Justizia herritarrengana hurbiltzen

Genero-indarkeria

25 de noviembre, Día internacional para la eliminación de la violencia contra las mujeres

Puntu lila.

Azaroaren 25ean "Emakumeenganako Indarkeriaren Kontrako Nazioarteko Eguna” dela eta, Eusko Jaurlaritzak adierazpen ofiziala egin du  indarkeria sexistaren adierazpen guztien aurrean gaitzespen irmoa  bai eta emakumeenganako indarkeriarik gabeko gizarte berdinzalea eraikitzearekin duen konpromisoa adieraziz.

Eusko Jaurlaritzako adierazpenean adierazita dator erabat beharrezkoa dela gogoraraztea emakumeen aurkako indarkeriaren sustraia emakume eta gizonen desberdintasuna dela eta, beraz, emakumeen aurkako indarkeriarik gabeko gizartea eraiki ahal izateko, berdintasunean lan egitea ezinbestekoa dela.

2019ko azaroaren 21ean argitaratua. Honi buruz gehiago irakurri:  Genero-indarkeria. Iruzkin bat egin.
  • Partekatu:
  • Email
  • Twitter
  • Facebook

Genero indarkeria eta salaketaren garrantzia

Genero indarkeria eta salaketaren garrantzia

151 emakume bikotekide eta bikotekide ohiek erail zituzten 2016tik 2018ra arte. Hildako guztien artean, 105 emakumek (hamarretik zazpik) ez zuten aurretik salaketa jarrita.

Etxeko eta Genero indarkeriaren aurkako Behatokiak datuen gaineko kezka adierazi du. Behatokiak azpimarratu du biktimaren isiltasuna “tratu txarrak jasaten dituzten emakumeen arrisku-faktoreetako bat” dela, eta oso garrantzitsua dela biktimei hori ulertaraztea, baina gizarte osoari ere salaketa jartzeko deia egin behar zaiola azpimarratu du.

Indarkeria matxistaren biktimak izututa bizi dira, eta ondorioen beldur direnez, ez dute salaketarik jartzen. Auzitegi Gorenaren jurisprudentziaren baitan, egoera horri “izuaren agertokia” deitu zaio. Alegia, tratu txarrak etengabe jasaterakoan, kalte fisikoek eta psikologikoek biktimaren oinazea handitzen dute.   Halere, Behatokiak adierazitakoaren arabera, salaketa ezinbestekoa da administrazioek laguntzak emateko, babes-neurriak ezartzeko eta erasotzailea zigortzeko ezinbestekoa den ikerketa bideratzeko.

Hortaz, Behatokiak gizarteari parte hartzeko deia luzatu dio, biktimen senideen edo hirugarrenen laguntza erabakigarria izan daitekeelako.   Arlo horri dagokionez ere, datuak kezkagarriak dira: Biktimaren ingurukoek salaketa guztien %5 eta %7 aurkeztu zuten.

2019ko irailaren 26ean argitaratua. Honi buruz gehiago irakurri:  Genero-indarkeria. Iruzkin bat egin.
  • Partekatu:
  • Email
  • Twitter
  • Facebook