Justizia herritarrengana hurbiltzen

Trebakuntza eta enplegu publikoa

Justiziako lan-poltsan bazaude, informazio hau baliagarria da zuretzat!

Justiziako lan-poltsan bazaude, informazio hau baliagarria da zuretzat!

Urtero, Justizia Administrazioko Zuzendaritzak, Zigor-arloko eta Zibil-arloko online tramitazioa izeneko ikastaroa egiteko aukera zabaltzen du Justiziako lan-poltsan daudenentzat. Ikastaro hauek ez dira ezagutza handitzeko soilik; Justizian lan egiteko ezinbestekoak dira.

Deialdia Justizia.net bidez iragartzen da eta auto-matrikula JustiziaGela online aplikazioaren bidez egin behar da.

Ikasle kopurua mugatua da, eta kurtsoak hilabeteko iraupena du. Trebakuntza online bada ere, azken proba egiteko bertaratu egin beharko duzu.

Ikastaroa gainditu ostean, Euskadiko Justizia Administrazioan lan egiteko deitu zaitzakete; lanpostu huts bat betetzeko, edo ordezkapen bat egiteko izan daiteke.

2014ko otsailaren 14ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook

Nortzuk ez dute abokatu izateko sarbide-masterrik egin behar?

Nortzuk ez dute abokatu izateko sarbide-masterrik egin behar?

Abokatu eta Auzitegietako Prokuradore lanbideetarako sarbideari buruzko Legeak ezartzen duenaren arabera, lizentziatuek elkargokide izateko praktika juridikoko masterra egin behar dute. Lege hau 2006an onartu zen eta 2011ko urriaren ostean lizentziatutako guztiei eragiten die.

Baina lege horrek salbuespenak ere baditu. Alberto Ruiz-Gallardon Justizia Ministroak , ikasleen eskaeren aurrean, amore eman du. Horren ondorioz, masterrak 4 salbuespen izango ditu:

  1. Legea 2006ko urrian onartu aurretik matrikulatu zirenek ez dute masterra egin beharrik izango, baldin eta karrera amaitu eta bi urteko epean elkargokide egiten badira.
  2. 2006 ostean Zuzenbidean matrikulatu zirenek ez dute masterraren alde teorikoa egin behar izango. Praktika bakarrik egin beharko dute.
  3. Legea indarrean jarri aurretik atzerriko titulu baten homologazioa eskatu zutenek ez dute masterra egin beharrik izango, baldin eta homologazioa lortzen dutenetik urte biko epean elkargokide egiten badira.
  4. 2006. urtea baino lehen lizentziatu ziren ikasleei ere ez zaie profesional titulua eskatuko, baina bi urte pasa aurretik elkargokide egin beharko dira.

Ikus ezazu urriaren 30eko 34/2006 Legea, Abokatu eta Auzitegietako Prokuradore lanbideetarako sarbideari buruzkoa.

2012ko martxoaren 19ean argitaratua. Honi buruz gehiago irakurri:  Trebakuntza eta enplegu publikoa. Iruzkin bat egin.
  • Partekatu:
  • Email
  • Twitter
  • Facebook