Justizia herritarrengana hurbiltzen

Justiziarekin elkarlana

Elkarlaneko Zuzenbidea Euskadin

Elkarlaneko Zuzenbidea Euskadin

Elkarlaneko zuzenbidea gatazkak elkarlanean eta era adiskidetsuan konpontzeko modu berritzailea da; baina horren guztiaren gainetik, defentsa juridikoa eta Justizia printzipio zehatzen arabera ulertzeko era berria da.  Horrela adierazi du Euskadiko Elkarlaneko Zuzenbidearen Elkarteak. Elkartea duela urte erdi sortu zen, aukera berritzaile hori lurraldean zabaltzeko helburuarekin. 

Elkarlaneko zuzenbidea duela bi hamarkada jarri zen abian Amerikako Estatu Batuetan, eta bertako datuak oso esanguratsuak dira: hamar auzitatik zortzi negoziatu egiten dira.  Ondorioz, hamar auzitatik bi bakarrik iristen dira epaitegira. 

Gure herrialdean datuak erabat bestelakoak dira: hamar auzitatik hiru bakarrik negoziatzen dira; gainontzekoak epaitegira doaz.

Zeintzuk dira elkarlaneko zuzenbidearen nondik norakoak?

Bide judizialaren ordezko aukerak, prozesuan parte hartzen duten norbanako guztien arteko negoziazioa du ardatz nagusi; hortaz, abokatuek, bezeroek, notarioek, psikologoek, bitartekariek… guztiek hartzen dute parte prozesuan. Helburu bakarra errespetua, gardentasuna, parekidetasuna eta konfidentzialtasuna oinarri duen akordioa erdiestea da. 

2014ko otsailaren 4ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook

Espetxeratzearen alternatibak

Espetxeratzearen alternatibak

2013ko lehen sei hilabeteetan 2.000 pertsonek ordezkatu dituzte zigorrak komunitatearen onerako lanengatik. 

Zigor Kodearen arabera, zigortuak sistema horretaz baliatu daitezke, baldin eta kartzela zigorra urtebete baino gutxiagokoa bada, eta bi urte baino gutxiagokoa bada ohiko delinkuentziaren kasuan.  Isun bat ordaindu behar duten pertsonek ere, kaudimengabeak badira, isuna komunitatearen onerako lanengatik ordezkatu dezakete.

Euskadin, Zigorrak Kudeatzeko Euskal Zerbitzua (ZKEZ) da komunitatearen onerako izango den lana eginarazteko, zigor askatasun-gabetzaileak eteteko eta kondenak ordezkatzeko beharrezkoak diren ekimenez arduratzen dena. 

2013ko lehen sei hilabeteetan 1.970 pertsona baliatu dira EAEko sistema horretaz eta   zigorrak komunitatearen onerako lanengatik ordezkatu dituzte. Kasu guztiak larritasun-maila txikikoak izan dira, gehienak trafikoko lege-hausteekin eta genero indarkeriarekin erlazionatuta zeuden.

Zeintzuk dira lan horien nondik norakoak? Gehienak kondenatua berriro heztea helburu duten tailerrak dira.

Trafikoko lege-haustea izan bada, bide-segurtasunari buruzko informazioa ematen zaio, talde-dinamikaren bitartez edo trafiko istripuetako biktimekin batzartzearen bitartez. Genero indarkeria delituengatik zigortutakoen kasuan, genero berdintasunari buruzko eta norbere burua kontrolatzeari buruzko taldeko edo banakako sesioak egiten dira.

2013ko irailaren 10ean argitaratua. Honi buruz gehiago irakurri:  Justiziarekin elkarlana. Iruzkin bat egin.
  • Partekatu:
  • Email
  • Twitter
  • Facebook