Justizia herritarrengana hurbiltzen

Trebakuntza eta enplegu publikoa

Nortzuk ez dute abokatu izateko sarbide-masterrik egin behar?

Nortzuk ez dute abokatu izateko sarbide-masterrik egin behar?

Abokatu eta Auzitegietako Prokuradore lanbideetarako sarbideari buruzko Legeak ezartzen duenaren arabera, lizentziatuek elkargokide izateko praktika juridikoko masterra egin behar dute. Lege hau 2006an onartu zen eta 2011ko urriaren ostean lizentziatutako guztiei eragiten die.

Baina lege horrek salbuespenak ere baditu. Alberto Ruiz-Gallardon Justizia Ministroak , ikasleen eskaeren aurrean, amore eman du. Horren ondorioz, masterrak 4 salbuespen izango ditu:

  1. Legea 2006ko urrian onartu aurretik matrikulatu zirenek ez dute masterra egin beharrik izango, baldin eta karrera amaitu eta bi urteko epean elkargokide egiten badira.
  2. 2006 ostean Zuzenbidean matrikulatu zirenek ez dute masterraren alde teorikoa egin behar izango. Praktika bakarrik egin beharko dute.
  3. Legea indarrean jarri aurretik atzerriko titulu baten homologazioa eskatu zutenek ez dute masterra egin beharrik izango, baldin eta homologazioa lortzen dutenetik urte biko epean elkargokide egiten badira.
  4. 2006. urtea baino lehen lizentziatu ziren ikasleei ere ez zaie profesional titulua eskatuko, baina bi urte pasa aurretik elkargokide egin beharko dira.

Ikus ezazu urriaren 30eko 34/2006 Legea, Abokatu eta Auzitegietako Prokuradore lanbideetarako sarbideari buruzkoa.

2012ko martxoaren 19ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Bekadunek Gizarte Segurantzan kotizatuko dute

Bekadunek Gizarte Segurantzan kotizatuko dute

Azaroaren 1etik, bekadunek Gizarte Segurantzan kotizatzen dute. 30.000 gaztetik gora baliatuko dira neurri honetaz   eta beste 200.000 bat pertsona, aurretiaz  bekadun izateagatik  hitzarmen berezi bat sinatzeko aukera izango dute.

Aste honetan Estatuko Aldizkari Ofizialean Errege Dekretua argitaratu da. Honen bidez, ordaindutako praktikak egiten dituzten pertsonak Gizarte Segurantzaren Araubide Orokorrean sartzea arautzen da.

Neurri honek atzeraeginezko izaera dauka; beraz, Errege Dekretua indarrean jarri aurretik ordaindutako praktikak egin dituzten pertsonek hitzarmen hau erabili ahal izango dute gehienez, bi  urte kotizatu ahal izango dituzte.  Horretarako, hezkuntza programa diruz lagundu duen erakunde edo enpresaren egiaztagiria aurkeztu besterik ez dute egin behar.

Egun bekadun bazara, zorionak! Zure erretiroari begira urteak pilatzen hasi zara; izan ere, azken lan erreformaren arabera, 67 urte izan arte ezin izango da erretiroa hartu Eta bekadun-ohia bazara, ez zalantzarik izan; izan duzun praktikaldia egiaztatzeko ziurtagiria eskatu, eta Gizarte Segurantzaren Araubide Orokorraren baitan jaso dezatela eska ezazu.

2011ko azaroaren 4ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook