuetatik sartzen da JustiziaNet-en (tabletak edo smartphoneak).

 

 

 

 

 

 

 

 

 

 

Justizia eta Herri Administrazio Sailaren web atariak (www.justizia.net ) 567.333 bisita izan ditu 2015. urtean, 2012. urtean baino % 31 gehiago (mota horretako datuak jaso ziren lehen urtea). Iaz, JustiziaNet-ek 380.000 bisitari izan zituen, guztira, bi milioi ikustaldi izan ziren.

Azken lau urteotan erabiltzaileek portalera sartzeko duten modua nabarmen aldatu da. Horrela, 2012. urtean JustiziaNet bisitatu zuten gehienek mahai gaineko edo ordenagailu eramangarrietatik egin zuten; hala ere, gaur egun hamar erabiltzailetik hiru eskuko gailuetatik sartzen da (tabletak edo smartphoneak).

Hurrengo irudian 2012az geroztik JustiziaNet-era gailu ezberdinetatik sartutakoen datuen alderaketa ikus daiteke:

2012 eta 2015 urteen artean JustiziaNet-era eskuko gailuetatik eta mahaiko ordenagailuetatik sartutakoen datuak.

 

 

 

 

 

 

 

 

 

 

JustiziaNet-en sartu eta bertako zerbitzu eta izapideak erabiltzen dituzten gehienak Espainiako hainbat lekutatik sartzen dira, batez ere Euskal Autonomia Erkidegotik, Madrildik eta Bartzelonatik. Bisiten gainontzeko % 10 europako herrialde ezberdinekoak eta Latinoamerikako herrialdekoak -Mexiko, Kolonbia, Argentina, Txile- dira. 

JustiziaNet

Baina, gainera, 2015ean munduko zabaleko hainbat bisitari izan ditu, hala nola, Kanada, Islandia, Zeelanda berria, Taiwan, Nigeria, Kamerun, Indonesia, Japon, Australia edo Txinako bisitariak.

Online ziurtagiriak

JustiziaNet-etik gehien erabiltzen den zerbitzua jaiotza-, ezkontza- eta heriotza-ziurtagiriak online eskatzeko aplikazioa da. Berez, 2015. urtean 74.726 ziurtagiri eskatu ziren JustiziaNet bidez, 2014. urtean baino 2.142 gehiago.

Aplikazioa 2001ko abenduan jarri zen abian, eta munduko edozein bazterretik Euskadiko Erregistro Zibil eta  Bake Epaitegiei ziurtagiriak online eskatzeko aukera ematen du. Duela 15 urte aplikazioa indarrean  jarri zenetik 597.529 ziurtagiri eskaera jaso dira online.

Zerbitzuak eta izapideak atalean JustiziaNet-eko erabiltzaileek gehien bisitatutako edukiak daude.

 

 

 

 

 

 

 

 

 

 

Postontzia

JustiziaNet-eko erabiltzaileek, zalantzak badituzte edo behar duten informazioa aurkitzen ez badute, erabiltzaileen arretarako zerbitzura bidali ditzakete euren galderak. Iaz, postontzian 1.278 mezu jaso ziren. 

Webmasterraren postontzian jasotako mezuen erdia baino gehiago Erregistro Zibil eta Bake Epaitegietan egiten diren izapideekin erlazionatuta dago, hala nola, jaiotza-inskripzioekin, ezkontzekin, izen eta abizen aldaketekin eta batez ere ziurtagiriak online eskatzearekin. Ohiko galderak hurrengoak dira: ziurtagiriak jasotzeko epea, ziurtagiriak atzerrira bidaltzeko aukera eta eskaerak izapidetuta dauden ala ez.

Bisita gehien izan dituzten edukiak

2015ean zehar, atariaz gain, hauek izan dira bisita gehien izan dituzten JustiziaNet-eko atalak:  jaiotza-ziurtagiriak eskatzeko aplikazioa, enkante judizialen atala eta espainiako nazionalitatea eskatzeko jarraibideak dituzten atalak. Bestalde, “Justizia ezagutu” jakin-min handiena piztu duen atala da. Bertan, epaitegien antolamenduari, organo judizial motei edo epaimahaiei buruzko informazioa dago, besteak beste.

Bestalde, 2015ean gehien ikusitako albisteak enplegu eskaintza publikoarekin erlazionatutakoak dira. Adibidez, Euskal Administrazioa osatzeko bederatzi lan poltsetarako aukeraketa-prozesuaren irekiera iragartzen zuena.

Oso harrera ona izan du, baita ere, Justiziarekin erlazionatutako kontzeptuak adibideen bitartez azaltzen dituen JustiziaNet-eko atal berriak. “ba al dakizu...?” atala da. 2015eko arrakastatsuenak hurrengoak izan dira: “Ez da gauza bera zibiletik ezkontzea edo izatezko bikote egitea”, “ba al dakizu idazkari judizialak desagertuko direla?” edo “maltzurkeriaz eta ankerkeriaz”. Interesgarriak iruditzen bazaizkizu, “ba al dakizu...?” atalean irakur ditzakezu.

2016ko urtarrilaren 19ean argitaratua. Honi buruz gehiago irakurri:  JustiziaEus-eko zerbitzuak . Iruzkin bat egin.
  • Partekatu:
  • Email
  • Twitter
  • Facebook

Gaurtik aurrera Prozedura Zibilaren Legearen erreforma indarrean da

BOEn atzo argitaratu zen eta gaur indarrean da Prozedura Zibilaren Legearen erreforma. Arau berriak, informazio-teknologien erabileraren bitartez, 2016ko urtarrilaren 1etik aurrera epaitegietatik papera kentzea du helburu.

Prozedura Zibilaren Legearen erreformak, 2016ko urtarrilaren 1etik aurrera epaitegietatik papera kentzea du helburu.

 

 

 

 

 

 

 

 

 

 

 

Urriaren 7an indarrean jarri den arau berriak ezarriko dituen berrikuntza nagusien artean, hurrengoak daude: Justizia Administrazioaren jakinarazpenak telefono bidez edo posta elektroniko bidez jasotzeko aukera, enkante elektronikoen erregulazioa eta jaiotza-inskripzioak ospitaletik egiteko aukera.

Arauan jasotakoaren arabera, orain arte paperean egiten ziren Justizia Administrazioaren jakinarazpen asko, hemendik aurrera elektronikoki egingo dira, bai posta elektroniko bidez zein  SMS bitartez. Zentzu horretan, Justizia Administrazioarekin lan egiten dutenak eta Prokuradoreen Elkargoak, jakinarazpenak elektronikoki egin ahal izateko bitartekoak jartzera behartzen ditu.

Horrez gain, datorren urtarrilaren 1etik aurrera, profesionalek eta organo judizialek ere, euren dokumentuak aurkezteko bitarteko elektronikoak erabili beharko dituztela zehaztuta dator testuan. Ildo horretatik, lokalizazioa errazteko, telefono zenbakia eta posta elektroniko helbidea eman beharko dute demandatuek.

Demandatuek jakinarazpenak telematikoki jasoko dituzte, posta elektroniko edo SMS bitartez.

 

 

 

 

 

 

 

 

 

 

 

 

Erreformak ezarritako beste aldaketa bat, ahozko judizioen prozedurari dagokio. Hemendik aurrera, demandari idatziz erantzun beharko zaio; demanda jartzaileak, judiziora joan aurretik, argudioak ezagutu ditzan. Gobernuak emandako azalpenen arabera, aldaketa horren helburua zuzenbide konstituzionaletik eratorritako babes judizial eraginkorraren bermea indartzea da.

Arauaren arabera, ahozko judizioan zehar konklusioen izapideak adosteko aukera dago; horren bitartez, ikustaldiaren amaieran aldeek euren alegazioak egin ahal izango dituzte. Gainera, aldeek ikustaldiaren izapideari uko egin diezaiokete; beti ere, Auzitegiak egoki baderitzo.

Prozedura monitorioan ere aldaketak egin dira, araua Europako Batasuneko zuzenbidera egokitzeko eta kontsumitzaileen eskubideen babesa hobetzeko. Horretarako, jakinarazpenetarako izapideak hobetu dira; orain, prozedura judizialean inplikatutakoei zuzendutako komunikazio-egintzak prokuradoreen ardura izango dira.  

PZLren erreformak enkante elektronikoak egiteko prozedura arautzen du.

 

 

 

 

 

 

 

 

 

 

 

 

Prozedura Zibilaren Legearen erreformak enkante judizialen prozedura ere arautzen du. Orain arte, aukera hori arautu gabe zegoen eta egintza mota horiek aurrez aurrekoak bakarrik izan zitezkeen. 

Lege berriak, Erregistro Zibilera joan gabe, seme-alaben jaiotza-inskripzioa ospitalean egiteko aukera emango die gurasoei.

Jaiotza-inskripzioak ospitalean egin ahal izango dira, Erregistro Zibilera joan gabe.

 

 

 

 

 

 

 

 

 

 

 

 

2015ko urriaren 7ean argitaratua. Honi buruz gehiago irakurri:  Erreportajeak. Iruzkin bat egin.
  • Partekatu:
  • Email
  • Twitter
  • Facebook