Justizia herritarrengana hurbiltzen

Sonia Garbisu, Bilboko Erregistro Zibileko Idazkaria

Sonia Garbisu, Bilboko Erregistro Zibileko Idazkaria

Bilboko Erregistro Zibilean egunero 400 herritarrei egiten zaie harrera. Horien artean  ziurtagiriak eskatzera, ezkontzera, seme-alabak inskribatzera edo nazionalitate espedienteak izapidetzera doazen herritarrak daude. Sonia Garbisu  erregistro horretako idazkaria da, orain dela zazpi urtetik hona. Berarentzat eguneroko lana oso aberasgarria da, batez ere herritarrengandik gertu lan egiten duelako.

Jendearekin duen eskarmentua oso positiboa da, oso azkar egiten diren izapideak direnez herritarrak esker onekoak izaten direlako. Soniarentzat batez ere homosexualen edo lesbianen arteko ezkontzak oso hunkigarriak dira, “urte luzeko erlazioa duten pertsonak ikusten dituzulako. Ezkontzeko zenbat sufritu eta borrokatu behar izan duten ikusten duzulako”. Gogobetez seme-alabak inskribatzera datozen gurasoek ere zirrara eragiten diote.

2013ko martxoaren 19ean argitaratua. Honi buruz gehiago irakurri:  ELKARRIZKETAK. Iruzkin bat egin.
  • Partekatu:
  • Email
  • Twitter
  • Facebook

Ahanztura-eskubidea egikaritu daiteke?

Ahanztura-eskubidea egikaritu daiteke?

Gure izena bilatzaile batean kakotxen artean idazten badugu, isun bati, web atari batean idatzitako iruzkin bati edo  desordena publiko bati lotuta agertzea gerta daiteke. Inoiz aldizkari ofizial batean azaldu bagara, edo zordunen zerrenda batean egon bagara, litekeena da hori ere azaltzea. Bidezkoa da, ala hori guztia atzean utzi eta ahantziak izateko eskubidea daukagu?

Europako Justizia Auzitegia (EJA) informazio hori bilatzaileetan agertzea zilegi den ala ez aztertzen ari da. Zehazki, Googlek Europako eta Espainiako datuen babesari buruzko araudia bete behar duen ala ez eta ahantzia izateko eskubidea aintzakotzat hartu behar duen ala ez aztertzen ari da. Momentuz, aurreko astean jendaurreko ikustaldia egin zen. Ikustaldian Googlek, Europako Batzordeak eta Datuak Babesteko Espainiako Agentziak (DBEA) parte hartu zuten.  

Auzia, Auzitegi Nazionalak interneteko bilatzaileetan ahantzia izateko eskubidearen ezarpenari buruz epaitu aurreko arazoa EJAn aurkeztu duelako iritsi da Europara. Izan ere, Datuak Babesteko Espainiako Agentziak eragindako pertsonentzat kaltegarriak izan zitezkeen datuak bilatzaileetan ez indexatzeko eskatu ostean, Googlek 200 ebazpen inguru aurkaratu baitzituen.

Zehazki, EJAk La Vanguardia egunkarian duela urte batzuk argitaratutako enkante-iragarki bat aztertu zuen. Gizon bat Gizarte-Segurantzarekin zorretan egon eta, horren ondorioz, bere etxebizitza enkantean atera zen iragarki horren bidez. Herritar horrek iragarkia web orritik, egunkaritik eta interneteko bilatzaileetatik – horien artean Googletik-  erretiratzeko eskatu zuen.

Estatu Batuetako enpresak informazioa ezabatu behar duena eduki-hornitzailea bera izan behar duela uste du. Horrela adierazi zuen EMEAn enpresa horretako komunikazio eta auzi publikoetarako zuzendaria den William Echikson-ek . EJAk aztertutako iragarkia kontuan hartzen badugu, Kataluniako egunkaria da iragarkia kendu behar duena. Gainera, EJAren aholkua DBEAren aldekoa bada, hurrengo ebazpenek bere adierazpen askatasunaren aurka egingo lukete. Zeintzuk dira Googlek proposatutako irtenbideak? Informazio iturriek – gure adibidean La  Vanguardia izango litzateke- bilatzaileen motorrei mota horretako informazioa bilatzea eragozten dieten teknologiak erabiltzea.

Momentuz bederatzi hilabete eta urte bete artean zain egon beharko dugu, Europako Auzitegiak Auzitegi Nazionalarentzako gomendioak biltzen dituen txostena argitaratu arte. Ondoren, azken horrek Googlek aurkaratutako auzi bakoitzari dagokion epaia emango dio.

Zein izango da irizpena?

2013ko martxoaren 8ean argitaratua. Honi buruz gehiago irakurri:  Justizia digitala. Iruzkin bat egin.
  • Partekatu:
  • Email
  • Twitter
  • Facebook

Zer da bitartekaritza?

Zer da bitartekaritza?

Hitz egitea. Partaideentzako irtenbiderik egokiena bilatzea. Abokatu gabe. Epaiketa gabe. Inoren alde edo kontra egingo ez duen kanpoko hirugarren pertsona baten laguntzarekin bakarrik. Hirugarren horren betebeharra izango da, bi aldeek amore ematea eta bien arteko adostasuna erdiestea.

Hori da bitartekaritza eta iragan udan indarrean jarritako auzi zibil eta merkataritzazkoetako bitartekaritzari buruzko Legeak arautzen du.  Teknika hau epaiketen ordezko aukera bilakatu da, azkarragoa eta merkeagoa delako. Konplexutasunak, zalantzak eta denbora luzez zain egoteak  alde batera uzten dira. Eta doakoa ez bada ere, ez da ez tasarik ez prozedura judizialen kosturik ordaindu behar. Urtetan zain egon beharra atzean gelditu da, izan ere, Legeak aurreikusitakoaren arabera, ebazpena emateko hilabeteko epe-muga baitago.  

Bitartekaritzara jotzea borondatezkoa da. Bitartekariak ez gaitu epaituko, alde bakoitzak egiaren zati bat duela uste duelako eta gure arteko ezberdintasunak konpontzeko lan egingo du eta guri ere lan eginaraziko digu-. Adibidez, merkataritza arloko gatazkak konpontzeko mekanismoa izan daiteke. Azken aste hauetan Iberiak eta enpresako sindikatuek bitartekari batengana jo dute 3.800 langileren kaleratzea gelditzeko eta grebarekin amaitzeko adostasuna lortu asmoz. 

Familiako auzietan ere bitartekaritzara jo daiteke, aseguruek egindako erreklamazioetan ,  erantzukizun zibilagatik egindako erreklamazioetan, oinordetza gatazketan, familiako enpresaren baitan emandako gatazketan (enpresa handia zein txikia izanik), edo enpresa txiki edo ertainetan emandako gatazketan. Merkataritza-arloko gatazketan ere bitartekaritza eska daiteke; enpresek bezeroekin edo hornitzaileekin dituzten gatazketan, enpresa frankiziatzaile eta frankizien artean, baita  merkatal guneetan ematen diren enpresen arteko lokalen alokairuetan ere.

Bitartekaritza borondatezkoa, azkarra eta ekonomikoa izanik, ordezko aukera egokia dirudi. Inoiz erabili duzu? Kontaiguzu zer nolakoa izan den zure esperientzia
 

2013ko martxoaren 4ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook

Kaleratzeak Stop plataformak badauka egoitza Bizkaian

Kaleratzeak Stop plataformak badauka egoitza Bizkaian

Kaleratzeak Stop plataformak familiek euren etxebizitzak gal ez ditzaten egiten du lan egunero. Hala ere  iragan urtarrilaren 18ra arte taldeak ez zuen egoitzarik. Egun horretan Bizkaiko kaleratzeak Stop plataformak bere lehen bulegoko ateak ireki zituen. 

Egoitza Sestaon dago,  bertako Udalak utzitako lokal batean ( San Diego kalea, 3 - Las Llanas ikastetxe ohia -). Abokatua eta gizarte laguntzailea daude bertan, euren etxebizitza galtzeko arriskuan dagoen edozein familiaren egoera aztertu eta gizarte laguntzak kudeatzeko. Harrera ordutegia hurrengoa da: astelehenetik ostiralera, 10.00etik 13:30era eta 17:00tik 20:00etara.

Horrez gain, gogora ezazu Justizia Administrazioak Hipoteka Bitartekaritza Zerbitzua duela . Zerbitzu horretara jotzen baduzu, bitartekari bat familiaren eta finantza-erakundearen artean akordio bat lortzen saiatuko da. Informazio gehiago behar baduzu, Hipoteka Bitartekaritza atalean ikus dezakezu.

Baina batez ere, etxebizitza galtzeko arriskuan bazaude, ez itxoin azken unera arte.

2013ko otsailaren 22ean argitaratua. Honi buruz gehiago irakurri:  Justiziarekin elkarlana. Iruzkin bat.
  • Partekatu:
  • Email
  • Twitter
  • Facebook

Zer da legegintzako herri-ekimena?

Zer da legegintzako herri-ekimena?

Azken aldian sarritan entzuten den legegintzako herri-ekimena, Konstituzioaren 87.3 artikuluak babesten du. Horri esker, herritarrek lege proposamenak egin diezazkiokete Diputatuen Kongresuari. Horretarako 500.000 sinadura aurkeztu behar dira. Sinadura kopurua jaso arren, ez da erraza Gobernuak herritarren iritzia onartzea. 35 urte hauetan, legegintzako herri-ekimen bakarra bilakatu da lege; zein den jakiteko, 1999. urtera atzera egin behar dugu.

Manuel Roberto Enguídanos, orduko Espainiako Finka Administratzaileen Kontseiluko presidenteak 820.000 sinadura bildu zituen Jabetza Horizontalari buruzko Legearen aldaketa eskatzeko. Ehunka mila pertsonaren sinadurari esker, auzokideen elkarteei dirua zor dietenek ezin dituzte haien asmoak aurrera atera. Erreforma hori indarrean jarri arte, auzokide batek komunitate-gastuak ordaintzen ez bazituen, ordaindu gabe urteak pasatu arren, ez zen ezer gertatzen. Alabaina, ekimen horri esker, komunitateek zorrak dituzten auzokideen kontrako salaketak jar  ditzakete, eta auzokide batek ordaindu ez arren, ez dago lanak gelditu beharrik.

Orain arte gertatutakoaren arabera, ekimen hauek aurrera ateratzeko aukera gutxi badago ere, Mariano Rajoy Gobernuko presidente denetik legegintzako 14 herri-ekimen aurkeztu dira. Bost ez dira onartu, bi atzera bota dira, bat iraungi egin da eta bost epe barruan aurkeztu dira. Horietako bat egunotan ahotan darabilguna da. Hipotekek Kaltetutakoen Plataformak (HKP) aurkeztutako ekimena da, eta 1.402.854 herritarrek sinatu dute. Beste bat aurreko asteartean bozkatu zen Kongresuan: Zezenketak Ondare Kultural gisa arautzeko lege proposamena.

HKPk aurkeztutako ekimena premiaz izapidetzeko PPk eta PSOEk lortu duten akordioak,  35 urte hauetan lege bilakatu daitekeen bigarren ekimena izateko aukera areagotu du. Zer gertatuko da?

2013ko otsailaren 19ean argitaratua. Honi buruz gehiago irakurri:  Araudien azken berriak. Iruzkin bat egin.
  • Partekatu:
  • Email
  • Twitter
  • Facebook