Justizia herritarrengana hurbiltzen

Mikelek izena aldatu dezake eta Amaia deitu daiteke

Mikelek izena aldatu dezake eta Amaia deitu daiteke

Erregistro Zibilean identitate aldaketa izapidetzen ari diren EAEko transexualek beraien sexua egiaztatuko duen behin-behineko dokumentazioa eskatu ahal izango dute. Neurri hau, beste batzuen artean, Eusko Jaurlaritzak aste honetan onartu duen transexualen eskubideak aitortzeko Lege Proiektuan jasota dago.

Enplegu eta Gizarte Gaietako Sailak landu du testua eta Estatuan izapidetzen den ezaugarri horietako bigarrena da (Nafarroak ere antzerako proiektua onartu du).

Genero-identitate arrazoiengatik ez diskriminatzeko eta transexualen eskubideak onartzeko Lege-aurreproiektuaren helburu nagusia transexualitate-izaera definitzea da; horrela, Erregistro Zibilean sexuaren erregistro-marka eta izena aldatzeko baldintzak arautzen dituen martxoaren 15eko 3/2007 Estatuko Legea zabaldu egiten da.

3/2007 Legearen arabera, pertsona transexualek erregistroko inskripzioa aldatu ahal izango dute mediku-txosten bat aurkezten badute. Mediku-txosten horrek honakoak egiaztatu behar ditu: alde batetik, interesatuak genero-disforia duela, eta, bestetik, izan nahi duen sexuari dagozkion ezaugarri fisikoak bereganatzeko, interesatua gutxienez bi urtez tratamenduan egon dela.

Eusko Jaurlaritzak onartutako proiektuaren arabera, sexu batekoa edo bestekoa izatea ez da soilik kanpoko sexu-organoei lotutako kontzeptua, baizik eta zerbait gehiago. Hori dela eta, honako baldintza hauek betetzen dituztenei ere aitortuko zaie transexual-izaera:

  1. Sexu biologikoaren eta berezkotzat sentitzen duen genero-identitatearen artean gutxienez 6 hilabetez disonantzia egonkorra eta iraunkorra egiaztatzea, mediku- edo psikologo-txosten baten bitartez.
  2. Adierazten duen eta onartuta izan nahi duen genero-identitateari buruzko erroreak sor ditzakeen nortasun-nahasmendurik ez izatea; eta, horri lotuta, borondate egonkorra, zalantzarik gabekoa eta iraunkorra erakustea.

Osasuna, lana eta hezkuntza

Pertsona transexualen eskubideak onartzeko Lege-aurreproiektuari esker, giza-talde hau osatzen duten pertsonek behin-behineko dokumentazioa lortu ahal izango dute, identifikazio aldaketa Erregistro Zibilean burutu aurretik.Horrez gain, Gemma Zabaletak zuzendutako Enplegu eta Gizarte Gaietako Sailak landutako testuak ondorengo neurriak jasotzen ditu:

  • EAEko administrazio guztiek aurreko identitateari buruzko aipamen guztiak ezabatuko dituzte haien fitxategietatik.
  • Osasun arloan, transexualitatearen alorreko erreferentziazko unitatea arautzen da. Neurri horren bitartez mediku-zerbitzua indartu egingo da.
  • Lan arloari dagokionean, euskal herri-administrazioetan transexualen kontratazioa  bultzatzeko neurriak hartuko dira.
  • Hezkuntza-esparruan transexualitatearen alorreko jardunak garatuko dira.
  • Berdindu” zerbitzuak, hau da, transexualentzako, haien familiartekoentzako eta hurbilekoentzako informazio-, orientazio- eta aholkularitza-zerbitzuak bere horretan jarraituko duela bermatuko da.
2012ko urtarrilaren 13ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook

Oroimen Historikoari buruzko Legera biltzeko epea amaituko da

Oroimen Historikoari buruzko Legera biltzeko epea amaituko da

Oroimen Historikoari buruzko 52/2007 Legearen bidez espainiar nazionalitatea eskatzeko epea abenduaren 27an amaituko da. 2007. urtean indarrean jarri zen arau horrek, Gerra Zibilean eta diktadura garaian erbestean bizi izan ziren espainiarren egoera aintzatetsi eta horien oinordekoei  espainiar nazionalitatea eskuratzeko aukera eskaintzen die. 

Oroimen Historikoari buruzko Legearen bitartez espainiar nazionalitatea eska dezakezu, ondorengo egoera hauetako batean bazaude:

  • Zure aita edo ama jatorriz espainiarrak badira, nahiz eta Espainian ez jaio.
  • Erbestean bizitzearen ondorioz espainiar nazionalitatea  galdu zuten edo horri uko egin behar izan zioten espainiarren biloba bazara.
  • Espainiar nazionalitate eratorria eskatuta badaukazu.

Edozein kasutan, gogoratu epea datorren abenduaren 27an amaituko dela. Beraz, aurreko egoeretako batean bazaude, Lege horretara biltzeko egun gutxi dituzu.

2011ko abenduaren 23ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook

Nire kexa adierazi nahi dut

Palacio de Justicia

Justizia Administrazioa herritarren kexa gehien jasotzen duen erakundeetako bat da; sarritan, kexa kopurua  edozein enpresak jasotzen duen kopurua baino handiagoa izan da. 

Herritarrek uste dute Justizia politizatuta dagoela,  edo epaileak askotan partzialak direla  edo hartutako erabakiak injustuak direnean  inork ez dituela epaileak zigortzen. Adostasunik gabeko banantzeak eta zaintza partekatuak ere gai korapilotsuak dira, baita prozeduren gehiegizko luzapenak eta funtzionarioen jokabidea ere. 

Zure kexa Euskadiko Justizia Administrazioari helarazi nahi badiozu, informazio guztia  Zerbitzuak eta izapideak atalean aurkituko duzu. Bestela, Internet bidez bidali dezakezu. Kasu honetan, zure kexa bidaltzean,  jasota gelditu dela eta eman zaion espediente zenbakia zein den adieraziko dizun mezua jasoko duzu zure postontzian.

2011ko abenduaren 9ean argitaratua. Honi buruz gehiago irakurri:  JustiziaEus-eko zerbitzuak . 2 Iruzkinak.
  • Partekatu:
  • Email
  • Twitter
  • Facebook

Justizia.net irabazle 2011ko Buber sarietan, herritarrei zerbitzua emateko web onenen atalean

Buber Sariak

Justizia.net, Euskadiko Justizia Administrazioaren web orria, irabazle izan da 9. Buber sarietan, herritarrei  zerbitzua emateko web onenen atalean. Sari banaketa atzo izan zen EiTBko egoitzan Bilbon.

Jesus Maria García Aréjulak, Justizia Administrazioa Eraberritzeko Zuzendariak jaso zuen saria. Ekitaldian honeko hauek ere izan ziren: Patxi Sáez, Justizia.net-eko Proiektu arduraduna eta Cecilio Fernández, Bizkaiko Informatikako Lurralde arduraduna.

Buber sariak Euskadin, Internet esparruan, oso ezagunak dira, eta herritarrentzako balio erantsia duten  web atariak saritzeaz gain,  teknologia berrien erabileraren bitartez  gizartean eragile diren proiektuak ere saritzen dira euren bidez.

Lehenengo, sarietara aurkeztu ziren 200 web atarien artean, erabiltzaileek gogokoen zituzten web-guneak aukeratu zituzten . Ondoren, gai honetan aditua den talde batek kategoria bakoitzeko hiru web aukeratu zituen. Justizia.net-ez gain, herritarrei zerbitzua emateko web onenen atalean beste bi atari ere finalista izan dira: www.tendumi.com kanpinei buruzko gida, eta Why not? Fundazioaren web ataria. (www.fundacionwhynot.org).

9. Buber sarietako gainontzeko irabazleak:

  • Blog edo web korporatibo onena: www.lasterketak.com
  • Aplikazioa edo web software aske onena: www.librezale.org
  • Merkataritza elektroniko web-gune onena:  www.deskontu.com
  • Herritarren zerbitzurako ataria: www.justizia.net
  • Berrikuntzako-egitasmo onena:  Babelium Project
  • Euskarazko teknologia proiektu onena: Kulturize
  • Start-up egitasmorik onena: Ideable
  • Internazionalizazio proiektu onena: Basque culinary Center
  • Publizitate kanpaina onena: ilowcost
  • Elkartasuna bultzatzeagatik: EITB Maratoia
2011ko abenduaren 2ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook

Justizia.net finalista da 2011ko Buber sarietan, herritarrei zerbitzua emateko web onenen atalean

Justizia.net finalista da 2011ko Buber sarietan, herritarrei zerbitzua emateko  web onenen atalean

Justizia.net, Euskadiko Justizia Administrazioaren web-orria, hiru finalisten artean dago  9. Buber sarietan, herritarrei zerbitzua emateko web onenen atalean.

Lehenengo, sarietara aurkeztu ziren 200 web atarien artean, erabiltzaileek gogokoen zituzten web-guneak aukeratu zituzten . Ondoren, gai honetan aditua den talde batek kategoria bakoitzeko hiru web aukeratu ditu. Justizia.net-ez gain, herritarrei zerbitzua emateko  web onenen atalean beste bi atari ere finalista dira: www.tendumi.com kanpinei buruzko gida, eta Why not? Fundazioaren web-ataria. (www.fundacionwhynot.org).

Sari banaketa, Internet & Euskadi elkarteak antolatu du eta datorren abenduaren 1ean izango da Bilbon.

2011ko abenduaren 1ean argitaratua. Honi buruz gehiago irakurri:  Eusko Jaurlaritza. Iruzkin bat egin.
  • Partekatu:
  • Email
  • Twitter
  • Facebook