Justizia herritarrengana hurbiltzen

Eusko Jaurlaritza

AMEIren langile batek adingabeei egindako abusuek eragindako lesio eta kalte sozialei buruzko ikerketa argitaratu du

AMEIren langile batek adingabeei egindako abusuek eragindako lesio eta kalte sozialei buruzko ikerketa argitaratu du

Marta Simon Gil Arabako Auzitegiko Osoko Ebaluazio Unitateko gizarte langilea da, eta adingabeei egindako abusuei buruzko ikerketa lana argitaratu berri du. Zortzi benetako auzi ikertu ditu, eta abusua egon den ala ez baloratzeko era, eragindako kalte soziala eta abusua jasan dutenek zein bere ingurukoek dituzten gizarte eta familia arloko gaitasunak aztertu ditu. 

Marta Simonek “Bases teóricas y metodológicas del trabajo social forense para la evaluación de lesiones y secuelas sociales del abuso sexual a menores” liburuan ateratako ondorioetako bat hurrengoa da: sexu-abusuek, adingabeei ondorio psikiko eta psikologikoak eragiteaz gain, lesio eta kalte sozialak ere eragiten dizkiete.

Hortaz, AMEIren gizarte langile Marta Simonek, auzitegietako gizarte lanaren baitan, biktimarekin lan egiteaz gain, biktimaren erreferentziazko komunitatearekin eta sare hori osatzen dutenekin; hau da, bere familiarekin, lagunekin, ikaskideekin, e.a. lan egitea garrantzitsua dela azpimarratu du. Beti ere, esku-hartzearen erdigunea biktima dela ahaztu gabe.

2015ko urtarrilaren 16ean argitaratua. Honi buruz gehiago irakurri:  Genero-indarkeria. Iruzkin bat egin.
  • Partekatu:
  • Email
  • Twitter
  • Facebook

Zertan xahutuko da Justiziako dirua?

Zertan xahutuko da Justiziako dirua?

Herri eta Justizia Administrazioak 225 milioi euroko aurrekontua izango du datorren urtean.

Diru kopuru horren hiru laurdenak Justiziara eta Justizia Administraziora bideratuko dira.

Baina, zer egingo dute dirutza horrekin?

Jarraian, aurreikusitako 225 milioi horiekin zein zerbitzu ordainduko diren azalduko dizugu:

  1. EAEko Fiskaltzaren egoitza berria eraikiko da, Bilboko Jabetzaren Ganberaren garai bateko eraikinean (Henao kalea, 9). Aurrekontua:  Lanak eta eraikina birgaitzeko baimenak ordaintzeko 2,2 milioi euro. Lanak 2017. urtean amaituko dira eta birgaitzeak, guztira, 10,6 milioiko kostua izango du. 
  2. Bitarteko informatikoak hobetuko dira. Aurrekontua: 5,3 milioi euro.
  3. Doako Laguntza Juridikoa. Baliabiderik ez duten edo kalteberak diren norbanakoen laguntza eta Orientazio Juridikoko Zerbitzuaren (OJZ) gastuak –zerbitzu horiek prozedura judiziala abian jarri aurretik aholkularitza eta orientazioa eskaintzen dute-.  Aurrekontua: 14,5 milioi euro.
  4. Gazteen justizia. Epaileek eta auzitegiek adingabeei ezarritako neurrien betearaztea ordaintzeko. Aurrekontua: 12,9 milioi euro.
  5. Familia Topaguneak. Topaguneak  kudeatzeko eta Bilbon topagune berri bat eraikitzeko 120.000 euro erabiliko dira. Lanak 2015. urtean hasiko dira. Aurrekontu osoa:  1,5 milioi euro.
  6. Zigorrak Kudeatzeko Euskal Zerbitzua. Zerbitzu horren bidez delitu txikiak egin dituztenei kartzela-zigorra komunitatearen onerako lanengatik ordezkatzeko aukera eta birgizarteratzeko bestelako aukerak emateko.  Aurrekontua: 729.600 euro.
  7. Biktimei Laguntzeko Zerbitzua Eusko Jaurlaritzak egoitza judizialetan biktima guztiei eskaintzen dien zerbitzua da. 2015. urtean langile kopurua handituko da.  11 langile izatetik 16 izatera pasako dira. Aurrekontua: 677.600 euro.
  8. Bitartekaritza Zerbitzua. Zigor-arloko eta Arlo Zibileko Bitartekaritza zerbitzuak zein Ekonomisten EAEko Elkargoak hipoteka ordaintzeko arazoak dituzten eta aholkularitza behar duten norbanakoei laguntzeko eskaintzen dituen hipoteka –bitartekaritza zerbitzua.  Aurrekontua: 635.800 euro.
  9. Gizarteratzeko eta lanean hasteko programak Euskadin preso dauden norbanakoak birgizarteratzeko eta lan merkatuan sartzeko programak. Aurrekontua: 400.000 euro.
  10. Hizkuntza normalizazioa. EAEko administrazio Publikoan zein Justizia Administrazioko langileen euskalduntzean eta hizkuntz normalizazioan aurre egiteko; herritarrek euskaraz mintzatzeko duten eskubidea bermatzeko. Aurrekontua: 13,9 milioi euro.

Herri eta Justizia Administrazioak 2015erako duen aurrekontu osoa Irekian ikus dezakezu.

2014ko azaroaren 18ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook