Justizia herritarrengana hurbiltzen

Letraduen Kidegoan sartzeko prestaketa-laguntzak

Letraduen Kidegoan sartzeko prestaketa-laguntzak

Eusko Jaurlaritzak diru-laguntza deialdi berria argitaratu du, Karrera Judizialean, Fiskalean edo Justizia Administrazioaren Letraduen kidegoan jardun nahi duten Zuzenbidean lizentziatu edo graduatuentzat.

Informazio gehiago behar baduzu ikusi Agindua, 2018ko irailaren 6koa, Lan eta Justiziako sailburuarena, Karrera Judizialera, Fiskalera eta Justizia Administrazioaren Letraduen Kidegora sartzeko prestaketa-laguntzetarako 2019ko deialdia egiteko eta laguntza horiek arautzeko dena.

2018ko urriaren 3ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Ba al dakizu? Lan-arloko auzi bat hasteko ez duzu abokaturik behar

Ba al dakizu? Lan-arloko auzi bat hasteko ez duzu abokaturik behar

Lan-arloan arazoak badituzu eta epaitegira jo nahi baduzu, ez duzu abokatu ez prokuradorerik  behar. Lan-arloko auziak, lehen auzialdian, epaitegi arruntetan epaitzen dira eta ez duzu lege arloko profesionalik behar zure auzia aurrera eramateko.

Zergatik? Epaileak, egitateak azaltzeko bakarrik eskatuko dizu, eta horretarako ez duzu zertan Zuzenbide arloko ikasketarik eduki behar. Era horretara, lan-arloko eskubideen inguruko auziak abian jartzeko modua errazten zaio herritar orori.

Hori bai, epaiarekin ados ez bazaude eta auzia aurkaratu nahi baduzu, orduan ezinbestekoa izango zaizu abokatua edo Lan-harremanetarako graduatua edukitzea. Izan ere, auzia bigarren auzialdira pasako da, eta bertan jarduteko ezinbestekoa da Zuzenbide arloko profesional batek ordezkatzea.
Hala ere, hasiera batetik defentsa profesionala nahi baduzu, abokatua kontratatu dezakezu. Baina gogoratu, lehen auzialdira jotzeko, ez da beharrezkoa.

2018ko urriaren 3ean argitaratua. Honi buruz gehiago irakurri:  Ba al dakizu?. Iruzkin bat egin.
  • Partekatu:
  • Email
  • Twitter
  • Facebook

Ba al dakizu zein delitu epaitzen dituzten Zinpekoen Epaimahaiek?

Ba al dakizu zein delitu epaitzen dituzten Zinpekoen Epaimahaiek?

Adinez nagusi den edozein Espainiako herritarrek du aukera zinpekoen epaimahai batean parte hartzeko eta delitu zehatz batzuk epaitzeko, baldin eta irakurtzen eta idazten badaki, eskubide politikoak egikaritzeko ahalmen osoa badu eta zinpeko izateko ezgaitasun fisiko edo psikikorik ez badu.

 

Zinpeko Epaimahaiaren Lege Organikoak ezartzen ditu epaimahai hauek epaitu ditzaketen delituak:

  • Giza-hilketa
  • Mehatxuak
  • Sorospen-eginbeharra ez betetzea.
  • Bizilekua bortxatzea
  • Desleialtasuna agirien zaintzan.
  • Funtzionario-eroskeria.
  • Eragimen-trafikoa.
  • Ondasun publikoak bidegabe eralgitzea.
  • Iruzurrak eta legearen aurkako ordainarazpena.
  • Funtzionarioei debekatutako negoziazioak
  • Desleialtasuna presoen zaintzan.

Zinpeko epaimahaiei buruzko informazio gehiago JustiziaEus-en.

2018ko irailaren 18ean argitaratua. Honi buruz gehiago irakurri:  Botere Judiziala. Iruzkin bat egin.
  • Partekatu:
  • Email
  • Twitter
  • Facebook

Lan-poltsetan daudenen behin-behineko zerrenda onartzen da

Lan-poltsetan daudenen behin-behineko zerrenda onartzen da

Ebazpena, 2018ko abuztuaren 27koa, Justizia Administrazioko zuzendariarena, jarraian zehazten diren kidegoetako lanpostuak betetzeko lan-poltsak osatuko dituztenen behin-behineko zerrenda onartzeko dena: Prozesu eta Administrazio Kudeaketako Kidegoa, Prozesu eta Administrazio Izapidetzako Kidegoa eta Laguntza Judizialeko Kidegoa.

 

2018ko irailaren 13ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Konbikzio-piezen enkantea, urriaren 5ean, Donostiako Atotxako Justizia Jauregian

Konbikzio-piezen enkantea, urriaren 5ean, Donostiako Atotxako Justizia Jauregian

Datorren urriaren 5ean, Donostiako Atotxako Justizia Jauregiko 13.zkiko Salan, gordailuko efektu piezen enkante publikoa egingo da.

JustiziaEus-en, liburutegiko “Atzemandako ondasunak” atalean, enkantean jarriko diren ondasunak, enkantean parte hartzeko baldintzak eta enkanteen ordutegiak ikus ditzakezu.
 

 

2018ko irailaren 3ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook