Justizia herritarrengana hurbiltzen

JustiziaEus-eko zerbitzuak

Zure zuhaitz genealogikoa egin nahi al duzu?

Zure zuhaitz genealogikoa egin nahi al duzu?

Zure arbasoak zeintzuk izan ziren jakiteko beharra baduzu: nola deitzen ziren, zenbat seme-alaba izan zituzten, noiz jaio ziren, zenbat alditan ezkondu ziren... Informazio guzti hori zuhaitz genealogikoa eginaz batu dezakezu. 

Zure familiari buruz behar duzun informazio guzti hori eskuratzeko bide errazena Erregistro Zibiletara jo eta jaiotza-, ezkontza- eta heriotza-ziurtagiriak eskatzea da.

Adibidez, zure birraitona-amonen jaiotza-data jakin nahi baduzu, zure aitona-amonen jaiotza-ziurtagiria eska dezakezu. Bertan, euren gurasoen izen-abizenak eta jaiotza-data ageri baitira.

Era horretara, zure jaiotza-ziurtagiria eskatuz gero, zure gurasoen izen-abizenak eta jaiotza- data eta -lekua jakingo dituzu. Datu horiekin zure gurasoen jaiotza-ziurtagiria eska dezakezu; bertan, zure aitona-amonen izen-abizenak eta jaiotza-data eta -lekua agertuko dira. Datu horiekin, berriz, zure aitona-amonen jaiotza-ziurtagiria eska dezakezu; bertan zure birraitona-amonen datuak agertuko dira, e.a.

JustiziaNetetik beharrezko ziurtagiriak eska ditzakezu:

Erregistro Zibilen bitartez zure arbasoei buruzko informazioa eskuratzea ezinezkoa bada, elizbarrutiko artxibategietara jo dezakezu. Horietan, Arabako, Bizkaiko eta Gipuzkoako  parrokietan egindako jaunartzeen, ezkontzen eta hileten  erregistroak daude.

EAEko Artxiboak  hurrengo helbideetan daude:

2015ko azaroaren 25ean argitaratua. Honi buruz gehiago irakurri:  Erregistro Zibila eta Bake Epaitegiak. Iruzkin bat egin.
  • Partekatu:
  • Email
  • Twitter
  • Facebook

Espainola izateko testa gaindituko al zenuke?

Espainola izateko testa gaindituko al zenuke?

Datorren urriaren 29an Espainiako Konstituzio, Gizarte eta Kulturaren Ezagutzari buruzko lehenengo proba (EGKE) egingo dute, espainiako nazionalitatea eskuratu nahi duten  hautagaiek.  Atzerritar egoiliarrek eta Espainiarekin lotura duten sefardiek Cervantes Institutuak kudeatutako proba hau gainditu beharko dute.

EGKE proba erantzun bakarreko 25 galderaz osatuta egongo da. Galderak, Konstituzioari buruzkoak (Gobernua, legeria eta herritarren parte-hartzea Espainian) eta espainiako kulturari, historiari eta gizarteari buruzkoak izango dira.  Hautagai bakoitzak 45 minutu izango ditu azterketa egiteko, eta gutxienez 15 galdera zuzen erantzun beharko dira proba gainditzeko.

Jarraian, EGKEn egiten diren hainbat galdera ikus ditzakezu:

  1. Estatuburua…
    a) Gobernuko presidentea da.
    b) Erregea da.
    c) Atzerriko ministroa da.
     
  2. Botere legegilea…
    a) Presidenteari eta ministroei dagokie.
    b) Epaile eta magistratuei dagokie.
    c) Diputatu eta senatariei dagokie.
     
  3. Nork osatzen du autonomia erkidegoetako organo betearazlea?
    a) Presidenteak eta ministroek.
    b) Alkateak eta zinegotziek.
    c) Presidenteak eta sailburuek.
     
  4. Espainolek botoa emateko gutxienez hurrengo adina izan behar dute:
    a) 16 urte.
    b) 18 urte.
    c) 21 urte.
     
  5. Oinarrizko hezkuntza (lehen eta bigarren hezkuntza, 6 urtetik 16 urtera). Derrigorrezkoa eta doan da.
    a) Egia.
    b) Gezurra.
     
  6. Ze autonomia erkidego osatzen dute Alacant, Castello eta Valentziak?
    a) Asturiasko Printzerria
    b) Andaluzia.
    c) Valentziako Erkidegoa.
     
  7. Museo hauetatik, zein dago Bilbon?
    a) Centro de Arte Reina Sofia Museo Nazionala.
    b) Thyssen Bornemisza museoa.
    c) Guggenheim museoa.
     
  8. Zein da Penelope Cruz-en lanbidea?
    a) Abeslaria.
    b) Gitarra-jolea.
    c) Aktorea.
     
  9. Espainian, zenbat kide behar dira familia ugaria izateko?
    a) Bikotea eta seme-alaba bat.
    b) Bikotea eta bi seme-alaba.
    c) Bikotea eta hiru seme-alaba.
     
  10. 750ml-ko ur botila erosiz gero, hurrengo kantitatea erosi dugu:
    a) 3/4 litro.
    b) Litro erdi.
    c) Litro bat.

Zenbat erantzun asmatu dituzu? Inskripzioak 85 euro balio ditu eta hautagai bakoitzak azterketa gainditzeko bi aukera dauzka. Cervantes Institutuak online plataforma bat jarri du abian: http://ccse.cervantes.es. Bertan, EGKE probari buruzko informazio guztia dago (deialdien datak, gidaliburuak, azterketa motak, e.a.)

Eta zuk, espainola izateko testa gaindituko al zenuke?

  • Konstituzioari eta Espainiako Kultura eta Gizartearen Ezagutza probari buruzko informazio gehiago behar baduzu, Cervantes Institutuaren http://ccse.cervantes.es plataformara jo.
  • Erantzunak:  1-b / 2-c / 3-c / 4-b / 5-a / 6-c / 7-c / 8-c / 9-c / 10-a.

 

2015ko urriaren 14ean argitaratua. Honi buruz gehiago irakurri:  Erregistro Zibila eta Bake Epaitegiak. 2 Iruzkinak.
  • Partekatu:
  • Email
  • Twitter
  • Facebook