Justizia herritarrengana hurbiltzen

Eusko Jaurlaritza

Online ikastaroak lan poltsetan daudenentzat

Online ikastaroak lan poltsetan daudenentzat

Justizia Administrazioko Zuzendaritzak online  ikastaroak iragarri ditu  lan-poltsetan daudenentzat, beren-beregi.

Ikastaroak Justizia Administrazioko Kudeaketa, Izapidetze eta Laguntza Judizialeko kidegoetako lan-poltsetan daudenentzat dira.  Matrikulatzeko orduan lehentasuna izango dute euskarako 2. hizkuntza-eskakizuna edo goragokoa dutenek eta Justizia Administrazioan lan-esperientziarik ez dutenek.

Automatrikula egiteko, posta elektronikoa bidali behar da hurrengo helbidera: justiziagela@aju.ej-gv.es. Mezu horretan, ikastaroan matrikulatzeko nahia adierazi behar da eta eskatzailearen datu guztiak jarri behar dira (izena, abizenak eta NANa); horrez gain, helbide elektroniko bat jarri behar da. Automatrikula emailez egiterik ez badago, fax bidez egingo da (945 01 91 52).

Deialdi honi buruzko informazio gehiago behar baduzu, hurrengo deialdiak ikusi:

  • Jurisdikzio Penalari buruzko online ikastaroa (Automatrikulatzeko epea apirilaren 13an irekiko da, 10:00etan, eta apirilaren 20an itxiko da, 08:00etan). 
  • Antolamendu Judizialari buruzko online ikastaroa (Automatrikulatzeko epea apirilaren 20an irekiko da, 10:00etan, eta apirilaren 27an itxiko da, 08:00etan). 
  • Jurisdikzio Zibilari buruzko online ikastaroa (Automatrikulatzeko epea maiatzaren 4an irekiko da, 10:00etan, eta maiatzaren 11an itxiko da, 08:00etan).
2015ko apirilaren 13ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Martxan Gizonduz-en #Aitak+ kanpaina berdintasunean oinarritutako aitatasun baten alde

#Aitak+ kanpaina

Gizonduz ekimenaren barruan, #Aitak+ kanpaina abiatu du Emakundek, ardurak erdibanatzen dituen gurasotza paretsua bultzatzeko. Horretarako, aitak animatu nahi ditugu bereziki, bai eta gizarte osoa ere, azal diezaguten beren ustez zer jarrera konkretu behar den aita parekoa izateko.

2015ko apirilaren 10ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook