Justizia herritarrengana hurbiltzen

Justiziarekin elkarlana

Espetxearen ordezko alternativa, 2015eko datuak

Espetxearen ordezko alternativa, 2015eko datuak

Zigorrak Kudeatzeko Euskal Zerbitzua koordinatzen eta finantzatzen du Eusko Jaurlaritzak, astuntasun txikiko delituak egin dituzten pertsonak berrezi eta birgizarteratzeko. Horiei epaitegiek espetxeratzearen ordezko zigorrak ezartzen dizkiete.

Eusko Jaurlaritzaren doako zerbitzu honek 5.754 auto kudeatu zituen 2015ean. Gehienak, % 87,68, genero-indarkeriako edo bide-segurtasunaren aurkako delitugile gizonezkoei zegozkien (Zigorrak Kudeatzeko Euskal Zerbitzuaren memoria - 2015).

Zigorrak Kudeatzeko Euskal Zerbitzua diziplina anitzeko profesionalek osatzen dute, tartean, legelariek, psikologoek eta gizarte-langileek. Zigorra jarritako pertsonek egindako delituaren ondorioen erantzukizuna beregain hartzea da helburua, eta, ondorioz, biktimari edo kide den komunitateari eragindako kaltea erreparatzea. Horretarako, epaitegietan espetxeratzen ordezko hiru zigor mota ezartzen dira:

  • Gizartearentzat lan egitea edo sentsibilizazio-programetan parte hartzea: 2015ean, epaitegiek mota horretako 5.198 auto eman zituzten, guztien % 90,3. Zigorra jarritako pertsonek gizartearentzat lan egin behar dute GKEtan, udaletxeetan, etab., edo berreziketa- eta sentsibilizazio-programetan parte hartu.
  • Zigorrak etetea programa terapeutikoetan parte hartzeagatik: 2015ean, epaitegiek mota horretako 426 auto eman zituzten, guztien % 7,4. Zigorra jarritako pertsonak programa terapeutiko bat edo buruzko osasun-programa bat egin behar dute.
  • Osasun mentaleko zentro bateko segurtasun-neurriak: 2015ean, epaitegiek espetxeratzearen ordez osasun mentaleko zentroetan sartzeko 135 auto eman zituzten, guztien % 2,3.

Eusko Jaurlaritzaren doako zerbitzu honi buruzko informazio gehiago nahi izanez gero, jo JustiziaNet-eko  Zigorrak Kudeatzeko Euskal Zerbitzuaren atalera.
 

2016ko apirilaren 20ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Twitter
  • Facebook

Zure erasotzailea aske gelditu da

Zure erasotzailea aske gelditu da

Iaz, Biktimari Laguntzeko Zerbitzuak 1.000 biktimari baino gehiagori egin zien dei,  beraiekin lotutako delituagatik zigorra jaso zuen delitugilea espetxetik aterako zela jakinarazteko. 

1.009 dei horietatik %65 indarkeria matxistaren biktimei euren erasotzailea espetxetik atera zela jakinarazteko izan zen.

Horietatik,  41 -50 urte bitarteko emakumeen batezbestekoa hamarretik zortzi izan zen. Hain zuzen ere, BLZk hartatzen dituen emakumeek ezaugarri berdinak dituzte: 41 eta 50 urte bitarteko emakumeak dira, Bizkaian bizi dira eta genero indarkeriaren biktimak dira.

BLZ Eusko Jaurlaritzaren doako zerbitzua da eta 2015ean edozein motako delituren 2.674 biktima hartatu zituen. 2.674 biktima horietatik, BLZk 2.829 espediente ireki zituen (biktima bakoitzak espediente bat baino gehiago izan dezake, delituen arabera). Horietatik erdia inguru -1.412- genero indarkeriaren biktimak izan ziren. Espedienteak irekitzeko bigarren arrazoia, lehenengotik arras urrun, familia-barruko indarkeria izan zen: 2015ean mota horretako 521 espediente ireki ziren (%55,47) eta biktimizatutako gehienak, kasu horretan ere, emakumeak izan ziren.

Biktimei Laguntzeko Zerbitzua 

1991.urtean abian jarri zen zerbitzua da. Ordutik hona delituek biktimizatutako norbanako guztiei harrera osoa, jarraia eta doakoa egiten die.  Zerbitzua  legelari, gizarte-langile, psikologo eta psikiatrian adituek osatutako diziplina anitzeko taldeen esku dago. Lau bulego daude, Vitoria-Gasteiz, Bilbo, Barakaldo eta Donostiako Justizia Jauregietan eta 2016.urtean 609.000 euroko aurrekontua dute.

 

2016ko apirilaren 18ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Twitter
  • Facebook