Justizia herritarrengana hurbiltzen

Zigor Kode berritua

Zigor Kode berritua

Zigor Kodea berritu egin dute eta garai berrietara eta delitu berrietara egokitu dute. Gobernuak adierazitakoaren arabera, Zigor Kodearen erreformarako Lege-Proiektuaren bidez orain arte zigor gabe gelditzen ziren portaerak zigortuko dira. 

Ministroen Kontseiluak iragan astean onartu zuen Zigor Kode berriaren berrikuntza nagusiak hurrengoak dira:

  • Delitu ekonomikoak. Helburu nagusia ustelkeriarekin amaitzea da. Horretarako, erabilgarriak ez diren zerbitzuak kontratatzea zigortuko da. Kontra-prestaziorik gabeko kontratuak, eta gehiegizko prezioa duten kontratuak sinatzea ere zigortuko da.  Horrez gain, pertsona juridikoen erantzukizuna zabaldu egingo da eta orain publikoak diren merkataritza-arloko elkargoei ere egotziko zaie ardura. Ondorioz, prebentzio neurriak hartu ez dituzten erakundeetako zuzendaritza taldetako kideak zigortu ahal izango dira.  
  • Konfiskatzea. Delituetako aktiboak berreskuratzeko lege-tresna  eraginkorragoak lortzeko helburuarekin, konfiskatzea berrikusteko asmo handiko neurriak ezarri dira. Neurri horien ezarpenari dagokionez, aurretiazko enbargatzeari eta delinkuentziarekin harreman zuzena duten produktuen konfiskatzeari buruzko Europar Batasuneko Direktibari aurrea hartu dio Gobernuak .
  • Emakumearen babes handiagoa. Delitu berriak zehaztu dira: behartutako ezkontza, jazarpena edo hertsatzea, biktimaren onespenarekin grabatutako irudi edo grabaketa intimoak baimen gabe zabaltzea, eta kautelazko neurriak kontrolatzeko jarritako tresna telematikoak aldatzea.
  • Adingabeak. 16 urtetik beherakoekin harreman sexualak izatea delitua izango da. Delitua izango da, baita ere,  iruzur egiteko eta irudi pornografikoak eskuratzeko, bitarteko teknologikoen bidez adingabearekin kontaktuan jartzea,.  
  • Jabetza intelektuala eta industria jabetza. Jabetza intelektuala babesteko jarritako bitarteko teknologikoak kentzea edo indargabetzea ere zigortuko da.
  • Betiko kartzela zigorra berrikusteko aukerarekin. Hilketa terroristei ezarriko zaie, erregearen edo oinordeko printzearen zein atzerriko estatu buruen hilketa kasuei; genozidio kasuei ere ezarriko zaie, eta larriak diren kasuetan ere ezarriko da. Adibidez, biktimak 16 urte baino gutxiago baditu edo bereziki kaltebera bada. Hilketa anizkoitzetan eta erakunde kriminalek egindako hilketetan ere ezarriko da.
  • Baldintzapeko askatasuna Etendako kartzela zigor bezala arautuko da; ondorioz, askatasunean dagoen zigortuak berriz ere delituren bat egiten badu, kartzelara itzuliko da etendako kartzela zigorra –eten zen une berdinetik aurrera- betetzen amaitzeko.

Zigor Kodeari buruzko informazio gehiago nahi baduzu, eta aurreikusitako erreforma guztien nondik-norakoak ezagutu nahi badituzu, Zigor Kodearen Erreformarako Lege-Proiektu osoa irakur dezakezu

2013ko urriaren 14ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook

Serafin Martin Corral, Epaitegiko Lantalde Psikosozialaren Koordinatzailea

Serafin Martin Corral, Epaitegiko Lantalde Psikosozialaren Koordinatzailea

Serafin duela 14 urte Lantalde Psikosozialaren Koordinatzailea da, baina epaitegiko psikologia arloarekin duen harremana 80. hamarkadan hasi zen. Sasoi hartan idazteko makinaz idazten zen eta gizartearen erritmoa askoz motelagoa zen.

 

2013ko urriaren 7ean argitaratua. Honi buruz gehiago irakurri:  Elkarrizketak. 2 Iruzkinak.
  • Partekatu:
  • Email
  • Twitter
  • Facebook

Erregistro Zibil bakar eta informatizatuari buruzko bideoa

Erregistro Zibila eraberritu egingo da gaur egungo egoerara egokitzeko eta datu-base bakarrean oinarritutako Erregistro elektronikoa izango da aurrerantzean. Eraldaketa honen berrikuntza nagusiak honakoak dira: Aitaren abizena ez zaio amaren abizenari nagusituko seme-alabak inskribatzerakoan, Familia-liburua desagertu egingo da eta pertsona bakoitzak bere erregistroa izango du eta bertan bere bizitza zibilari buruzko egitate guztiak inskribatuko dira.

2013ko irailaren 30ean argitaratua. Honi buruz gehiago irakurri:  Bideoak. Iruzkin bat egin.
  • Partekatu:
  • Email
  • Twitter
  • Facebook

Ustelei aurre egiteko neurri gehiago

Ustelei aurre egiteko neurri gehiago

Espainian dauden ustelkeria kasuak oso nabarmenak dira eta azkenaldian ohiko bilakatu dira. Ustelen zigorgabetasunarekin amaitzeko, Gobernuak hainbat neurri berri iragarri ditu. Alberto Ruiz-Gallardon Justizia ministroaren hitzetan, neurri berriak “arazo honi historian eman zaion asmo handiko erantzunik sendo eta eraginkorrena” dira. 

Orain arte Espainiako legeek “alde ilunak” zituzten. Horiek zirela eta, hainbat ustelkeria kasu zigor gabe gelditzen ziren. Egun hauetan iragarritako aldaketa hauen helburua da -Zigor Kodearen erreforma barne- orain arte zigor gabe gelditzen ziren jarrera horiek zigortzea da.

Hauek dira, beste batzuen artean, Zigor Kodearen erreformarako lege-proiektuak ezartzen dituen neurri berriak:

  • Bidegabeko administrazioaren erregulazio berria. Horren arabera, zerbitzuak gehiegi ordaintzea zigortuko da –gehienetan horren arrazoia eroskeria izaten da-.
  • Bidegabeko eralgitzearen araudia berrituko da. Kontra-prestaziorik gabeko kontratuak sinatzea edo Administrazioari ezkutatutako isilpeko funtsak sortzea zigortuko da.
  • Negozioetan egindako ustelkeriaren araudiaren berrikuspen teknikoa egingo da,  eta atzerriko agenteei sobornoen ustezko ordainketa ere zigortuko da.
  • Konfiskatzearen araudia berrikusiko da, delituen bidez galdutako aktiboak berreskuratzea errazteko.
  • Ondasunak ezkutatzearen edo informazio okerra ematearen bidez epaien ezarpena zailtzen duten norbanakoei zuzendutako zigor berriak ezarriko dira.
2013ko irailaren 27ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook

Espetxeratzearen alternatibak

Espetxeratzearen alternatibak

2013ko lehen sei hilabeteetan 2.000 pertsonek ordezkatu dituzte zigorrak komunitatearen onerako lanengatik. 

Zigor Kodearen arabera, zigortuak sistema horretaz baliatu daitezke, baldin eta kartzela zigorra urtebete baino gutxiagokoa bada, eta bi urte baino gutxiagokoa bada ohiko delinkuentziaren kasuan.  Isun bat ordaindu behar duten pertsonek ere, kaudimengabeak badira, isuna komunitatearen onerako lanengatik ordezkatu dezakete.

Euskadin, Zigorrak Kudeatzeko Euskal Zerbitzua (ZKEZ) da komunitatearen onerako izango den lana eginarazteko, zigor askatasun-gabetzaileak eteteko eta kondenak ordezkatzeko beharrezkoak diren ekimenez arduratzen dena. 

2013ko lehen sei hilabeteetan 1.970 pertsona baliatu dira EAEko sistema horretaz eta   zigorrak komunitatearen onerako lanengatik ordezkatu dituzte. Kasu guztiak larritasun-maila txikikoak izan dira, gehienak trafikoko lege-hausteekin eta genero indarkeriarekin erlazionatuta zeuden.

Zeintzuk dira lan horien nondik norakoak? Gehienak kondenatua berriro heztea helburu duten tailerrak dira.

Trafikoko lege-haustea izan bada, bide-segurtasunari buruzko informazioa ematen zaio, talde-dinamikaren bitartez edo trafiko istripuetako biktimekin batzartzearen bitartez. Genero indarkeria delituengatik zigortutakoen kasuan, genero berdintasunari buruzko eta norbere burua kontrolatzeari buruzko taldeko edo banakako sesioak egiten dira.

2013ko irailaren 10ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook