Justizia herritarrengana hurbiltzen

Justizia digitala

Ziberjazarpena salatu

Ziberjazarpena salatu

Gizarte-sareak komunikatzeko era berria dira, baina arriskutsuak ere izan daitezke.    Identitate faltsu baten atzean edonor ezkuta daiteke, eta mehatxatu edo derrigortu egin zaitzake. Bitarteko hauen erabileraren gorakadak psikologikoki erasotzeko era berri baten agerpena eragin du: ziberjazarpena . Anonimotasunean babestuta iraindu, jazarri eta mehatxatu egin zaitzakete. Hala ere, beldurraren eraginez, kaltetutako pertsonek ez dituzte beti gertaerak salatzen.

Estatuko Segurtasun Indarrek emandako datuen arabera, 1.187 salaketa aurkeztu ziren 2010. urtean internet bidezko mehatxu eta derrigortzeak salatzeko. Urte osoari buruzko datu guztiak biltzen dituen azken txostena da 2010 urtekoa. 2006. urteko datuekin alderatuz gero, salaketa kopurua bost aldiz handiagoa da. Datuok Barne Ministerioak CIUko Corali Cunyat senatariari eman dizkio eta La Vanguardia egunkariak eman ditu argitara.

Ziberjazarpenak adingabeak bereziki kaltetzen ditu. Protégeles, Save the children eta Fundación de Ayuda a Niños y Adolescentes en Riesgo (Anar)GKEk hurrengo aholkuak ematen dituzte: Mezuak ez erantzun, baina bai gorde, eta gurasoei, irakasleei edo elkarte hauetakoren bati gertaeraren berri eman. 

Ertzaintzaren web atarian ere zenbait aholku jasota daude: Adingabeei zuzendutakoak:

  • Ez eman ez zure benetako izena, ez eta telefonoa, helbidea edo senideen daturik ere.
  • Ez lotu inoiz hitzordurik ezezaguna den pertsona batekin, eta interneten eduki desegokiak ikusten badituzu zure gurasoak jakinaren gainean jar itzazu.
  • Argazkiak edo bideoak doan ikusteko programa piratarik ez instalatu.

Eta gurasoei zuzendutakoak, berriz:

  • Seme-alaben nabigazioa gidatu edo/eta gainbegiratu ezazu.
  • Edukien iragazkiak dituzten programak instalatu eta adingabekoentzat egokiak ez diren edukiak mugatu itzazu.
  • Telefono enpresari 903 eta 906 zenbakietara egindako deiak blokeatu ditzala eska iezaiozu. Dei horiek eragozten dituzten programak ere instalatu daitezke.

Baina, batez ere, jazarpenaren biktima bazara, salatu ezazu.

 

2013ko urtarrilaren 14ean argitaratua. Honi buruz gehiago irakurri:  Justizia digitala. Iruzkin bat egin.
  • Partekatu:
  • Email
  • Twitter
  • Facebook

Internet bidez ziurtagiri bat eskatu dut, orain zer egin behar dut?

Internet bidez ziurtagiri bat eskatu dut, orain zer egin behar dut?

JustiziaNet web atarian dauden aplikazioek izapideak asko errazten badituzte ere, zenbaitetan zalantzak sortzen dira. Zuei laguntzeko daude, beraz, internet bidez ziurtagiri bat eskatzen duzuenean zer gertatzen den azalduko dizuegu.

Eskaera betetzerakoan helbide elektronikoa jarri baduzue, zuen eskaera jaso dela adierazten duen mezu bat jasoko duzue. Erregistro Zibilean edo Bake Epaitegian online eskaerak izapidetzeaz arduratzen den pertsonak zuen eskaera balidatuko du eta hamar-hamabost eguneko epean ziurtagiria postaz bidaliko dizu etxera. Denbora tartea Erregistroak eta posta bulegoek duten lan kargaren araberakoa da. Denbora tarte honetan zuen izapidearen egoera ezagutu nahi baduzu, etxetik bertatik kontsulta egin dezakezu.

Horretarako “Zerbitzuak eta izapideak” atalean “nola dago nire izapidea?” aukera daukazu. Egin behar duzun gauza bakarra hurrengoa da: aukera horretan sakatu eta izapidea eskatu duen pertsonaren identifikazioa sartu. Adibidez, NAN zk.a 12345678-A bada, identifikazio zenbakia sartzeko aukeran ‘NAN’ sakatu  eta gero ‘121345678A’ zenbakia idatzi beharko duzu.

Oso erraza da!  

2012ko azaroaren 19ean argitaratua. Honi buruz gehiago irakurri:  Justizia digitala. Iruzkin bat egin.
  • Partekatu:
  • Email
  • Twitter
  • Facebook