Justizia herritarrengana hurbiltzen

Justiziarekin elkarlana

Urtarrilak 21, Bitartekaritzaren Europako Eguna

Urtarrilak 21, Bitartekaritzaren Europako Eguna

Urtarrilaren 21ean, Bitartekaritzaren Europako Eguna da. Egun horretan bitartekaritzari buruzko europako lehen lege-testuaren sorrera ospatzen da, hau da, R (98) Gomendioa, Familia-bitartekaritzari buruzkoa, Europako Kontseiluak 1998ko urtarrilaren 21ean onartutakoa. 

Eusko Jaurlaritza bitartekaritza arloan aitzindari da Espainian, 2007an Euskadiko Bitartekaritza Judizialeko Zerbitzua sortu zenetik.

Baina, zer da bitartekaritza? Bitartekaritza Justizia Leheneratzailearen adierazle garrantzitsuena da, ohiko justiziaren ordezko era da eta biktimari protagonismo handiagoa ematen dio; ildo horretatik, aldeen arteko zuzeneko komunikazioaren bitartez, biktimak jasandako kaltea konpontzea du xede. 

Euskadiko Bitartekaritza Judizialaren Zerbitzuaren azken memoriaren arabera, zerbitzuak arrakasta handia du; izan ere, EAEko epaitegiek Bitartekaritza Judizialeko Zerbitzura bideratutako auzien erdia inguru alde bien arteko adostasunarekin amaitu da.

2018ko urtarrilaren 17ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook

Eusko Jaurlaritzak Euskadiko Justizia Leheneratzaile ereduaren onurak aurkeztu ditu Diputatuen Kongresuan

Eusko Jaurlaritzak Euskadiko Justizia Leheneratzaile ereduaren onurak aurkeztu ditu Diputatuen Kongresuan

Eusko Jaurlaritzako Lan eta Justizia Sailaren Justizia Zuzendari eta Helduen Justizia Zerbitzuaren Arduradun Roberto Moreno Alvarez, Diputatuen Kongresuko Justizia Batzordean egon da aste honetan, ohiko sistema judizialaren eredu osagarri den Justizia Leheneratzaile ereduaren onurak azaltzen. 

Hitzaldian, Roberto Morenok Justizia Leheneratzaile arloan Euskadin izandako esperientzia positiboaren berri eman die diputatuei; Justizia mota hau, 2007tik Bitartekaritza Judizialeko Zerbitzuaren bitartez Eusko Jaurlaritzak bultzatutako ohiko Zigor-arloko Justizia ereduaren osagarri da. Roberto Morenoren hitzetan, Euskadin “Justizia Leheneratzaile prozesuetan inplikatutako pertsona gehienek esandakoaren arabera, euren adierazpenak norbaitek entzuten dituen lehenengo aldia izan da; bestalde, justizia arloko langileek, motibazio gehiagorekin egiten dute lan eta egindakoak asebete egiten dituela adierazi dute”.

Justizia Leheneratzailearen onura nagusia, biktima sistema judizialaren zentroan jartzea da; era horretara, egindako kaltea konpontzeko aukerak ahalbidetzen dira, bai lege aldetik, bai eta batik bat, arlo moral eta emozionalean.  Hori da, hain justu, ohiko Zigor-arloko Justiziarekiko duen aldea. Izan ere, Roberto Morenok adierazitakoaren arabera, Justizia Leheneratzaileak delitua pertsona zehatz baten aurka egin dela lehenesten du; Zigor-arloko Justizian, aldiz, delitua arau juridiko baten aurkako erasoa da, eta biktima printzipala Estatua da. Nolabait esateko, “egindako kaltea ordaintzetik, egindako kaltea konpontzera”pasatu da. 

Eusko Jaurlaritza Justizia Leheneratzailearen Europako Foroan eskubide osoko kide da; erakunde hau 2000. urtean sortu zen eta Europako oinarrizko erreferentea da arlo horretan. 2014an Roberto Moreno Foro horretako Adituen Batzordeko kide izendatu zuten, eta harezgero, Justizia Leheneratzaile eredua estatuan ezartzeko egiten du lan, “kalitatezkoa eta herritarren zerbitzura” dagoen Justizia eredua garatzeko helburuarekin.

2017ko azaroaren 14ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook