Justizia herritarrengana hurbiltzen

Bitartekariaren lana arautu dute

Bitartekariaren lana arautu dute

Bitartekaria gatazkarekin loturarik ez duen pertsona bat da, eta bere lana bi aldeen arteko akordioa lortzea du helburu. 

Justizian, bitartekarien lana Zibil- eta Merkataritza-arloko Bitartekaritza Legeak arautzen du. Gobernuak, bere aldetik, bitartekaritzaren eragingarritasuna bultzatzeko asmoz, arau hori garatzeko eta bitartekariak Justizia Administrazioaren baitan egiten duen ezinbesteko lana bultzatzeko hainbat neurri berri onartu ditu.

Hauek dira Ministroen Kontseiluak onartutako neurriek zehaztuko dituzten lau arloak:

  • Trebakuntza: Bitartekariaren trebakuntza: gutxienez 100 orduko iraupena izango du; alde teorikoa eta praktikoa izango du (praktikoak, gutxienez denbora osoaren %35 hartuko du).  Horrez gain, Legeak, bitartekariek ezagupenak eguneratu dituztela egiaztatzeko gutxienekoak ezarriko ditu .
  • Bitartekarien erregistroa: Bitartekarien lana iragarri eta gardentasuna bermatzeko datu base informatizatua sortuko du Gobernuak. Erregistrora Justizia Ministerioaren web ataritik sartu ahal izango da (doan). Erregistroak hiru atal izango ditu:  Lehenengoa bitartekariei zuzenduta egongo da. Bigarrena, konkurtso-bitartekariei zuzenduta egongo da, eta hirugarrena, bitartekaritza erakundeei zuzenduta egongo da.
  • Laneko asegurua: Bitartekaritza Legearen arabera, bitartekariek Aseguru hori kontratu bidez gauzatuko da, eta erantzukizun zibilekoa -edo laneko egikaritzan eragin daitezkeen kalteen ordaina bermatuko duena- izango da.
  • Prozedura erraztua. 600 eurotik beherako kopuruak erreklamatzeko prozedura erraztuko da, eta eskaerak telematikoki izapidetu ahal izango dira.

Bitartekari judizialaren lana zein den jakin nahi baduzu, Justizia.net-en Gerardo Villar Gasteizeko Bitartekaritza Judizialeko Zerbitzuaren langileari egindako elkarrizketa irakur dezazu.

2013ko abenduaren 26ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook

Adingabeen babesa areagotuko du Zigor Kode berriak

Adingabeen babesa areagotuko du Zigor Kode berriak

Iragan ostegunean Kongresuan eztabaidatu zen Zigor Kode berriaren helburuetako bat adingabeen babesa areagotzea da.

Bide horretatik, Alberto Ruiz-Gallardon buru duen ministerioak landutako testuak, adingabeen aurka egindako delituei erantzun egokia ematea du helburu.

Zigor Kodearen erreforman jasotako neurrietako batek eztabaida piztu du. Testu berriaren arabera, 16 urtetik beherako adingabe baten erailketa  edo terrorismo delitua egozten zaien norbanakoei zigor handiena ezarriko zaie:  betiko kartzela zigorra, berrikusteko aukerarekin.

Adingabeak babesteko bestelako neurriak ere zehaztuko dira Zigor Kodearen erreforman, hala nola:

  • Sexu-harremanetan adostasuna egoteko adina 16 urtera igoko da
  • Adingabe bati izaera sexuala duten egoerak ikustaraztea delitua izango da 
  • Tresna berriak ezarriko dira Haurren pornografia zigortzeko. Horretarako, delituen zigorrak egokituko dira.
  • Delituak egiteko helburuarekin adingabe bat esplotatzea, legez kanpo atxilotzea edo bahitzeagatik ezarriko diren  zigorrak handiagoak izango dira.  
2013ko abenduaren 19ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook

Maltzurkeriaz eta ankerkeriaz

Maltzurkeriaz eta ankerkeriaz

Maltzurkeria eta ankerkeria giza hilketei ezartzen zaizkion astungarriak dira. Hau da, erailketagatik ezarritako zigorra handiagoa izan daiteke, hiltzaileak maltzurkeriaz edo ankerkeriaz jokatzen badu.

  • Goizero kafean pozoia botata nagusia erailtzen baduzu, maltzurkeriaz egindako erailketa izango da.  Defendatzeko aukerarik gabe, ezkutuan eragin diozulako heriotza. 
  • Baina zure nagusia bere gorputzean 30 labankadarekin azaltzen bada, eta horietatik bi labankada bakarrik izan badira hilgarriak, ankerkeriaz egindako erailketa izango da.  Hiltzaileak biktimaren mina nahita eta bihotz-gogorrez handitu baitu.

Gogoan izan! Ez da gauza bera norbait hiltzea, edo horrez gain maltzurkeriaz edo ankerkeriaz egitea. Arlo juridikoan biktimarekin ankerkeriaz jokatzea edo defenditzeko aukerarik ez ematea astungarriak dira eta horren ondorioz zigorra handiagoa da.

2013ko abenduaren 13ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Email
  • Twitter
  • Facebook

Zer da dokumentu judizialak garbitzea?

Zer da dokumentu judizialak garbitzea?

Euskadiko Justizia Jauregietan urtez urte pilatutako paperak buruhauste handia izan dira EAEko Administrazioarentzat.  2012. urtean, adibidez, EAEko epaitegietan 300.000 auzi berri sartu ziren.

Beharrezkoak ez diren paper tona guzti horiek suntsitzeko helburuarekin, Garbiketa Batzorde bana sortu zen Autonomia Erkidegoetan.

Horrenbestez, 2004tik aurrera, Euskal Autonomia Erkidegoko Garbiketa Batzordearen ardura suntsitu beharreko eta artxibo historikoetara bidali beharreko dokumentuak bereiztea da.

Hala ere, suntsitu aurretik gutxienez bi hilabetez herritarren eskura egon behar dute espedienteek; denbora tarte horretan, helarazitako dokumentazioa itzultzeko eska dezakete herritarrek.

Bi hilabete pasa ostean berezitutako enpresa batek suntsituko ditu espedienteak. Enpresaren ardura da suntsiketa bermatzea eta ziurtatzea.

2013ko abenduaren 9ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Prozesu monitorioari eta hitzezko epaiketei buruzko bideoa

Justiziara abokatu gabe jo daiteke? Bai, Justiziara abokatu gabe jo daiteke, baina baldintza batzuk bete behar dira.

Eskatu nahi dugunaren eta egiteko moduaren arabera da.

Abokatu edo prokuradorerik gabe diru-kopuruak erreklamatzeko bi prozedura judizial daude: Prozedura Monitorioa eta Hitzezko Epaiketa dira.

2013ko abenduaren 4ean argitaratua. Honi buruz gehiago irakurri:  Bideoak. Iruzkin bat egin.
  • Partekatu:
  • Email
  • Twitter
  • Facebook