Justizia herritarrengana hurbiltzen

Eusko Jaurlaritza

Euskadin egiten diren jakinarazpen judizialen erdia baino gehiago modu telematikoan egiten dira

Euskadin egiten diren jakinarazpen judizialen erdia baino gehiago modu telematikoan egiten dira

Eusko Jaurlaritzak informatika-aplikazio propio bat sortu du, Euskadiko justizia-arloko profesionalen arteko komunikazioa kudeatzeko: «JustiziaSip». Tresna hori guztiz integratua dago Eusko Jaurlaritzak espediente judizialak kudeatzeko diseinatutako kudeaketa prozesalaren sisteman («JustiziaBat»). Ingurune informatiko itxi horrek segurtasun-berme guztiak ditu eta jarduera judizial eta fiskal guztiak biltzen ditu.

«JusticiaSip» % 100ean ezarri da, eta guztiz erabilgarri dago hiru lurralde historikoetako abokatuen eta prokuradoreen sei elkargoetan eta Euskadiko hiriburuetako barruti judizialetako jurisdikzio guztietan (zibila, penala administrazioarekiko auziena eta lan-arlokoa). 

Urtarrilaren 1etik, 182.018 jakinarazpen judizial egin dira Euskadin, eta modu telematikoan egin dira horietako 100.909, hau da, % 55,4. Gehienak Bizkaian eta jurisdikzio zibilean izan dira.

Aurten, gainera, Eusko Jaurlaritzak programa pilotu bat martxan jarri du jakinarazpen judizialen digitalizazioa izapide-idazki batzuetara ere zabaltzeko (ahalmenak, probak, deklarazio-eskaerak, etab). Araban abokatutzan lanean ari diren pertsona guztiak eta hiru lurralde historikoetako 54 prokuradore ari dira programa horretan parte hartzen. Komunikazioen digitalizazioa konkurtsoko administratzaileetara, lan-harremanetako gradudunetara eta euskal erakundeetako zerbitzu juridiko guztietara zabaltzea izango da hurrengo urratsa.

Eusko Jaurlaritzak 139,9 milioi euroko inbertsioa egingo du aurten Euskadiko justizia-administrazioan, iaz baino % 4 gehiago. Horietatik, 17,9 milioi euro informatika-sistema judizialean inbertituko dira oso-osorik. Lan horiekin lortu nahi den azken helburua Euskadiko justizia-administrazioan paperik ez erabiltzea da.

2016ko otsailaren 29ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Euskadiko Justiziako lehen EPEko probak abian dira

Euskadiko Justiziako lehen EPEko probak abian dira

Datorren martxoaren 12an, EHUren Gasteizeko Campusean Prozesu eta Administrazio Kudeaketako Erkidegoan sartzeko hautaketa-prozesuaren lehenengo ariketa egingo da.

Hautaketa-proben artean, Eusko Jaurlaritzak azterketak prestatuko ditu, izangaiek Euskal Foru Zuzenbide Zibilaren inguruan dituzten ezagutzak eta euskara-ezagutza egiaztatu ahal izan ditzaten. 

Herri Arduralaritzaren Euskal Erakundeak (HAEE-IVAP) egingo ditu bi proba horiek, eta merezimendu gisa balio izango dute.  Horrela bada, horiek gainditzen dituztenek aukera gehiago izango dute Euskadiko Justizia Administrazioan sartzeko.

Euskadin eskainitako lanpostuak

Euskadin 2011tik ez da egin EPErik Justizia Administrazioan; deialdi garrantzitsuena da, halaber, lanpostu kopuruari dagokionez, langile horien transferentzia 1996an egin zutenetik. Euskadin eskainitako lanpostuak hurrengoak dira:

  • Auzitegiko medikuntza: 5 lanpostu.
  • Prozesu eta Administrazio Kudeaketa: 34 lanpostu. Txanda libreko Kudeaketako lehen probarako aurreikusitako data: Martxoak 12.  Barne promoziokoak apirileko bigarren hamabostaldirako aurreikusita daude. 
  • Prozesu eta Administrazio Izapidetza: 88 lanpostu. Txanda libreko Kudeaketako lehen probarako aurreikusitako data: Maiatzeko bigarren hamabostaldia. Barne promoziokoak apirileko bigarren hamabostaldirako aurreikusita daude.
  • Laguntza Judiziala: 30 lanpostu. Lehen probarako aurreikusitako data: Ekaina.
2016ko otsailaren 23ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook