Justizia herritarrengana hurbiltzen

Azaroaren 12 eta 13an Bilboko Bizkaia Aretoan egingo dira “Emakumeen aurkako indarkeria prebenitzeko elkarlanean” jardunaldiak. Jardunaldietan, Gakoa –Genero indarkeriagatik zigortutako gizonak birgaitzeko Eusko Jaurlaritzaren programa aurkeztu eta ebaluatuko da.

Jardunaldietan parte hartuko dute Lan eta Justizia Sailburu María Jesús San Josek, Justizia zuzendari Loly de Juanek, EAEko Auzitegi Nagusiko presidente Juan Luis Ibarrak, Euskadiko Fiskaltza Nagusiko fiskal-teniente María Jesús Cuarterok, Emakundeko zuzendari Izaskun Landaidak eta Kriminologiako Euskal Institutuko zuzendari José Luis la Cuestak. 

• Gakoa programari buruzko informazio gehiago behar baduzu, Genero indarkeriagatik zigortutako erasotzaileentzako tratamenduei buruzko txostena irakur dezakezu.(2018). Egileak IVAC/KREI (UPV/EHUko) ikertzaile doktore Gema Varona, Zuzenbidean doktore eta epaitegi barruko bitartekari Idoia Igartua eta UPV/EHUko Kriminologia graduan soziologia irakasle Auxkin Galarraga). 

Datorren ekainaren 4an Justizia Konponarazlea eta Espetxea nazioarteko mintegia egingo da Euskadiko Artxibo Historiakoan. Justizia Sailburuorde Miren Gallastegik aurkeztuko du mintegia eta Lan eta Justizia Sailburu Maria Jesus San Josek emango dio amaiera.

Mintegian nazioartean ibilbide luzea duten hainbat hizlarik hartuko du parte, horien artean Libardo Ariza dago, Kolonbiako Los Andes Unibertsitateko irakasle eta Unibertsitateko Espetxe ikerketa taldeko Zuzendari, Zuzenbidean doktore (Deustuko Unibertsitatea) eta Zuzenbidearen soziologian Master of Arts; jurista eta ENLACE Andaluziako Federazioaren bitartekari Jorge Ollero; eta Johannes Feest. Azken hau, erretiroa hartuta badago ere, alemaniako espetxe legediari buruzko artikuluak argitaratzen ditu eta beste ardura batzuen artean Oñatiko Soziologia Institutuko Zuzendari Zientifikoa izan zen.

Jardunaldian mahai-inguru bat ere egongo da, Justizia Konponarazleak espetxe barruan izan dezakeen bideragarritasunaren inguruan.  Mahai-ingurua Eusko Jaurlaritzako Lan eta Justizia Sailaren Justizia Zuzendari eta Helduen Justizia zerbitzuaren arduradun eta Justizia Konponarazlearen Europako Foroaren Batzorde Exekutiboaren kide Roberto Moreno Alvarezek zuzenduko du.

• Ordutegiei eta izen-emateari buruzko informazio gehiago, Justizia Konponarazlea eta Espetxea nazioarteko mintegiari buruzko liburuxkan daukazu.